MYANMAR regime launched DEADLY AIRSTIKES on THANTLANG township

 Thantlang Township Chu Jet-Fighter Hmanga Beih Let Ngat Ngat An Ni, 

Mipui In Operation Na Tan Tanpuina Leh Tawngtai In Khawm An Nei Pui

August 07, 2024: Chinland ram Chin State Thantlang Township chu tukin dar 2:00 AM leh dar 9:00 AM bawr vel khan beihpui thlaka Jet-Fighter hmanga beih a ni a. Chinland Pasaltha ten Khah-Lah-Yah 269 an lak atangin Jet-Fighter anhman nasat phah thu CDF mawhphurhna neitu pakhat chuan Zofa Journal ah hriattirna nei.

August 04 atangin vawiin August 07 thleng chawl loin SAC ten Jet-Fighter hmangin an beih let a. Military council SAC sipai te chu Thantlang Khawpui NLD office, Lai Villa, TBC Biakin, CB Banks leh an camp bul hnaiah te awm hmun an khuar mek a Chinland Pasaltha te nen inkah tawnna an neih nasat bakah mipui sipai lam thi leh hliam zat chanchin eng mah hriat theih a la ni lo bawk.

Hakha leh Thantlang Township chu Chinland Council in operation a kalpui mek zela an operation a kal tluan theihna tur leh Pasaltha te venghimna an chan theihna turin Hakha leh Thantlang Township Chinlung Chhuak/ Zohnahthlak mipui raltlan Pi leh Pu, Nu leh Pa , Thalai ten tukin ah Farkawn khuaah Pathian hnenah dilin, in hlanna tawngtai ruaipui an neih pui leh a ni.

India ram Mizoram State Champhai district Farkawn khuaa raltlan Chin mipui ten vawiin ah Chinland Council Operation a hlawhtlinga Thantlang leh Hakha khawpui a zalen theihna turin an neih ang tawk sum an thawh khawma, vawiin ah nuai 25 (2500000 MMK) an pek bakah, August 05 ah pawh tawngtaina an nei ho a, nuai 26 chuang (2,640,000 MMK) thawh khawmin Timil Operation - 4 tan an lo pe tawh bawk a ni.

~ Zofa Journal

Share: