27th July 2024: Pu Sona THANGKHANGIN Ngaihte – Zogam' a ding a lampi tuamtuam a ainah phahtu Pu Gin in adamlai in, "Lelliang genthei-te'n Zogam giabang zuun ding hi!" chi'a Zomi National Congress (ZNC), Secretary hihna toh Zogam leh Zomi' a di'n ahaatlai hunte ana zang hi. Asak-akhang ah Zomite' a ding in apilna, asiamna, athatang siit hetlou in kalsuan a, nna asem pa ahi hi.
Pu Gin ahihleh zunkhum (diabetes) nei hi in, nikum in leng lupna ngak [damlou] in kha guk lam ana om a, natna dang leng nei dia doctor-te'n a muanmawh ziak un machine tuamtuam - X-ray, Ultrasound, CT Scan, Endoscopy leh MRI chihte toh check-up bawl mah le uh a natna dang gen' ding mukhe lou uh hi'n kigen hi. Awlawl a hong hoih tou in, tut leng thukhe zou tan'in hong om a; himahleh, tumalam deuh a kipat in hong buaise deuh nawn hi. Huchi'n ki-enkol ding in New Delhi ana zuan a, AIIMS New Delhi, India ah hun bangtan hiam etkol in om mahleh, Ear & Brain Infection ziak in damsuah zou talou in tuni dak 2:45pm vel in hon nuse ta hi.
Born into the family of Sonna of the Ngaihte clan of the Paite-Zomi group, Thangkhangin is the first Manipur-born Zomi scholar, having received his Master's degree in Philosophy at the Jawaharlal Nehru University, Delhi. He is considered to be a trail-blazer for the Zomi Nationalist Movement across the globe. Reportedly, he co-founded the Zomi National Congress (a forerunner for the various branches of the Zo Movement, like ZRO, and ZORO), and is said to have been instrumental in organising the First World Zomi Convention (19–21 May 1988) at Champhai in Mizoram, India.
Leitung mun tuamtuam a om Zosuan/ Zota-te'n i suun mahmah uhi. Zomite' a ding a avawh khaichi limchi tak in hong palh in, anungzui ding mi tampi hong piang ta hen.
Adah-akap Zomipih khempeuh leh a innkuan mimal i biak Pa Pathian in hon hehnem in hon khamuan chiat ta hen🙏😭
R.I.P Pu Gin💐
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.JPG)
No comments:
Post a Comment
Comments not related to the topic will be removed immediately.