Anglo-Kuki War 1917-1919 kum 1O7 lhinna lolhing tah a kichai
Tuni Ellha Nisim 17, 2024 (Thursday) nin Kuki ten Anglo-Kuki War 1917-1919 kum 1O7 lhinna lolhing tah in anamang chai tauve.
Hiche Anglo-Kuki War 1917-1919 hi Manipur Government in 2019 kuma State Restricted Holiday a ana phondoh toh kilhon a State Holiday jong ahi. State Holiday ahitoh kilhon a tunia Kuki chaten muntin a hiche nikho loupi tah hi kimang cheh ahi.
Tunia Anglo -Kuki War 1917-1919 kum 1O7 lhin nikho Commemoration kiman naho chu Lamka a din Anglo-Kuki War Centenary Gate kiphuna mun Leisang Vangkho ah akimangin, Tengnoupal District a din Moreh Khopi, Pu Chengjapao Doungel Statue ah akimangin chuleh Kangpokpi district a din Brig. Thomas Ground, Kangpokpi ah akimangin ahi.
Lamka district a Leisang khopi Centenary Gate bula kiman na ah Programme a kigong bangin mipi tampi kikhom in, KSO Lamka te makaina a kin kigong dungjui in Ng. Chongboi moderator hinan kin ache lha in jinglam nidan 10 cm chet in phat jouse kipatna din Rev. Stephen Chinzathang in Pathen henga taona amangin ahi. Mr. DJ Hqokip, Secy, KSO Ccpur in kin kigondan phondohna aneijin houlimna chomcha aneijin ahi. Chu in Anglo-Kuki War 1917-1919 thusim chomcha vet thei dingin Kuki Film Actors hon skit chomcha atho doh uvin ahi. Kilom tah le ngailut na neitah a atho jeh un lungset umtah le vetnom.umtah in Film chomcha chu ana tho un ahi.
Chu in Pu Solet Lhungdim, Kumpipa in tunia Anglo-Kuki War 1917-1919 kum 107 lhin kiman na leh 2023 Kuma Meitei ten Kuki te chunga Galpi ahin bol pat nao melchihna a Janglumsong kitung teni hondohna leh phondohna aneijin ahi.
Hiche toh kilhon chun houlimna chomcha aneijin ahi.
Aman aseina ah, Thusim (History) kiti hi amang thei ahipon, chenkhom le jatdang dang hon ipu ipa ten Vannoi thang British te ana dou kum 3 jen galpi a ana kisat piu hi thil thupi tah khat ahivangin suhmang peh teiding lunggel ananei jong leu suhmang thei ahilou jeh leh thutah beh, British record a kijihlutsa chu tunia jong avel a hiche Centenary Gate bul tah a imqnkhom thei jeh uvin Pathen athangvah in tunung jong le iman jing diu ahi ati.
Manipur Govt.in Restricted Holiday a anaphondoh toh kilhon a tuni hi state sung suty jong ahitai ati.
Aban in Kuki Inpi Manipur thhengun Pu Jangmang Haokip, VP Kuki Inpi in houlimna amangin ahi.
Aman jong Anglo-Kuki War thu a phat chesa holeh tua khangthah te lah a kipum khat kilung khat nadinga mijousen pan athah beh a alah din atwm in ahi.
Aban in Kuki Inpi Lamka thalhengin Pu Mamangin in houlima aneijin ahi. KSO GQ thalhenge Pu Sasang Vaiphei,President in houlimna aneijin ahi.
Aman asei na ah, Anglo-Kuki War hi Land issue thu ahi in, Coolie a che nom lou jeh a British te kidou ahi tia ana kisei hi dih jep pon te.
Kuki te chu ama ho kivaihomna noija anacheng sa ahijeh uva, British system chu unwelcome ana bol jeh uva kidouna khohtah ana um ahi ati.
Aban in KWU, KKL akon in houlimna ana um in phat jouse khumkha nan Rev. GS Gangte in phatchai taona amangin kin loupi chu ana kichai tan ahi.
~ Zalengam Times
Tuni Ellha Nisim 17, 2024 (Thursday) nin Kuki ten Anglo-Kuki War 1917-1919 kum 1O7 lhinna lolhing tah in anamang chai tauve.
Hiche Anglo-Kuki War 1917-1919 hi Manipur Government in 2019 kuma State Restricted Holiday a ana phondoh toh kilhon a State Holiday jong ahi. State Holiday ahitoh kilhon a tunia Kuki chaten muntin a hiche nikho loupi tah hi kimang cheh ahi.
Tunia Anglo -Kuki War 1917-1919 kum 1O7 lhin nikho Commemoration kiman naho chu Lamka a din Anglo-Kuki War Centenary Gate kiphuna mun Leisang Vangkho ah akimangin, Tengnoupal District a din Moreh Khopi, Pu Chengjapao Doungel Statue ah akimangin chuleh Kangpokpi district a din Brig. Thomas Ground, Kangpokpi ah akimangin ahi.
Lamka district a Leisang khopi Centenary Gate bula kiman na ah Programme a kigong bangin mipi tampi kikhom in, KSO Lamka te makaina a kin kigong dungjui in Ng. Chongboi moderator hinan kin ache lha in jinglam nidan 10 cm chet in phat jouse kipatna din Rev. Stephen Chinzathang in Pathen henga taona amangin ahi. Mr. DJ Hqokip, Secy, KSO Ccpur in kin kigondan phondohna aneijin houlimna chomcha aneijin ahi. Chu in Anglo-Kuki War 1917-1919 thusim chomcha vet thei dingin Kuki Film Actors hon skit chomcha atho doh uvin ahi. Kilom tah le ngailut na neitah a atho jeh un lungset umtah le vetnom.umtah in Film chomcha chu ana tho un ahi.
Chu in Pu Solet Lhungdim, Kumpipa in tunia Anglo-Kuki War 1917-1919 kum 107 lhin kiman na leh 2023 Kuma Meitei ten Kuki te chunga Galpi ahin bol pat nao melchihna a Janglumsong kitung teni hondohna leh phondohna aneijin ahi.
Hiche toh kilhon chun houlimna chomcha aneijin ahi.
Aman aseina ah, Thusim (History) kiti hi amang thei ahipon, chenkhom le jatdang dang hon ipu ipa ten Vannoi thang British te ana dou kum 3 jen galpi a ana kisat piu hi thil thupi tah khat ahivangin suhmang peh teiding lunggel ananei jong leu suhmang thei ahilou jeh leh thutah beh, British record a kijihlutsa chu tunia jong avel a hiche Centenary Gate bul tah a imqnkhom thei jeh uvin Pathen athangvah in tunung jong le iman jing diu ahi ati.
Manipur Govt.in Restricted Holiday a anaphondoh toh kilhon a tuni hi state sung suty jong ahitai ati.
Aban in Kuki Inpi Manipur thhengun Pu Jangmang Haokip, VP Kuki Inpi in houlimna amangin ahi.
Aman jong Anglo-Kuki War thu a phat chesa holeh tua khangthah te lah a kipum khat kilung khat nadinga mijousen pan athah beh a alah din atwm in ahi.
Aban in Kuki Inpi Lamka thalhengin Pu Mamangin in houlima aneijin ahi. KSO GQ thalhenge Pu Sasang Vaiphei,President in houlimna aneijin ahi.
Aman asei na ah, Anglo-Kuki War hi Land issue thu ahi in, Coolie a che nom lou jeh a British te kidou ahi tia ana kisei hi dih jep pon te.
Kuki te chu ama ho kivaihomna noija anacheng sa ahijeh uva, British system chu unwelcome ana bol jeh uva kidouna khohtah ana um ahi ati.
Aban in KWU, KKL akon in houlimna ana um in phat jouse khumkha nan Rev. GS Gangte in phatchai taona amangin kin loupi chu ana kichai tan ahi.
~ Zalengam Times
.jpeg)
.JPG)
No comments:
Post a Comment
Comments not related to the topic will be removed immediately.