Neeraj in Paris Olympic Javelin Throw ah Silver mu

NEERAJ CHOPRA IN SILVER🥈MEDAL LAWHKHIA!

10.08.2024 (Sat): Gold Medal la chiah kei mahleh, Silver Medal leng India' a di'n bel kipahhuai lua hi🔥 Neeraj Chopra pen Paris Olympic 2024 a India' lam-etna san'na pen chi le kigen khiallou ding hi.

Javelin Throw huang ah 89.45m a gamla khoh a, nihna (2nd) in pang hi. Pakistan tangval Arshad Nadeem in 92.97m khoh a, khatna (1st) hi in, medal alaak nung in Neeraj toh lawm hoihtak hi uh ahihdan gen zui ngal hi.

Kimawlna i chih mawk pen thau mek puaklou a gam tuamtuamte' kidouna hita ahihna ah, India' a di'n bel Pakistan' nuai a va om'mawk chu nuam chiah lou hi – huai toh kiton in Neeraj' ziak a _medal_ i neih beh himhim theih uh kha chu kipahhuai hi.

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: