UKLF chung chang thu bhabep Hilchetna

UKLF kiti hi Nampi gelkhoh na jeh a kiphut doh ahilou jong akoi in amah ahi pon, 42 Chandel MLA election jeh a NSCN IM in Kuki Nampi sung suh chatvei na dia ahin semdoh or ahin phudoh organisation ahi.

UKLF kiti hi a itih apat a nam mi, a sopi thisan hinso jing le Kuki Nampi kipun khom na ding sukeh jing organisation khat chu hung hijing ahi. 

Hichu thuchom hita le tukah a UKLF dinmun chomcha ana vekhom ute:

1. Tengnoupal District a Haikot/Peljang Firing'a Nam golhang Volunteers hon hatah a Meilhei thingnoi toh akino to lai yin, Pu Lunkhoson Haokip in CSO lamkai khat ahin call in Biren naopa (Dilip) round thing ki khah nalha doh peh ule Meilhei (Arambai/UNLF) ho kanung sol ding ahi tin line ana la in ahi.

2. Myothit (Myanmar) a PDF/ KNA-B toh Junta/VBIGs/ NSCN IM pangkhom a ana kikap to na uva PDF/NUG in gal hing a ana mat NSCN IM lamkai phabep ho lhadoh a aum na din NSCN IM hon UKLF Lunkhoson ahin mangcha kit un KNA B kom a negotiation ana bol in hinlah akiman hohi NUG hetpeh na a kiman ahi jeh in ana lolhing tapon ahi.

3. VV Eastern Zone hi nipi lhapi noi a mipi in asem doh khat ahi na chung a Pathen phatthei boh jeh in ahung kisem pilhing thei tah jeh un, UKLF tehin suhkeh ding le suhchat vei din hatah in angaito un, VV a lamkai luboh khat khat a khaidoh ding lung ahin gel taovin ( UKLF Khupmang le Sominthang voice clip viral chu ina jah cheh deu ahitai) VV Home pa NSCN IM ho kom a hatah in ana hetsi un hinlah Pathen panpi najal in thu ahin khol ule thutah amudoh phat un ana kijumso kit taove.

4. Pallel le Ts. Laijang incident thu hi VV in PR ahin so taovin, UKLF chung a khut lha ding lungput nei ahi povin, VV Home pa kimat na thu a negotiation chithei na dia warning ana peh nao ahi thu jong PR a chun ina mu taove. Hichi incident thu a Guite Thingnoi/ Baite Thingnoi toh kikan beh a ahilou beh a allegation kibol hi UKLF ten amitmo nao le alungneo nao akiphon doh u ahi bou uvin, VV kiti hi UKLF bang a phung le chang thu lung gel nei ahilou dan VV a pang alen apat aneo pen chan in ahet tei ding ahi in, phung le chang thu a VV suhkeh ding lungput anei jing uhi gam le nam ngailut na nei a along lei a do a pan hinla VV ho dia lhaset umtah khat ahi.

5. UKLF Lunkhoson in Myanmar a TDA( Thadou Defence Army) kom a VV EZ suh mang na dia hem le thal ahil na thu jong hung viral kit din thulhut jong akimu in ahi.

6. Moreh a Meilhei te resettlement ding hi Meilhei te dia atup pipen u khat ahi toh kilhon a Biren le UKLF Lunkhoson chule Lamjathang ho tup le doi di VV EZ hohi phung le chang a lui khen a, ahung chatvei teng ule CF le Police commando ho atam nathei chan a tol lut a Meilhei te nung chensah a manipur hi solution ima umlou a normalcy umsah ding tihi aha boipi pen u khat chu ahitai.

Achai na din, ilungtup u SA/UT hi ikap doh tho lou ule tudin mun a imu na deu vang ahahsa lheh in ahi. Kap doh tho na dia iki lungkhat u angai in, kilung khat na dia isung a Juda iscariot a pang hohi suhtheng masat hung ngai mama ahitai. Mipi te adeh Tengnoupal le Chandel mipi ten gamsung le nam sung huh bit a aum a ilungtup u molso ding idei ule igam sung uva VV hi hatah a itosot uva nampi nat na a pang jing UKLF hi igamsung uva isuhtheng u angai tai.

Kakipah e

Tahchapz 

KVV

~ eimi_news

Share: