WALK ON THE RIGHT SIDE OF THE ROAD: DR HEGIN LHUNGDIM

Walk on the right side of the road

✍🏻Dr Hegin Lhungdim @18.09.2024

Tunilhah 7:30pm vel chun Tipaimukh road, Chienkonpang ah Van khat in kieng a lamjot nupi khat aphu kha in District hospital ahinpoh lhung u chun athisa ana hitai. Achiesa September 10, 2024 jan in jong numei chapang kum 11 mi jong chu hiche lampi ma ma ah anunglam a pat in Bike in aphukha in khohelouvin hospital ahin khut un, a lhoh a thisan aluut jeh in Helicopter in Guwahati pohlhung ana hi in tua kinen jing nalai ahije.

2018 kum in Salem Veng HDFC Bank kuom a 8pm vel a tuition lajou a innlam juon u nao numei 3 chu anung lam a pat DI khat in aphukha in hospital casualty ahin polhung uve a neu pen nu chu khohelouvin (unconscious) ahi in, amilaainu chu athisa in ahin poluut uvin atah pen nu vang akieng gu teni abong in niphabep jouvin operation kabawl peh in adamsel tai. 2017 kum chun Khengjang ah numei chpang kum 7 mi chu Bolero in jan 7:00 pm vel chun aphukha in a alu ataa chip peh in athisa in hospital ahin lhut uve. Achung a kisie jouse keima katuo khah le jen khah ho ahi in, keihed louva jong accident tampi umjing ahi.

  Achung a thilsoh jo jouse kibahna phabep chu:- 1. Gari driver pa chu Jukham ahi soh keiye.

    2. Akisukha jouse khu lampi a kieng a chie  ngen ahiuve

   3. A bon' uva angaina  bang a Lampi Veilam a lamjot ngen ahiuve.

Manipur a a population toh vet a Gari accident um mun na pen hi Lamka khopi hi'n te. Accident jeh a athi amang jong tampi a um keo hilouvin, Gari aset jeh le akitongkhaho kijen na a sum kisumang hi atamlheh jieng e. Hi'nlah achung a kaminphah accident ho khu bailam tah a pel'doh thei ahiuve. 

Apeldoh di daan ho:-

1. Kieng (on foot) a lam ijawt tieng u le lampi jiet lam a lam jawt ding ahi (Veilam pang a lamjawt hi ichie pi jing u chu ahije. Hitia lam ijawt tieng ule imasang lang uva gari hung lhei (opposite direction) ho chu ei a kuon a gamlha jep tei ahiuve. Chule inem tia gari chu ei phukha thei dia eilam ahin nai khah jong le kiki khiin doh man thei ahi. Hinlah tua ichie piu veilam pang alamjawt safety hi vaang driverpa khut a bou kingam ahimaiye!!

2. Police in nilhah seh a gari tawl juose Alcohol breath test abawl uva  Zu nam pou2 chu gari atawl sah lou diu ahi!!

Abai lam pen' vaang, "Kieng a lam lien ijawt tieng ule Lampi jietlam pang jawt ji tao hi te" " *Let's walk on the right side of the road!"

~ Kukiland india🇮🇳

Share: