RECONCILIATION NASEP GAH MASAPEN

Tuni zingkal lam in Zo United makaihna im Zomi Council leh ITLF in reconciliation nei khin phet mahleh SSPP in ZC leh ITLF kilemna zahtaklou in force in Paite mi Dr. Thathang Hangsing sam in kichiamna ana bawlsak mawk hi. Zomi area, Zomi sung a pawl tuamtuam kitheihsiamlouhna te hitaleh hun paisa a sepkhelh bawlkhelh te kingaidam tuah a maban hun ah semkhawm leh pangkhawm ding chi a Zo United makaihna a Mutual Forgiveness and Reconciliation zat a om himahleh ZSF nuai a om SSPP in bangziak a hiai kilemna zahtaklou a palsat ngal hiam chih mipiten lamdang sa mahmah uhi.

Thathang Hangsing suaikaih sak a om na ziak ahihleh a paisa 5 Sept. ni a Paite group 2 ah amah mimal ngaihdan toh kisai a PTC hoih a saklouh dan a gen ziak hi a, hiai a thugen ahihleh a siatna khat leng omlou hi. Aman a genna ah "Laktaak omkei longal, SSPP Paite Students Organisation a hong hih chiah a dan om inte, tun Paite nam maban ngaihtuah di te ahikei uh" chiin comment ana bawl hi. A thugen a diklouhna omkei a, amah muhdan leh ngaihdan gen ahi lel hi. SSPP dem leh gensiatna khat leng omkha lou hi. Hichibang a Pawlpi khat mi gen leh sak a omthei i hihleh kingaihtuah in ki bawlhoihna di omkha hiam chi in ki gen a omte ki enthak thei zel zota leng chih mipite ngaihdan leh deih dan ahi hi.

~ LAMKA MEDIA

Share: