ZOMI TANGVALTE MINSIATNA DING BEK

Tangvalte' Minsiatna Ding Bekbek Ngaihsun Thapaai Ding Maw?

Khua tampi pan phun lo pau lo in Zogam kembit ding Khangno tampi hong kipia khia, himahleh, khuakhat khuanihte in Online Media_l ah minsiatsakna tawh hong kipia khia lel dihdih. Hong minsiasak khuate zong CNA/F te' bawlsiatna athuak khinte na hi sawnsawn, pil zo nai mahmah lo; CNA/F khutlum tawh sisi nuam lai maw; na thuaknasate uh hawmthawh lai maw.

Na khua na tui uh hong kembit den Zogam Tangvalte' minsiatna ding bekbek zong in nitum ding maw.

Na pilna uh tawh Zogam Tangvalte' minsiatna ding hong sem kei unla, na pilna uh tawh Zogam Tangvalte' bitna ding leh Zogam Zomi' bitna ding hong sem tapeuh un.

Singnuai gammual, thosi-thovai lak ah om nuntakna luangkhaam in akipia khia ZRA te zahtaak in panpih thei zaw hileng Zogam hiciang dinmun kitung lo ding hi.

Media ah hong minsia sak den _dalan_ sem peuhmah hong kimawk koih maimai nawn lo ding hi, cih phawk un.

I paina lampi ah ling in hong sut lohna ding in tua lingte laakkhiat masak hong kul ta hi.

A hunlap a i kiphawk theih i kikheel theihna pen mite' sang in eimau hamphatna hizaw den zaw hi.

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: