𝙲𝚛𝚒𝚖𝚎 𝙸𝚗𝚟𝚎𝚜𝚝𝚒𝚐𝚊𝚝𝚒𝚘𝚗 𝙿𝚊𝚛𝚝-𝟷
Tualthahna kichi chinih in khen le - mulkimhuaitak a tualthah (brutally killing) leh hehpihnaziak a tualthahna (mercy killing) chihdan in khentheih hi. Assamese numei *Indrani Mukherjia* kum 43 a upa in atanu Sheena Bora kum 24 a upa, innkuan zahhuaina (izzat) bulphuh in apasal lui leh a driver toh pangkhawm in that ua, innkuan zahhuaina kepbit di deihziak a that lum (honour killing) hidan in kigen hi. Hiai tualthahna leh luang sel'mang asawm' dan uh chizathuai in mulkimhuai mahmah a, India News - Top Story hipha hial hi (ahunlai @2012 in). Kum 3 nung daih a, ahong latkhiatdan leng alamdan' mahmah ziak in ngaihven lawh viau hi.
Guwahati, Assamese numei teirawl *Indrani Bora* in kum 16 ahih in *Sidharth Das* toh ta nih - *Sheena Bora* leh *Mikhail Bora* ana nei uhi. Das ahih leh Tripura leh Calcutta ah teeng kawikawi hi. Akikhenna ua atate nih naupang, paisan in, 1990 in Calcutta ah paisuk in, Reliance Company ah sem a, Sheena leh Mikhail-te bel api leh pu'n Guwahati ah enkol uhi. Indrani in Calcutta ah sumdawng *Sanjeev Khanna* pasal in nei a, tanu *Vidhie Khanna* nei uhi.
Huchihlai in Star TV CEO, azi tawh kikhen, *Peter Mukherjia* toh hong kimeltheih uhi. Indrani bel apasal Khanna leh atanu uh Vidhie toh 2001 in Mumbai ah pem ua, kum 2002 in Peter Mukherjia toh hong kiteng (nupa) leuleu uhi. Tua apasal Peter Mukherjia toh kum 2007 in INX Media phutkhia ua, Chief Executive Officer in pang hi.
Sheena leh Mikhail Bora-te'n 2005 in Mumbai ah anu uh Indrani vaveh/ vil uhi. Mikhail Bora in Company ah sem a, anung sawtlou in apu damlou enkol ding in Guwahati ah kiik nawn a, Sheena ahihleh bel lehkha zil in St. Xavier College a kipat in BA (Economic) pass a, Mumbai ah Reliance Mumbai Metro ah sem ngal hi. Mumbai ah Indrani in atategel' kiang ah *"Nu, chi in hon sam hetkei un, tuadan in unau bang in i-om ding uh"* chi'n gen/ hilh a, midang-te'n leng atate hilou a anau dan in thei uh a, a pasal Peter ngei in leng unau dan in ngai hi.
Huchibang a akhosak laitak un, anu pasal' ta Rahul Mukherjia leh Sheena Bora hong kingaizawng (tiuriuriu) ta ua, hiai thil omdan Indrani leh a pasal Peter in adeih hetkei ta uhi. Kum 2012 April kha in apasal lui Sanjeev Khanna Mumbai ah sam suk a, a sanggamnu bang a alatsak Sheena (atanu) gou' leh gamh tungtang a sam hidan in kigen hi.
Huchi'n April 24, 2012, nitak dak 6:30 in Indrani in atanu phone a houpih in, *"Thil poimawh gen ding a om a, National College, Bandra kiang ah hong pai in"* chi'n hilh hi. Sheena leng vapai a, Car sung a anu' pasal lui Sanjeev Khanna amuh tak in tuang utlou a, himahleh, anu Indrani in kaailut teitei in, driver *Shyamvar Rai* in taaipih ta hi.
Atom lam in - mun kilkawm deuh khat a taaipih in, athum ua pangkhawm in thatlum uhi. A luang pen zankhua in anu' Car ah koih uhi. A zingchiang in, Shyamvar Rai' (driver) theihna gammang/ gamnuai mun awng leh daih mahmah na mun Raigad ah pua ua, Sheena' luang Petrol buak in haal uhi. Hichibang a atanu thahna leh aluang hepkhiatna leh selguk/ selmang sawmna-te ah Indrani tel gige hi. (Kum 2011 in Sheena in Reliance Mumbai Metro ah sem a, Indrani leh Peter-te'n aphallouh ziak un tawp a, Office a kipat a atawpna lai (letter) May 3, 2012 a apiaklut muhkhiat in om hi! Facebook account leng 2012 in E-Mail a kipat a suktawp a-om ahihdan Mumbai Police Commisioner, Maria in gen hi)
Sheena Bora' sih ni 24th April 2012, a zinghal 26th April 2012 in atangvalpa *Rahul Mukerjia* in phone a, Sheena' Mobile phone bel _switch-off_ in om chi a, huai'nung zek in Rahul in Sheena' phone a kipat in Message dawng (received) a, Sheena in akaal thu uh gen di om nawn lou/ beita ahihdan leh akhenna thu-te hi a, anung a Rahul in a phone kik chiang in leng kuama'n dawng nawn lou hi. Sheena mang (lost) dildel/ omna kitheilou pen angaih phatheilou in, Rahul Mukerjia in Worli Police Station ah _report_ bawl ta hi. Police-te'n inquiry bawl in, Indrani dong ua, aman, USA ah maban/ lehkhazil sunzom hidan in Police te hilh/ theisak hi. Atangvalpa Rahul in apa Peter Mukerjia' kiang a leng Sheena koi a om ahia chi'a adot chiang in leng apa'n amau' innkuansung thu ahi a, USA ah lehkha zil ahi chi'n dawng a, aban theihpihlou hidan in gen hi.
Alamdang mahmah khat bel, August 21, 2015 in Indrani' gari driver, Shyamvar Rai Mumbai Police te'n a gari ah _pistol_ mu ua, Police-te'n athudotna ua akipuanna ah Indrani' sanggamnu Sheena athah thu uh gen lang' khata hi! Atuung lam in bel Police-te'n gingta pahlou ua, himahleh Sheena' luang ahaal na mun uh hi'a agen na mun ah amah (Rai) tonpih ua, Sheena' luang ahaal na mun uh a-et uh leh Sheena' guhvuak bangzah hiam muta uhi. Hiai tualthahna mulkimhuai hong langkheta hi. Ipu ipa-te'n tualthahna (siluang) kiselgu theilou, akimuhkhiat/ theihkhiat hun om teitei achih uh atangtunna leh chetna hong suak hi.
Indrani bel Mumbai ah 25th August 2015, (Thohlehni) in mat in om ngal a, apasal lui Sanjeev Khanna leng Calcutta ah (Alipore) a alawmpa' inn ah 26th August (Nilaini) in kiman ngal hi. Apasal Peter Mukerjia leng Police-te'n thudotna nei ngal ua, atate nih – Sheena' tangvalpa *Rahul* leh asanggampa *Gautam Mukherjia* leng Police-te'n chiangtak in thudotna nei uhi. Apasal Peter in bel bangmah theihpihlou ahihdan gen hi. Hiai Case paidan kiningchiang zaw a theih uthuai tou zel ding bang in lang' hi. Indrani bel Court ah paipih ding in 31st August tan Police-te'n kem/ enkaai uhi.
Sheena Bora nu' tapa Mikhail Bora in News Interview nei in *"Ka nu Indrani in bangkim genkhia/ puang vek hen, ka sanggamnu Sheena' tungtang bangkim pholhkhiat vek ka ut"* chi hi. Mikhail Bora in asanggamnu' tanchin kum thum sung zet Phone/ Internet a kipat nasan a leng theilou a, bangchidan a om thei ahia, bangcidan in ahia asanggamnu USA ah leng zon khiatdan angaihtuah louh? chih leh Mumbai Police-te'n abultung in Inquiry gina bawl kei na uh e!!? chihte India Media lamte'n lamdang asak thu uh gen kheukhou uhi.
(to be continued…)
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
Tualthahna kichi chinih in khen le - mulkimhuaitak a tualthah (brutally killing) leh hehpihnaziak a tualthahna (mercy killing) chihdan in khentheih hi. Assamese numei *Indrani Mukherjia* kum 43 a upa in atanu Sheena Bora kum 24 a upa, innkuan zahhuaina (izzat) bulphuh in apasal lui leh a driver toh pangkhawm in that ua, innkuan zahhuaina kepbit di deihziak a that lum (honour killing) hidan in kigen hi. Hiai tualthahna leh luang sel'mang asawm' dan uh chizathuai in mulkimhuai mahmah a, India News - Top Story hipha hial hi (ahunlai @2012 in). Kum 3 nung daih a, ahong latkhiatdan leng alamdan' mahmah ziak in ngaihven lawh viau hi.
Guwahati, Assamese numei teirawl *Indrani Bora* in kum 16 ahih in *Sidharth Das* toh ta nih - *Sheena Bora* leh *Mikhail Bora* ana nei uhi. Das ahih leh Tripura leh Calcutta ah teeng kawikawi hi. Akikhenna ua atate nih naupang, paisan in, 1990 in Calcutta ah paisuk in, Reliance Company ah sem a, Sheena leh Mikhail-te bel api leh pu'n Guwahati ah enkol uhi. Indrani in Calcutta ah sumdawng *Sanjeev Khanna* pasal in nei a, tanu *Vidhie Khanna* nei uhi.
Huchihlai in Star TV CEO, azi tawh kikhen, *Peter Mukherjia* toh hong kimeltheih uhi. Indrani bel apasal Khanna leh atanu uh Vidhie toh 2001 in Mumbai ah pem ua, kum 2002 in Peter Mukherjia toh hong kiteng (nupa) leuleu uhi. Tua apasal Peter Mukherjia toh kum 2007 in INX Media phutkhia ua, Chief Executive Officer in pang hi.
Sheena leh Mikhail Bora-te'n 2005 in Mumbai ah anu uh Indrani vaveh/ vil uhi. Mikhail Bora in Company ah sem a, anung sawtlou in apu damlou enkol ding in Guwahati ah kiik nawn a, Sheena ahihleh bel lehkha zil in St. Xavier College a kipat in BA (Economic) pass a, Mumbai ah Reliance Mumbai Metro ah sem ngal hi. Mumbai ah Indrani in atategel' kiang ah *"Nu, chi in hon sam hetkei un, tuadan in unau bang in i-om ding uh"* chi'n gen/ hilh a, midang-te'n leng atate hilou a anau dan in thei uh a, a pasal Peter ngei in leng unau dan in ngai hi.
Huchibang a akhosak laitak un, anu pasal' ta Rahul Mukherjia leh Sheena Bora hong kingaizawng (tiuriuriu) ta ua, hiai thil omdan Indrani leh a pasal Peter in adeih hetkei ta uhi. Kum 2012 April kha in apasal lui Sanjeev Khanna Mumbai ah sam suk a, a sanggamnu bang a alatsak Sheena (atanu) gou' leh gamh tungtang a sam hidan in kigen hi.
Huchi'n April 24, 2012, nitak dak 6:30 in Indrani in atanu phone a houpih in, *"Thil poimawh gen ding a om a, National College, Bandra kiang ah hong pai in"* chi'n hilh hi. Sheena leng vapai a, Car sung a anu' pasal lui Sanjeev Khanna amuh tak in tuang utlou a, himahleh, anu Indrani in kaailut teitei in, driver *Shyamvar Rai* in taaipih ta hi.
Atom lam in - mun kilkawm deuh khat a taaipih in, athum ua pangkhawm in thatlum uhi. A luang pen zankhua in anu' Car ah koih uhi. A zingchiang in, Shyamvar Rai' (driver) theihna gammang/ gamnuai mun awng leh daih mahmah na mun Raigad ah pua ua, Sheena' luang Petrol buak in haal uhi. Hichibang a atanu thahna leh aluang hepkhiatna leh selguk/ selmang sawmna-te ah Indrani tel gige hi. (Kum 2011 in Sheena in Reliance Mumbai Metro ah sem a, Indrani leh Peter-te'n aphallouh ziak un tawp a, Office a kipat a atawpna lai (letter) May 3, 2012 a apiaklut muhkhiat in om hi! Facebook account leng 2012 in E-Mail a kipat a suktawp a-om ahihdan Mumbai Police Commisioner, Maria in gen hi)
Sheena Bora' sih ni 24th April 2012, a zinghal 26th April 2012 in atangvalpa *Rahul Mukerjia* in phone a, Sheena' Mobile phone bel _switch-off_ in om chi a, huai'nung zek in Rahul in Sheena' phone a kipat in Message dawng (received) a, Sheena in akaal thu uh gen di om nawn lou/ beita ahihdan leh akhenna thu-te hi a, anung a Rahul in a phone kik chiang in leng kuama'n dawng nawn lou hi. Sheena mang (lost) dildel/ omna kitheilou pen angaih phatheilou in, Rahul Mukerjia in Worli Police Station ah _report_ bawl ta hi. Police-te'n inquiry bawl in, Indrani dong ua, aman, USA ah maban/ lehkhazil sunzom hidan in Police te hilh/ theisak hi. Atangvalpa Rahul in apa Peter Mukerjia' kiang a leng Sheena koi a om ahia chi'a adot chiang in leng apa'n amau' innkuansung thu ahi a, USA ah lehkha zil ahi chi'n dawng a, aban theihpihlou hidan in gen hi.
Alamdang mahmah khat bel, August 21, 2015 in Indrani' gari driver, Shyamvar Rai Mumbai Police te'n a gari ah _pistol_ mu ua, Police-te'n athudotna ua akipuanna ah Indrani' sanggamnu Sheena athah thu uh gen lang' khata hi! Atuung lam in bel Police-te'n gingta pahlou ua, himahleh Sheena' luang ahaal na mun uh hi'a agen na mun ah amah (Rai) tonpih ua, Sheena' luang ahaal na mun uh a-et uh leh Sheena' guhvuak bangzah hiam muta uhi. Hiai tualthahna mulkimhuai hong langkheta hi. Ipu ipa-te'n tualthahna (siluang) kiselgu theilou, akimuhkhiat/ theihkhiat hun om teitei achih uh atangtunna leh chetna hong suak hi.
Indrani bel Mumbai ah 25th August 2015, (Thohlehni) in mat in om ngal a, apasal lui Sanjeev Khanna leng Calcutta ah (Alipore) a alawmpa' inn ah 26th August (Nilaini) in kiman ngal hi. Apasal Peter Mukerjia leng Police-te'n thudotna nei ngal ua, atate nih – Sheena' tangvalpa *Rahul* leh asanggampa *Gautam Mukherjia* leng Police-te'n chiangtak in thudotna nei uhi. Apasal Peter in bel bangmah theihpihlou ahihdan gen hi. Hiai Case paidan kiningchiang zaw a theih uthuai tou zel ding bang in lang' hi. Indrani bel Court ah paipih ding in 31st August tan Police-te'n kem/ enkaai uhi.
Sheena Bora nu' tapa Mikhail Bora in News Interview nei in *"Ka nu Indrani in bangkim genkhia/ puang vek hen, ka sanggamnu Sheena' tungtang bangkim pholhkhiat vek ka ut"* chi hi. Mikhail Bora in asanggamnu' tanchin kum thum sung zet Phone/ Internet a kipat nasan a leng theilou a, bangchidan a om thei ahia, bangcidan in ahia asanggamnu USA ah leng zon khiatdan angaihtuah louh? chih leh Mumbai Police-te'n abultung in Inquiry gina bawl kei na uh e!!? chihte India Media lamte'n lamdang asak thu uh gen kheukhou uhi.
(to be continued…)
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.JPG)
No comments:
Post a Comment
Comments not related to the topic will be removed immediately.