Myanmar military surrendered

SAC Sipai Pakhat Chu A Ralthuam Nen Chinland Pasaltha Hnenah A In Pe Lut 

August 08, 2024: Chinland ram Chin State Thantlang khawpuia awm military council SAC sipai pakhat chu a ralthuam nen Chinland Pasaltha hnenah a in pek luh thu mawhphurhna neitu lam chuan vawiin ah tlangzarhna nei.

Chinland Council chuan Thantlang leh Hakha in kar chu Tilim Operation-4 tiin a kal pui meka, military council SAC te chu a tlai hmaa in pe lut turin an hrilh bawk a ni. August 07 khan Thantlang In kahna atangin SAC sipai pakhat a No. Tah-Tah 571334 Thet Paing Soe chu a ralthuam rawn ken chhuah silai auto MA-2 (1), silai-mu bawm (4), vawm Bomb pakhat leh silai-mu (145) te nen Chinland Pasaltha te hnenah a in pe lut ta a ni. Chinland Pasaltha ten a lawm man atan nuai 50 (5000000 MMK) an pek bakah a kal duhna hmun him thleng hruai a ni thu an sawi.

July 25 ah pawh Thantlang khawpuia awm military council SAC sipai 2 chu an ralthuam nen Chinland Pasaltha te hnenah an lo in pe lut tawha nuai 50 ve ve pek an nih bakah an kal duhna hmun him lam thleng thlah an nih thu mawhphurhna neitu ten an sawi.

~ Zofa Journal 

Share: