MYANMAR MILITARY COUNCIL' CHIALNA 'CNF' LEH 'NUG' IN POMLOU*
28/09/2024 (Sat): Myanmar Military Council in Sept 26 in thusuah bawl in, Myanmar sung a Ethnic Armed Group (EAG) tuamtuam leh People's Defence Force (PDF) te' kiang ah "Myanmar gam buaina pen politics ziak a buaina ahi a, politics mah in i suveng ding uh" chi'n [avek un] chial hi. Chin National Front (CNF) te'n pomlou uh ahihthu gen ua, National Unity Government (NUG)-te'n leng pomlou uh ahihthu gen uhi.
Chin National Front thupuangtu Salai Htet Ni in, Myanmar 2008 Constitution frameworks sung a thil kihihte himhim pomlou uh ahihthu leh muanna neilou uh ahihthu gen in, hiai achialna uh pen *"Military Council in Kiteelna neih a-ut ziak a amalakna chikhat mai ahi; kidouna ziak a siatna zouzai i tuah nung ua leh theihkholh louh siatna [tuilian/ menchim] chihte i tuah lel lai ua, Military Council in Kiteelna sai' ka sawm uh, achih mawk pen thugintaak huai chii hi ngeingei lou hi"* chi hi. *"Military Council in galvan aliikkhiat ziak a i gam un asiatlawhna tengteng politics tungtawn loungal in sukveng ngaihna omlou hi. Huaiziak in, politics dawhkan a kipat in i gam ah lemna buching a-om'theihna di'n thagumsuahna i tawpsan ding uh"* chihbeh hi.
2020 Myanmar General Election a NLD party MP khenkhat gamdang a taaiseta-te'n aphuh uh *National Unity Government* a a Foreign Minister uh *Daw Zin Mar Aung* in, *"Military Council' chialna pen politics tuh politics mah a sukveng atupna lam uh hilou in athuneihna uh sukkip semsem atupna ziak uh hizaw ahi"* chi'n gen hi. KNU thupuangtu in, *"Military Council' chialna ah PDF-te chauh chial uh a, NUG chial lou uh ahihman in, khentuam neitak in thil hih uh ahihdan chiang mai hi; huaiziak in, ka pom thei kei uh"* chi'n gen hi. KIA thupuangtu in ahihleh bel Military Council' chialna tungtang pen ka ngaihtauh naikei uh, chi'n gen hi. Southern BrotherHood viz., MNDAA, AA, TNLA te'n angaihdan uh gen utlou uh a, TNLA thupuangtu in ahihleh apom' uh gingtalou ahihthu BBC hilh hi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
28/09/2024 (Sat): Myanmar Military Council in Sept 26 in thusuah bawl in, Myanmar sung a Ethnic Armed Group (EAG) tuamtuam leh People's Defence Force (PDF) te' kiang ah "Myanmar gam buaina pen politics ziak a buaina ahi a, politics mah in i suveng ding uh" chi'n [avek un] chial hi. Chin National Front (CNF) te'n pomlou uh ahihthu gen ua, National Unity Government (NUG)-te'n leng pomlou uh ahihthu gen uhi.
Chin National Front thupuangtu Salai Htet Ni in, Myanmar 2008 Constitution frameworks sung a thil kihihte himhim pomlou uh ahihthu leh muanna neilou uh ahihthu gen in, hiai achialna uh pen *"Military Council in Kiteelna neih a-ut ziak a amalakna chikhat mai ahi; kidouna ziak a siatna zouzai i tuah nung ua leh theihkholh louh siatna [tuilian/ menchim] chihte i tuah lel lai ua, Military Council in Kiteelna sai' ka sawm uh, achih mawk pen thugintaak huai chii hi ngeingei lou hi"* chi hi. *"Military Council in galvan aliikkhiat ziak a i gam un asiatlawhna tengteng politics tungtawn loungal in sukveng ngaihna omlou hi. Huaiziak in, politics dawhkan a kipat in i gam ah lemna buching a-om'theihna di'n thagumsuahna i tawpsan ding uh"* chihbeh hi.
2020 Myanmar General Election a NLD party MP khenkhat gamdang a taaiseta-te'n aphuh uh *National Unity Government* a a Foreign Minister uh *Daw Zin Mar Aung* in, *"Military Council' chialna pen politics tuh politics mah a sukveng atupna lam uh hilou in athuneihna uh sukkip semsem atupna ziak uh hizaw ahi"* chi'n gen hi. KNU thupuangtu in, *"Military Council' chialna ah PDF-te chauh chial uh a, NUG chial lou uh ahihman in, khentuam neitak in thil hih uh ahihdan chiang mai hi; huaiziak in, ka pom thei kei uh"* chi'n gen hi. KIA thupuangtu in ahihleh bel Military Council' chialna tungtang pen ka ngaihtauh naikei uh, chi'n gen hi. Southern BrotherHood viz., MNDAA, AA, TNLA te'n angaihdan uh gen utlou uh a, TNLA thupuangtu in ahihleh apom' uh gingtalou ahihthu BBC hilh hi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.jpg)
.JPG)
No comments:
Post a Comment
Comments not related to the topic will be removed immediately.