Aug 29: Manipur Chief Minister N. Biren Singh in tutung tualgal pen amah pat ahidan a genkhiatna Audio hing viral nua in, tua audio pen bawltawm hidan in phuang nanleh thudih mah hiding in gintatna lian deudeu hi.
The Wire in a tahlat dan un,Biren Singh thugenna Audio pen Manipur buaina suitu Commission of Inquiry kung ah piahlut hita a,hinanleh tam Audio pen Manipur Govt in kibawltawm "doctored"ahi chi in, The Wire in a website uah tua Audio Clip a hahkhiat nua un tam sil pen "anti-national" ahi banah Meitei leh Zosuan singtangmite kal a lemna um ding deilouna nasep ahi chin ngawh hi.
Tam thu hing um nua in,chief minister N Biren singh sanggampa Rajendro Nongthingbam leh Bharatiya Janata Party apat Rajya Sabha member L. Sanajaoba in a tuamtuah in Facebook ah Meitei ham in vauna bawl uh a,galte kung a tua Audio tape peluttu pen bang kisa hihiam chi uhi.Arambai Tenggol phutkhetu Sanajaoba leh Biren sanggampa Nongthingbam in a facebook uah "Meitei" pen zuahkhiat in um a, amau sung ah Meitei-te alangpamg Traitor suikhiat pei hiding chin tahlang uhi.
Rajya Sabha MP leh Arambai Tenggol phutkhetu Sanajaoba in amah mimal Facebook account ah August 22 a a tahlat dan in, "makai leng theilou Meitei-te khanglou un,kihou ding ka ut nawnsih,action in a zui ngaita,galte pen a nina ah koi phot hiding a, Meitei-te zekhemtu (khelendro) pen buaipi masah hiding"chi hi.
Sanajaoba in Meitei sung a langpang tu genna dia "Khelendro" a zatna pen 1891 kum a Anglo-Manipuri War um hun ah Meitei mi mah hinanleh British-te panpi ziah a Subedar Khonthoujam Khelendro Singh in Meitei lengpa tapa Tikendrajit Singh a matsah tawh kibang dan a a zat ahi hi.N Biren Singh sanggampa Rajendro Nongthingbam @ Rajendro Nong in jong a Facebook page ah galte kung ah thu pesawntu pen Meitei mah ahidan theichian leh suikhiat hi thouthou ding ana chi hi.
A thu post masah pen August 21 in hengtha a tuanah Meitei-te zekhemtu leh zuahtu pen suikhiat poimaw chin Facebook ah gel hi.
N Biren Singh thugenna Audio pen suizuina hoitah neiding in opposition lamkai tamkhop in phut uh a, Kuki-Zomi-Hmar apat MLA 10te'n jong suizuina neiding ana phut uhi.
Manipur a Meitei leh Zosuan(Kuki-Zomi-Hmar) namkal buaina suizui ding a guan Commission of Inquiry kung ah Manipur CM N. Biren Singh thugen hidan a kigen audio file (clip) affidavit tel a piahlut in um a,Tuami thudih ahileh buaina a official a CM kigol chi chetna hithei ding in kigen hi.
CM in amah official residence ah Manipur a Zosuan numei 2 guahtang a peipih leh rape a umte tawh kisai in, rape ahi uh chetna um hiam chia pang ding in meeting a telte hasuan ahidan audio file ah genkhah in um hi.
'The Wire' in a tahlat dan un, minute 48 vel a sau CM N Biren Singh hidia gintat thugenna audio file piah hinanleh theisahlou ding a theisah ahi ziah a thehzah lou uh chi hi a, CM awsuah taw kibang record a om pen amah official residence a meeting hun a record kibawl in gen uh chi hi.
Huchilai in, The Wire in tuami awging record pen Manipur CM mah hi e chi chetna neilou chi a,tuami audio file petu hinna a dia jauthawnghuai thei ahi ziah in genkhiat hilou chi uhi.The Wire in CM tawh meeting hun a telte kungah meeting ni leh tuami meeting ah a thugen uh kanchian thei nanle uh amau bitna dia thudih genkhe nuam umlou uh a,tuami meeting a tel hidan a kigen khenkhat in CM awsuah mah ahidan leh tamithu a gen hun in amau jong um uh chi'n gen uhi.
Huchi kawm in,audio record kibawl hun jong Gauhati High Court Chief Justice-lui Justice (Retd) Ajai Lamba makaina Commission kung ah piah a um chin tahlang uhi.
Audio record a tamzaw Meitei ham ahi banah thumal bangzah ehkhat ah Hindi kizang a,tuami nua in Meitei ham siam khat kimtah a English a letkhesah uh chi'n The Wire apat thusuah in gen hi.
The Wire in a tahlat dan un,Biren Singh thugenna Audio pen Manipur buaina suitu Commission of Inquiry kung ah piahlut hita a,hinanleh tam Audio pen Manipur Govt in kibawltawm "doctored"ahi chi in, The Wire in a website uah tua Audio Clip a hahkhiat nua un tam sil pen "anti-national" ahi banah Meitei leh Zosuan singtangmite kal a lemna um ding deilouna nasep ahi chin ngawh hi.
Tam thu hing um nua in,chief minister N Biren singh sanggampa Rajendro Nongthingbam leh Bharatiya Janata Party apat Rajya Sabha member L. Sanajaoba in a tuamtuah in Facebook ah Meitei ham in vauna bawl uh a,galte kung a tua Audio tape peluttu pen bang kisa hihiam chi uhi.Arambai Tenggol phutkhetu Sanajaoba leh Biren sanggampa Nongthingbam in a facebook uah "Meitei" pen zuahkhiat in um a, amau sung ah Meitei-te alangpamg Traitor suikhiat pei hiding chin tahlang uhi.
Rajya Sabha MP leh Arambai Tenggol phutkhetu Sanajaoba in amah mimal Facebook account ah August 22 a a tahlat dan in, "makai leng theilou Meitei-te khanglou un,kihou ding ka ut nawnsih,action in a zui ngaita,galte pen a nina ah koi phot hiding a, Meitei-te zekhemtu (khelendro) pen buaipi masah hiding"chi hi.
Sanajaoba in Meitei sung a langpang tu genna dia "Khelendro" a zatna pen 1891 kum a Anglo-Manipuri War um hun ah Meitei mi mah hinanleh British-te panpi ziah a Subedar Khonthoujam Khelendro Singh in Meitei lengpa tapa Tikendrajit Singh a matsah tawh kibang dan a a zat ahi hi.N Biren Singh sanggampa Rajendro Nongthingbam @ Rajendro Nong in jong a Facebook page ah galte kung ah thu pesawntu pen Meitei mah ahidan theichian leh suikhiat hi thouthou ding ana chi hi.
A thu post masah pen August 21 in hengtha a tuanah Meitei-te zekhemtu leh zuahtu pen suikhiat poimaw chin Facebook ah gel hi.
N Biren Singh thugenna Audio pen suizuina hoitah neiding in opposition lamkai tamkhop in phut uh a, Kuki-Zomi-Hmar apat MLA 10te'n jong suizuina neiding ana phut uhi.
Manipur a Meitei leh Zosuan(Kuki-Zomi-Hmar) namkal buaina suizui ding a guan Commission of Inquiry kung ah Manipur CM N. Biren Singh thugen hidan a kigen audio file (clip) affidavit tel a piahlut in um a,Tuami thudih ahileh buaina a official a CM kigol chi chetna hithei ding in kigen hi.
CM in amah official residence ah Manipur a Zosuan numei 2 guahtang a peipih leh rape a umte tawh kisai in, rape ahi uh chetna um hiam chia pang ding in meeting a telte hasuan ahidan audio file ah genkhah in um hi.
'The Wire' in a tahlat dan un, minute 48 vel a sau CM N Biren Singh hidia gintat thugenna audio file piah hinanleh theisahlou ding a theisah ahi ziah a thehzah lou uh chi hi a, CM awsuah taw kibang record a om pen amah official residence a meeting hun a record kibawl in gen uh chi hi.
Huchilai in, The Wire in tuami awging record pen Manipur CM mah hi e chi chetna neilou chi a,tuami audio file petu hinna a dia jauthawnghuai thei ahi ziah in genkhiat hilou chi uhi.The Wire in CM tawh meeting hun a telte kungah meeting ni leh tuami meeting ah a thugen uh kanchian thei nanle uh amau bitna dia thudih genkhe nuam umlou uh a,tuami meeting a tel hidan a kigen khenkhat in CM awsuah mah ahidan leh tamithu a gen hun in amau jong um uh chi'n gen uhi.
Huchi kawm in,audio record kibawl hun jong Gauhati High Court Chief Justice-lui Justice (Retd) Ajai Lamba makaina Commission kung ah piah a um chin tahlang uhi.
Audio record a tamzaw Meitei ham ahi banah thumal bangzah ehkhat ah Hindi kizang a,tuami nua in Meitei ham siam khat kimtah a English a letkhesah uh chi'n The Wire apat thusuah in gen hi.
~ Z⭕LENGTHE WHATSAPP MEDIA
Connecting the Zo People🦅
Connecting the Zo People🦅
.png)
.JPG)
No comments:
Post a Comment
Comments not related to the topic will be removed immediately.