Kidnap Thu Toh Kisai | C T Lian

KIDNAP THU TOH KISAI SOCIAL MEDIA ZAT PHATUAM THEIH

Zan a naupang kidnap om chih thu ka zak leh lungsim hon koih mahmah mai hi.

I gam i chih chih hang in economic lah control louh banah i insung a i ta i nau te nangon ading in bitna ding om non lou hong suak ta a, hiai bang a i gam a hiai bang a thil suak hih te teng mohpaihna sang pen i pia hi.

I gam a hichi bang nasep  pen i tenpih i mi i sa te ading a thil zumhuai top ahihdan phok thak a hon topsan veng veng tading in i ki ngen hi.

Awle, i ut leh utlouh thu hi non lou in i gam a hiai bang thil tung thei ta ahihman in kuapeuh pilvang kisam a, kuapeuh sualdouna a i pankhom siam uh poimawh hi.

Mi kuahiam thil hilou hih i muh leh report pahpah ding, mi kuahiam ginmoh i neih lehleng social media a thehzak pah ding ahi. Tu nidang bang hi non lou, media zangsiam le hichi bang crime bawlsom te ading a mun ong om lou a koih theih ahi - mass communication i zatsiam leh.

Kei mimal in leng gari mang: Activa khat leh DI - Pickup khat social media tungton in kamu kik ngei hi. Gari mang akitheih phet in gari detail leh number social media  ka telna group 130 val a ka khahkhiak pah leh tomlou kal in khat Bijang leh Mualvaiphei field kiang ah ka mukik uhi.

Hibang dandeuh in thilsual i tuah leh im mai lou in social media ah naktak in mipi te kiang ah genkhia leng thilsual hih te akiselna ding mun om lou a koih theih hi in ka mu hi.

Banah hichi bang  thil hoih lou ahong tun non louhna ding in akisaipih police lam te leh saptuam heutu te'n pan naktak a hon lalai ding inleng i ngen hi.

C T Lian 

Social Activist

_Copy&Paste_

Share: