ZOMI Star TS Khai passes away

With profound sorrow, we mourn the passing of Sia Thang Sian Khai (67 years), affectionately known as Sia TS Khai, a revered Zomi Poet, Singer, and Songwriter. After a prolonged illness, he departed from this world on Thursday, August 8, 2024. He left behind his beloved wife, 5 sons and 2 daughters. Sia TS Khai's legacy lives on through over 1,200 Zomi gospel songs he beautifully penned, touching countless hearts with his words and melodies. His contributions to our culture and faith will be cherished forever. Our deepest condolences go out to his family and all who were blessed by his extraordinary talent. May his soul rest in eternal peace.

~ KHALVONTAWI MEDIA

Click his famous song: 
"Hong Taisan Ken" 

{Lord don't left me}

----

La lam ah, Zomi te Aksipi (The Star of Zomi) khat ahi 𝐒𝐢𝐚 𝐓𝐒 𝐊𝐡𝐚𝐢 in leitung gentheih haksatna te nusia in tawntung Pa kiang ah lungnuam tak in tawlnga hithiat khinta hi. 

Rest In Peace, Sia Khai! 💐😭😭😭

----
SIA THANG SIAN KHAI @ ZOGAM LAPU (KUM 67) 
IN HONG NUSIAT THU TANGKONA LEH DAHPIHNA THUPUAK

Chin State (Zogam), Tedim Township, Pimpih khuami Yuzana- Yangon ateng Zomite' sungah laphuak leh lasa siam madawk Sia Thang Sian Khai @ Zogam Lapu, BA (Philosophy), Naulak beh in, tuni August 8, 2024 nitak lamin Yangon khuapi pan hong nusia ta ahih manin, Tongsan Media Group pan dahpihna lianpi i pulak hi.

Sia T.S. Khai @ Zogam Lapu in abeisa kum tampi lai akipan Zunkhum (diabetes) leh Kal (kidney) natna tawh Kawlgam Zato thupi tuamtuam ah kibawl, kidon in om a, noptuamna leh damna hong ngah toto hi. Kawlgam buaina hangin abeisa kha 2, 3 lai akipan Thailand ah galtai kawm leh Zato kibawl dingin a zi a taten paipih hi.

Thailand ah Zato kibawlbawl kimlai, thakhat in gimna kibehlap pak ahih manin August 7, 2024 ni in Kawlgam -Yangon zuan kik uh a, lamkal ah a nuntakna hong beisan ahi hi. Sia T.S. Khai @ Zogam Lapu’ nusiat a zi Nu Lun, gamsung gampua a om a tate leh meltheih u leh nau khempeuh i Topa’n na hehnem ciat ta hen!

Sia T.S. Khai @ Zogam Lapu in 1984 kumin Yangon University pan BA (Philosophy) degree ngah hi. 1989 kumin a it mahmah a zi Sianu Zam Ngaih Lun tawh Yangon ah siangtho kitenna tawh nupa suahna Mopawi bawl uh hi. Pasian piak thupha tapa 5 leh tanu 2 nei uh hi.

Biakna Lam Nasepna:
1974 kumin EFC Tedim leh a pianna EFC Pimpih khuate ah La Sia sem hi.
1987 kumin EFC Zumpi, Tahan ah Youth Worker panmun tawh Pasian nasep kipan hi.
1990 kumin Rakhine gam Kyaukdaw khuapi ah EFC Missionary sem hi.
1990-1992 sung Pagu Division, Pe Nwe Gone khua EFC pawlpi ah Pastor sem hi.
1992-1994 sung EFC Pimpih khua ah Pastor sem hi.
1994 February pan EBC pawlpi lutin Music Director panmun lenin Tedim gambup Zum ah om hi.
1995-1997 sung Tedim khuapi ah Anti-Drug Christian Fellowship phuankhia in, makaipi Director sem hi.

2013 kum akipan damlohna hangin (Medical Pension) la hi.

La lam Nasepna:
Pasian in laphuak leh lasak siamna (Talent) pia a, a diakdiak in a Pu Dai Khan Ngin (USA)’ pattahna tawh Gospel La bekbek dawng 1200 val phuak hi. Gospel La banah gam leh minam Itna La zong tampi phuak hi.

Zomite' sungah Gospel Lakhumna (Recording) ah a masapen ahi AGAPE ah kihel hi. Tua banah ama' hanciamna tawh "SIHNA KIGO ZO" cih Album zong khumin, Album 13 dong mualsuah in hawmkhia zo hi.

A dam lai /thahat deuh sung a ngimna khat ah "Tuun leh Zua Itna" bekbek Album khat bawl sawm laitak in a geelna mualsuah man nawn lo in hong nusia suak hi. Sia T.S. Khai @ Zogam Lapu pen Zomite' sungah a laphuak dan leh lasakzia siam pha diak ahih manin, Zogam Sai Htee Sai akici liang ahi hi.

Sia Khai pen mi nunnem, lungduai leh mi khempeuh tawh kipawlthei mi ithuai khat ahi hi. A laphuakte leh lasak ziate zong mi khempeuh in theihloh, a tuampian mahmah tuhun Khangthakte nangawn in kipha zo lo himai hi. Hih bang mi tuampian leh laphuak, lasakzia asiam khatin hong nusiatna hangin Zomite' ading "Zogam Aksipi" khat akia leh akisum’/ akitaan leuleu ahi hi.

Sia T.S. Khai @ Zogam Lapu’ luang hawm tawh kisai vui ni leh hun dingte innkuante leh pawlpite' geelna bangin kizasak toto ding cih kiza phot hi. Sia Khai’ nusiat a zi Sm. Lun leh tate, tute bek tham lo in, Zomite khempeuh i dahna, khasiatnate Hehnem siam Kha Siangtho in hong nem ciat ta hen.

Dahna lianpi tawh,
Tongsan Media Group Inc.
Headquarters, Kalaymyo

Share: