Tuni date 9 April 2024 nikho 10:19 pm. Van Pathen leh leiset a Gampi Gampu, chung a Nisa leh Lha Ahshi Valpa, leiset chung a ahingthei jouse, chu leh ajing leh avah noi ah suh theng na leh kitep na, hilchen na kahin nei e.
Tuchung Meilhei gal a, keima Khupkhomang Haokip in Meilhei te kom ah sum aki lah in, Sugnu ajoh doh e, kiti hi ka hin suhtheng ahi e. Hiche thu ana kisei til lai chun ima in jong kana gel pon, nuijat na bep in kana nei in ahi. Hinlah tuchan gei in ahung kisei hi ka gel gel leh, numei chapang kho helou khat tou ana tahsan khan te tia kahin suhtheng ahi e.
Keima hi lhinglel lheh jong leng Haosa te chapa khat kahi in, gam le go ngailut dan kahe e. Chu leh Sugnu a keima properties kanei mong mong hi Plywood factory mun 2 kanei in, Brickfarm mun khat kanei in, ka chen na in Pucca Building khat kanei in, Sawmill 2 kanei in, Sugnu a keiman, in ka nei mong mong hi in 26 ahi e.
Chu leh gam Phailei Pari 10 kanei in, ka kho a Church Pucca Building kanei in, Community Hall kanei in, Pucca School Building kanei in, ka khosung lampi abon a Blacktoping ahi in. Pathen lungset in Sugnu a keima properties mong mong alhom pen a 50 crores man hi tei tei ding ahi e. Hiche ho jouse ka dalhah a Meilhei te kom a iti Crore 2 leh 3 a ken Sugnu gam ka joh mong mong di ham. Leiset chung a angol pen hi jong leng ka joh lou beh ding ahi e.
Chu leh ken Sugnu gam joh ding ti jong leng koi kom a ka joh a, koi pen in achoh mong mong di ham. Kuki nampi koi hi jong leh hiche thu hi ana tah san lou ding, in, avel a jong isei tah lou diu vin iki tem uve. Hiche a jou leh nal a thu sei a, ei suh minset go tei tei hohi van Pathen leh Nisa leh Lhavah in amu soh kei in. A jou sei sei aum leh atu acha akhang a khang son son in, mi soh le kol in atu son son 70 vei mi soh in kai ta hen.
Ken jong sum le pai a, Sugnu kajoh doh leh kei chung ah hiche pap hi lhung ta hen.
Ka joh doh lou a nang hon na jou na sei u ahi leh nang ho chung ah pap hi lhung tei tei hen tin, van Pathen min a kahin sei ahi.
~Khupkhomang Haokip
_eimi_news_
.JPG)
No comments:
Post a Comment
Comments not related to the topic will be removed immediately.