ZSF leh KSO in Parking tawh kisai enkai ding

Lamka, 07 July 2024: Tuni nitahlam dah 3 in KSO CCpur office ah Zomi Students Federation (ZSF) Ghq leh Kuki Students Organisation (KSO) CCpur in joint press conference nei uhi.

Tam hun ah L Minlal Gangte, Vice President KSO CCpur in a gendan in,khawpi sung traffic kongzing kineh gawp pen ZSF leh KSO in bangchileh awngthawl theiding e chi hun sawttah peita apan ngaituah in nei ua,hinanleh tulai in a dia in school naupangte kuanhun,office kuan hun, school naupangte tawp hun leh dawr kaite pei hun in traffic nawngkaina uangdiah chi hi.

Huchih hun in a diah in lamlian gei a silzuah, mehzuah te'n a asilte uh zuahna dia footpath tung a pansan ziah un keng a peite peina ding awnglou in lamlian pen kineh in kawchiih gawp a, emergency sil a ding in nahtah in nawngkaina tut chi hi.

Huchibang ahiman in traffic awngthawl zawhna ding in ZSF in amau area ah panla jou ua,maban ah KSO in jong panlah sawm uh ahiman in,maban ah traffic Jam ziah a school timing laplou leh office timing laplou chite banah emergency silte ahiding bangtah a a hunhun a,a tun theina ding ua Student pawlpi nite'n panlah sawmna a nei uh mipi'n nuathuap chiat ding in chial hi.

 Thonglunthang Simte, Vice President ZSF Ghq in a genna ah Traffic awngthawl semna ding a ZSF hi'n KSO hitaleh pan nahtah a lahtou sawm uh ahina ah bazar kaite'n jong bazar kaisung a i garite midang adia dongkhol a umlouna ding a park bawl ding in ngen a, a diah in bazar munpi deu Tuibong bazar leh New Bazar area ah parking pen student pawlpi nite'n hoitah in enkai ding ua, parking fee tanpha la ding uh ahiman in maban ah bazar munpite ah parking fee umta ding ahidan koipou in theisiam ding in ngen uhi.Parking fee pen innkuan hahsa koi e khat  nehmuhna dia hing pangthei ding chi ngimna ahidan gen kawm in, dawr bawltu koipou in zingkal a dawr hon hun a mahni dawr Mai chiat hoitah a phiatsiang a,niin leh buatlou umte mahni dustbin a koih a,sanitary truck hingpei hun a peikhiat thei geigei dia mansa a koi ding in jong ngen hi.

~ Z⭕LENGTHE

Connecting The Zo People🦅

Share: