KUKI Chin National Front leh Bangladesh Sorkar-ah inhmuhthiam lohna a awm avanga Bangladesh kan unau sahimna zawnga Mizoram rawn raltlan te Border Se- curity Force (BSF) ten Bangladesh rama thawnkir leh turin hma an la a, June thla tir pawh khan thahnem tak an lo thawnkir tawh a ni. Ni 4, July 2024 khan Damdep II- ah Bangladesh atanga sahimna zawnga Mizoram rawn lut thahnem tak an awm leh a, hei hi Border Security Force (BSF) ten hria in 5, July 2024 khan thawnkir leh turin ramri an phur thleng hman a ni.
Kan unaute manganna hi Mizoram Sorkar in a hriatin pawi a ti a, kan unaute tuamhlawm turin hma a la nghal a. Pu Lalduhoma Mizoram Chief Minister chu Delhi-ah a awm lai a ni a, Sorkar laipui thunei tute benghal in, 'Kan unau Bangladesh atanga sahimna zawnga Mizoram State rawn lut tawh te chu State Sorkar mawhphurhna a ni a, engti kawng maha thawnkir kan rem ti lo,' tiin a hrilh a. Chief Minister leh Mizoram Sorkar hmalakna avangin BSF hian thawnkir tuma ramri-a an dah tawh Bangladesh kan unaute chu Mizoram police kutah an hlan ta a, ni 8 July 2024 zing lam khan Chamdur Project khua an thleng a, hetah hian tihfel ngai zawng zawng tih fel hmasak phawt tur a ni a, an awm zel dan tur chu thuneitu ten an ngaihtuah dawn a ni.
ZORO chuan Bangladesh atanga sahimna zawnga kan unau rawn raltlan te theihtawp a lo buaipui a, lo dawngsawngtu Mizoram Sorkar chungah thinlung takin lawmthu a sawi a. An harsatna hriaa hma lo latu NGO hrang hrang te, an tih buai khaw hrang hrang te chungah lawmthu a sawi bawk a. Kan unau Bangladesh atanga rawn raltlan te pawh Mizoram chhungah thlamuang taka awm turin duhsakna a hlan nghal bawk a ni.
Sd/-
(L. RAMDINALIANA RENTHLEI)
General Secretary
ZORO General Headquarters, Aizawl.
.png)
.JPG)
No comments:
Post a Comment
Comments not related to the topic will be removed immediately.