IRAN in nikhat thu'n mi 29 KHAILUM

IRAN in August 07, 2024 Nilaini in nikhat thil thua a mi matte mi 29 khailum uh hi'n Iran Human Rights ten taklang uhi. Khailup a omte laka mi 26 te Tehran khawpi pawlawm, Karaj a Ghezzelhesar suangkulh a tangte hi ua, a dang thumte ahihleh Karaj city suangkulh a tangte ahi uh.

Mi tang khailup a omte ahihleh tualthat, khamtheih ziak a matte leh pawngsual thubuai a siamlouh tansak te hi ua, amaute lakah Afghanistan gam mi nih telkha uhi. US a Human Rights Activists News Agency (HRANA) leh Center for Human Right te'n leng Iran (CHRI) te'n Karaj a mi 29 te a khailup tak thu uh puang khe khinta hi.

Human rights group te'n Iran dem mah mah ua, China chihlouh in a gam dan bang a, kum khat thu mi hinna la tam pente ahih uh. International Health Regulation(IHR) te'n Iran in tukum sung lel a mi 345 khailumta uh hi'n gen hi.

Tutung a nikhat thu a mi 29 a khailup nawn in kal beisa a laklut President thak; Masoud Pezeshkian  makaihna nuai a, mihing hinna ngaihnepna in kiakniam lam nawtlou ahi chih kichian sak mahmah hi, chi in gen hi.

© ZL | Whatsapp Channel  🔰

 

Share: