ZRA LEH CNA REMNA LAMTLUANG

By:-

Tluanga Chhakchhuak

Executive Member.

ZORO General.Headquarters

Chin National Front(CNF) /CNF leh Zomi Re-Unification Organisation (ZRO)/ZRA te hiàn thawhhona thuthlung point 3 hi hetiangin an ziah zingah hian a hmasa ber hi lo thlir ila, hetiang hian tarlan a ni.

1. Keini Zofate (Chin-Kuki-Zomi/Mizo) hi thlahtu thuhmun, tawng khat hmang (Same language - different dialect), nunphung thuhmun, serh leh sang inkhawih pawlh, beiseina thuhmun vuana dam leh tlang khatah, thih leh ruam khatah ti thin unau kan ni, tih a ni.

Keini Chhinlung chhuak zofate hi thlahtu thuhmun tih hi kan sawi fo thin .Zofa , Zo hnahthlak kan ni thu tih hi kan sawi reng thin.Thenkhat chuan hnahthlak kan tih hi an hrethiam lo thin.

Kan historian Pu B.Lalthangliana hian hnahthlak chungchang sawi in ,mi thenkhat hian thingkung pakhata ,a kungpui ,a zar,a tang ,a peng leh a hmawr lam deuh a ler awm angin an ngai tlat thin a ti.

Chutiang ngaihdan a dik ziktuak lo zia sawiin hnathlak tih chu Pu Buanga English-Lushai Dictionary a Descendants tih hrilhfiahna thlah kal zel , tu ,tuchhuan tihna a ni tiin a sawi a ni.

Chuvangin Zomi , Falam , Lusei / Hualngo , Lai , Matu, Ngawn,Tlaisun,Zahau, Lautu,Zophei,Zotung,Mara,Teizang ,Thado Kuki adt hi Mizo hnahthlak ,Zohnathlak kan ni a,Zo thlah kal zel zo tuchhuan kan ni.kan sawi tawh angin tumah hi Mizo hnam  bulpui bik a kungpui bik emaw ,a zar emaw a Peng emaw a awm chuang lo tih hi kan hriat tlan a tha a ni.

Zohnathlakte hi Chhinlung chhuak kan nih hi kan pawm tlang vek a,kan sawi dan erawh a hrang hret hret mai ta chauh zawk a, a then in  Khol,Khur, Khurpi, Hurpi, Chhinlung/Singlung kan ti a, puk emaw Leikua tihna mai a ni a, kan thawnthu Chhura thawnthu pawh sawi dan hran theuh in kan nei a, kan tobul thuhmun kan nih zia a ti lang chiang hle mai.

Chin/Kuki/Zomi/Mizo thuhmun a nih zia pawh kan sawi ngun narawh tawh e.Kawl hoin min koh dan CHIN tih phei chu Vai leh  English hoin min hriat dan KUKI tih aiin a tobul a hmasa fe zawk a, Burma ram History a Pagan Dynasty (AD.1044-1287) hun khan an Pagoda ropui tak kianga lungphunah an lo ziakin an chhinchhiah daih tawh a ni.Historian dang dangte pawh in Mizo hnahthlakte hi Mongoloid thlah kan nih thu an ziak kul nasa hle mai.

ZRA (EC) an Chet tlatna hmun hi  Tiddim ,Tonzang Township chhungah a ni a, CNA/CNF te chettlatna hmun chu ZRA (EC) in an luah ve loh Chin Hills hmun dang zawng Falam,Halkha, Thantlang, Mindat ,Matupi,Kanpelet leh Paletwa , bial hi a ni .

CNF/CNA te nen ZRA te an in tibuai kan ti tak nan ,an ni CNA chuan Chinland Army tih zawk tur a ni e tiin min hrilh a,amaherawh chu ZRA nena inkap ralthuam keng pawlte hi 1988 Myanmar tualchhung buaina 8888 Uprising Movement a awm ruala din CNA  an ni a, Chinland Army an tih pawh hi an hruaitu ber CNA leh a sangawi zawnpui Revolutionist an ni .

Tonzang khuaa Indona hi Zofa chi leh chi inkara Indona a ni lova, political wing 2 te inhmuh thiam lohna mai a ni a,ZoRO hmalakna in  remna leh muanna kan neih thuai ka beisei a ni.

Tonzang leh Tiddim Township hi Zomi /Paite tia kan hriat lar kan unau zohnathlakte chen tamna a ni a,chipeng hrang hrang Guite/Vuite/ Dimpi/ Tedim/ Saizang/ Sihzang/Teizang/ Zhou/khuano leh Hualngo hnam pengte an ni.

Halkha,Thantlang leh Falam biala chengte erawh chu Ngawn ,Hlawncheu,Khualsim ,lente ,Tlaisun Zangiat ,Zahau, Lai ,Lautu,Senthang ,Thlawt ,

Zophei,Zotung,Mara,Matu adt an ni.

Chin State chhungah hian Myanmar sorkar in Chin hnam chipeng 53 lai thenhrangin a chhinchhiah a,a tak takah chuan Zofa hnam hlawm chi 5 bak a ni lo.

REMNA siamtute chu an eng a thawl e tih Bible-ah kan hmu a,remna kawngbi zawh theuh ang u.

_social_media_

Share: