UNITED BROTHERS ALLIANCE: PAITE - VAIPHEI - ZOU

5th July, 2024

Tulai in Zomi sung ah Paite, Vaiphei leh Zou heutute attack in om sek hi. A paisa July 3 nitak in leng Paite heutu PTC GHQ a General Secretary Pu Thangzamuan Tombing a tenna Inn ah buluh in om a, Vaiphei nam makai Pu Henlianthang leh Zou MLA Pu Chinlunthang(Singngat A/C) te tenna Inn leng thau a va kap sak in om hi. Hiai toh kisai in United Brothers Alliance (Paite, Vaiphei, Zou) in hiai thu kingai khawk mahmah a, Paite, Vaiphei leh Zou nam pumpi simmohna bang in kingai hi. Paite, Vaiphei leh Zou te Zomi nuai a dia khuam poimoh pen te ahihban uah, namdang toh kituak tak a tonkhawm gige te ki hi a, huchihlai a hichibang a simmohna leh muhsitna Zomi te apan kituak gige pen ki pomsiam lou in mohpaihna sangpen in ki mohpaih hi.

Hiai thu te ziakin Paite, Vaiphei leh Zou nam apan nam it leh humbit ut tangval hunkhop in kimuhkhawmna kinei a, maban ah pangkhawm a nam melmate doukhawm dingin tuni in UBA (PVZ)-UNITED BROTHERS ALLIANCE (PAITE, VAIPHEI, ZOU) chih minvuah in kigawmkhawmna khat ana kibawl hi. Hiai toh kiton in UBA-PVZ in tuni apat in Lamka khopi sung ah galvan tawi a PVZ nam heutute hi'n PVZ mi leh sa tungah khutkha leh hiamgamna bawl a om ngeingei leh ki enliam maimai lou ding a, a thilhih bang un amaute ki thukkik ding hi.

Info.&publicity dept.

UBA (PVZ)

~ LAMKA MEDIA

Share: