KNF: SUHTHENGNA

August nisim 12, 2024 nikho'a Village Volunteer Eastern Zone Kuki-Zo Gam in 9 August, 2024 Incident thu'a UKLF in re-inforce akikou thu ti thu makaina noija _ULKF in nam sunga SoO achan khompi ho VVEZ suhmang na dingin panpina anathum'e_ tia ngohna ananei nauva Kuki National Front (KNF) te jong ahin minphah uhi adih loudan hilchenna le suhthengna ahung kineijin ahi.

ULKF in VVEZ ho suhmang nadia kithopina KNF kom'a ahinthumna aumkhapon, he jong akihepha pon ahi. Hitobang hohi hetkheljeh ahiloule thulamleng jeh'a jong hithei ahijeh in, nam mipi ten ina hetkhel loudiuvin suhthengna ahin kineijin ahi.

Kuki National Front hi mother organisation khat hinan, namsunga kilungkhat tah le kichamdel'a nam khankho sutkhom ding aki masot jingin, nam chehchao nading le lhahsam nading tohgon jong akineipon, hitobang tohgon ho jong a imatih'in aki tosot pon, akihepon ahi.

Thudih lou thulamleng le ho jeh'a hetkhelna dihloutah a kingoh na hohi nam sunga kihet khelna muchi a hung pangthei ahijeh in, hitobang hoa kon'a ikikangse diu hi akul'in, tu maban le chingtheitah le thu kicheh, atah le adih hetkhen'a thuphon boldin temna sangtah jong akineijin ahi.

Pathenin namsunga damna le kilungkhatnan eiphungvuh tau hen.

Sd/-
Department of Information & Publicity
Kuki National Front (KNF) 

~ 📰 THE KANGGUI POST 🗓️

Share: