08.08.2024 (Thu): Manipur State, Tengnoupal district, Moreh khua a om, India mi teirawl 3-te, Myanmar lam ah August 3 a kipat in a om’na uh theihlouh a om uh ahihthu a innkuanpihte un gen uhi. A om’na uh theihlouh a omte ahih uh leh- kum 22 a upa Thang Min Lun, kum 19 a upa Hau Min Sang leh kum 27 a upa Khan Ya Ngan-te hi ua, August 3, India sana a suunnung dak 2:00 vel in Myanmar lam Sibar check gate a kipat in pawtkhia ua, inn a kilehkik nawn lou in August 7 tan’ atanchin uh theih hinawn lou hi.
“A man (lost) na uh Ni khat val hita a, si uh hia? hing uh hia? chih kithei lou hi. HTC ah report ka bawl ua, August 6 in Myanmar lam BoNaingWin lampi a siluang khat muh a om ahihthu gen uhi. Assam Rifles-te’ panpihna nget himahleh, mulou uh” chi’n atanau-laina-te’n gen uhi.
Tamu gamgi 14 Lei check gate ah Phyusawhti pawlte’n sum khon sek ua, Win lampi ah leng Phyusawhti, SNA leh Meitei galvan tawi pawlte duty sek uh ahihna ah Phyusawhti pawlte’n that uh hikha ding hi, chi’n a innkuanpihte un gen uh hi’n theih in om hi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.jpg)
.JPG)
No comments:
Post a Comment
Comments not related to the topic will be removed immediately.