ZING khuavak in Unau te'n akhang uah Vompi sisa hong mu uhi. Lungdam ma mahmah napi in asemna ding tem neilo uh ahihman in agangpi uh kiang ah tem kawm ding in va pai uh hi. Thangho leh Liando in a Vom mat uh agen uh ciang in agang in, *"Thangho Leh Liando in Vompi man uh ei; khuazaang aw, sa pua ding in hong kuan vaw"* ci in hong taangko hi. Khuamite in asa pua gai uh a, Thangho Leh Liando in agilpi guak bek tang kha uhi. Dahlua kisa kap kawm in lui ah kisil ding in apai uh leh asung ah aging helhel khat za uh in, Thangho in a nau' kiang ah, *"Bawi aw, kapkap ken, asung ah aging helhel khat om hi"* ci in anau a kheem hi. Agil hong khei' ciang un singkung tung pan vasa khat in, *"Thangho Liando aw, khang deuh ah, khang deuh ah"* ci in gen hi. Tua bang in khei' ding in akithawi uh leh, *"Akhang deuh ah"* ci in na hilh zel hi. Akhang lam ah pai le uh khuamite in phawk kha lo ding cihna hih tuak hi.
Atawpna ciang in athumveina ah hong khei' uh leh, a gawl sung ah khipi tang vive ana om hi. Amau zong nuamlua kisa in inn lam ah hong ciah uh hi. Thangho Leh Liandote mi' lo hung peuh in om uh in, amuh sunsun uh kihawm in *miimtang* khat mu le uh khawm in *taangtang* khat mu le uh kiphelhawm uh hi. Lo nna hong septheih ciang un khaicii ding nangawn nei lo uh hi. Agang in Aktaang in aktaang hung in a omlaitak in sailungtang tawh taang hualkhawm uh a, tua teng khaicii in hong zang uh hi. Tagah mahmah uh himahleh amau tegel Unau pen mihoih ahihman un mite'n zong hehpih mahmah uh hi.
Nikhat, khuamui kuan in lonawl sawlbawk lak ah banghiam khat Ui in nana a, ava et uh leh Piteek phinphian khat ana om hi. Hehpihhuai sa in nek ding nei kei mahta le uh, *"I meilum awisak ni"* ci in inn ah ciahpih uh hi. Ann huan ding nei lo uh a, alo kuan kaal un a Pi un ann lim mahmah ana huansak thei zel hi. Nikhat, annhuan ding koipan kaikhawm thei zel hiam? cih theinuam uh ahihman in lokuan ding kineih in, ensim uh hi.
Tua bangin a-etsim uh leh a Pi uh annhuan ding in kithawi in pialkhang ah adinkawm in aniik apuan teng lawhpi sung khat ah akising' kawm in *mimtang taangtang* hong kia latlat hi. Tua teng tawm in huan hi. Ann anek uh ciang in Liando in, a U' kiang ah, *"U aw, an ne ni"* ci in sam a, Thangho in, *"Mi' s@bal mi taw al duh keng"* ci in ane nuam kei hi. Tua ciang in a Pi zong kisuanglahtak in, *"Tute aw, tua bang in kei hong kih na hih uh leh, hih i sumtawng vailak ah ka tummang ding a, na cinat na lainat ciang un, AKTAL SIAK KAWI IN hih ka tummangna mun nong bia zel ding uh hi"* ci in a sumtawng ah melnel hong kai in tua lak ah a Pi uh hong tummang hi.
A Pi un taihsat khit ciang in hong hau mahmah ta uh a, Tong leh Laam in hong omta uh hi. Piteek kuama' don noploh hong don hong kep ciang un amau' a ding in gualzawhna leh hauhna naak hong suak hi. Dam dam in a hauhna uh mun khempeuh ah hong thang a, ni khat ni ciang in a Nu un na zakha ahihman in, atate' hauhna en ding in Thangho te' inn ah hong hawh hi.
Sutzop ding…
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
Atawpna ciang in athumveina ah hong khei' uh leh, a gawl sung ah khipi tang vive ana om hi. Amau zong nuamlua kisa in inn lam ah hong ciah uh hi. Thangho Leh Liandote mi' lo hung peuh in om uh in, amuh sunsun uh kihawm in *miimtang* khat mu le uh khawm in *taangtang* khat mu le uh kiphelhawm uh hi. Lo nna hong septheih ciang un khaicii ding nangawn nei lo uh hi. Agang in Aktaang in aktaang hung in a omlaitak in sailungtang tawh taang hualkhawm uh a, tua teng khaicii in hong zang uh hi. Tagah mahmah uh himahleh amau tegel Unau pen mihoih ahihman un mite'n zong hehpih mahmah uh hi.
Nikhat, khuamui kuan in lonawl sawlbawk lak ah banghiam khat Ui in nana a, ava et uh leh Piteek phinphian khat ana om hi. Hehpihhuai sa in nek ding nei kei mahta le uh, *"I meilum awisak ni"* ci in inn ah ciahpih uh hi. Ann huan ding nei lo uh a, alo kuan kaal un a Pi un ann lim mahmah ana huansak thei zel hi. Nikhat, annhuan ding koipan kaikhawm thei zel hiam? cih theinuam uh ahihman in lokuan ding kineih in, ensim uh hi.
Tua bangin a-etsim uh leh a Pi uh annhuan ding in kithawi in pialkhang ah adinkawm in aniik apuan teng lawhpi sung khat ah akising' kawm in *mimtang taangtang* hong kia latlat hi. Tua teng tawm in huan hi. Ann anek uh ciang in Liando in, a U' kiang ah, *"U aw, an ne ni"* ci in sam a, Thangho in, *"Mi' s@bal mi taw al duh keng"* ci in ane nuam kei hi. Tua ciang in a Pi zong kisuanglahtak in, *"Tute aw, tua bang in kei hong kih na hih uh leh, hih i sumtawng vailak ah ka tummang ding a, na cinat na lainat ciang un, AKTAL SIAK KAWI IN hih ka tummangna mun nong bia zel ding uh hi"* ci in a sumtawng ah melnel hong kai in tua lak ah a Pi uh hong tummang hi.
A Pi un taihsat khit ciang in hong hau mahmah ta uh a, Tong leh Laam in hong omta uh hi. Piteek kuama' don noploh hong don hong kep ciang un amau' a ding in gualzawhna leh hauhna naak hong suak hi. Dam dam in a hauhna uh mun khempeuh ah hong thang a, ni khat ni ciang in a Nu un na zakha ahihman in, atate' hauhna en ding in Thangho te' inn ah hong hawh hi.
Sutzop ding…
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.jpg)
.JPG)
No comments:
Post a Comment
Comments not related to the topic will be removed immediately.