Meeting with AK Mishra & Kumble in New Delhi

Meeting with AK Mishra & Kumble Jt. Dir IB at IB Hqtrs, New Delhi on 21st August 2024 at 3:30 pm. 

# Zan a Group 3(ZRA, KRA, KNF-MC) vai pen AKM in hon gen na ah, SoO list a gelh louh ding chih thu ahi in, kha 3 sunga Ground Rule bohsiatna vaite JMG a gen khawm a huaizoh chianga a list a guang nawm ding kichi ahi. Tu kha 6 sunga bangmah a om kei leh huai sungah a om ding chihna om tuan lou ahi chin gen.

# Hiai hun a Extension na ah Ketheos inle suai akai thei dia, talks a om chiah le tel thei ding midangte leng tel thei ding ahi chih hon gen tuan2 nawn.

# Tua dan ahihleh UPF ah group 7 leh KNO nuai ah group 14 pha ding chihna suak ahi chi.

# KNO lam in hiai tungtang gen in bangteng hileh ama adan in JMG hilou in SoO Extension chiang a hihdan in huai hun ah genkhawm in huchiin pai leng chih agen ban ah, camp vai leng tu leh tu a gen haksa himahleh genkhawm a hithei di ahi chiin gen.

# Enleng ZRA om kha lou a, camp vai khak ding kichi hitheilou ahihdan leh bngziak a paihkhiak a om chih pen theihsiam haksa ahihdan kigen a, hunpai sa ah SoO vai genkhak ahihna ah ZRA discipline hoih pen, ground rule zui pen a ki record gige ahi chih i theih ding ahi. Huai ban ah CSO khenkhat ah Zomi te alang2 ah om le uh leng adiak a Zomi tribe 9 te ZRA a kim lai ahihman in kitheisiam sak zou lou ding hi kichi. JMG i chih leng tut khawm na omzok lou thei, om hitaleh leng ka mipite un Meitei toh kihou louh ding achih uh palsatna dan a hon gen theilai uh ahi. Huaiziak in heutute deihna bangin innlam a pai kik a hoihtak leh nou nel tak a kikup khawm poimoh ahi chih kitheisak hi

# Aron in camp suan ding vai ah miteng in hon gen ding ua vuallelh na dan a la ding uh ahi chin gen hi.

# AKM in thil alangkhat lam ale et ding ahihdan leh hichi neuh2 te ngaihsak louh a maban alian jaw di et hoih jaw lou ding hiam chih genin, Meitei inle SoO extend le uh chin vuallelhna in ngai mah lou ding uh maw Assembly natan ale apass uh ahihchiangin chih gen hi.

# AKM in tua na et dan uah tu leh tu banghiam i khek zek ziak a na mipi te in pawna a vuallelhna a ngai ding uh chih dan in lak theih dia. Punna leh manna om tuak mah ahi. SoO in a sau jaw Political settlement a om na di hon tun ding ahi chi. 

# Ngaihdan diklou om ahihleh Meitei te deihdan kia a thil bawl ahi chih ahi. Govt. in bel mipi te adia akipahna di uh banghiam hih ut ahi chih i theih ding ahi. I theih di khat ahihleh Govt. in thil ahihleh Meitei leh nou kikal a tanmun kikim/a lai hawl thei pen ding a thu khen/vaihawm gige ding ahi(Balancing the Sentiments of both Community).

# AR lakkhiak tungtang ahihleh nou na hah nang deuh2 uh leh Meitei te gen dik ahi chihna suak ding ahi. A pumpi a kila khia hilou in Bn 2 kia ahi in, hiai in na Political Solution toh le kisai khak na neilou ahi chi 

# Govt. in force khat peuh2 pen ansep di uh pen sem dingleh tangtak a kalsuan dia kigen ahi.

# AR te paikhiak in bangmah akilamdangna hon tun lou dinga, tua a om thak ten ah na deihdan uh leh ama a te hihdan mah hon sem in nou hon veng ding uh ahi chih HM in hon theisak chi hi. Govt. in alangtuak a mipite khasiatna leh thuakna te akibang a en ahi.

# AR te pen Meitei te gen ziak leh complain ziak a kisuan hilou ahi chih na theih uh ka deih uh, Agency tuam2 apan report tuamtuam le om ahi chih akigen khe lou lel ahi. India in Border Guard Force, Indo-Myanmar adia bawl khiak sawm ahihdan leng na theihsa uh ahi chin gen.

# SoO akikaih zoh leh nou ahi a Champion ding te.

# Camp relocation te pen SoO suai kaihzoh chianga sai touh pat dingdan ahi.

# Camp kisuan etc vai tuamtuam te nidang dan a Manipur Govt. tawn a pai chihte om nawn lou in Fast Track mode ngen a hih kisawm ahi chih leng gen hi.

# Camp relocate bawlna dia sum apoimoh te le direct a hon kipe ding ahi chi. Amun leng Suggestion kibawl lou adang deihna a om leh huai kintak a kien khia a ki pompih ngal ding ahi chi.

# Stipend leng kana gen a, angeina dan a pai dia hithei din ka lamen a, SoO a omlou te leng Feb. 2024 tan kipe veve ding ahi chi.

# Non Negotiable ahihleh Arm cote a arms te akiangnai Security te kianga double lock a koih ding chih leh Camp 2 tuak khak ding leh relocate dingte ahi. 

# SoO a omlou te vai pen ken leng atunglam ah kon gen tou ding chi hi.

# Innlam kikphot a kikup khawm a huchia maban sawn ding chih ahi.

# Dotna akibawlna ah, ahimhim a bangdia Feb. 2024 a SoO suai akikaih dek a lah group 3 te om napi a, tua kha 6 sunga lak khiak a hong om sese uh hiam? a ground a lah thilteng normal toh kibang, kikapna om lou, buaina omlou hi a, aziak di bang hiam chih akidot leh nui in hon dawng thei pah lou uh. Kihou na zoh kawm in ka dot nawn leh hon dawng a huaisanga bangdia tutantan hichia bangmah loh lou a Govt. in hon koih ahiam chih ngaihtuah zawk ding hilou maw hon chi a, Hilou ahi Feb a non gen ding uh ahi, complain le omlou a akichih leh IB pan ah huai ale om mah e akigen ut kei a ahi chin gen.

# Zan nitak a lam tuam2 dap kual a KNO leh UPF sung ate ban call tuah a panla tute, hiai buaina vai a suggestion leh comment tuam2 hon pia a hon hehnem tute, IB lam te ana ban houpih MLA Pu LM Khaute, tengteng hahpan na ziak a tuni a maban sawn thei dia ki om ahihman in kipahthu igen a, maban ah Zomi adia leng i theihna, pilna, siamna tuamtuam te it hetlou leh chil hetlou a pekhia a kal suan khawm jel dingin ikingen in iki chial thakthak ahi. Tawp lou a honna thumpih tengteng kiangah leng kipahthu nasatak in ka gen ahi. Pangkhawm hatna ahi a, ki gal et thoh pen i kiakniam na dia kalbi masa ahi chih phawk thakthak ni.

# Genkim khak louh te innlam a kimuhkhop chianga gen ding in koih ni.

Lungdam, Kipak

Ketheos Zomi

Camp Delhi

(Cp)

Courtesy: Zomi Political Platform 

Share: