THILPHA BOLNA LAMA CHIMTIH NEILOU DING
Asun: Pu N. Lhungdim
Thangting House
Molnom-West
8th July 2024
Kitepna thah Bible Galatia 6:9 "Thila bolna lamah chimtih neipou hite, ilhah dah lou uleh aphatcha tohga ilo diu ahi".
Ase leh apha hctchen theina English pao a science kiti Pathen in mihemte apch cheh ahi. Hiche ase apha hekhen theilou chu mi phabep khat um nante amaho chu mihem hina a lhinglou chuleh gancha ho (animal) ahi.
Mihem hi ahung pen a kipat in anu apa tehon ahin hil in aphalou ahin bol khah leh aphalou ahi nabol louding ahi tin ahin hil in school ahung kai leh mihil oja hon apha aphalou ahin hil kit in hiti chun mihem hi ahung kipi lhing kit in ahi. Ahinla mi kimkhat hin aphalou tam tah ahin bolleh thilpha bol ding chu ahin bolnom jui tapon ahi.
Thu kajah khat in mi gilou khatchun (amin seidoh daute) ipi kibol jong leh vangam kilut lou ding thou thou ding ahin hijeh chun bol thei jouse aphalou jouse kabol ding ahi ati khat chu kajah leh kalung adong in kadapi Iheh jeng in ahi. Hiche tobang miho ding a chu Pathen in achapa Jesu Christa chu leiset a ahin sol ahi. Jesu Christa kom a chu angaidam theilou setna umlou ahi tichu phatah a hilding kium lou hinte. Tulai Pathen thusei adeh a Evangelist a vah ho hin hiche tobang mi khohse ho hi toh uleh kati bep in ahi.
Ahinla amaho hin munnom nom lang joh a khohsah joh uh kamu in Bible in asei leh amangsa khat huhdoh a umchu Pathen mitmu a loupi ahi atijoh ahi.
Keima jong thupi tah leh lentah in thilpha bol theihih jong leng thilpha bolhi katha nopna, kalung lutna khat ahi.
Ajehchu thilpha ibol leh keima lungsung ah lunglhaina leh kipana aum in chukit leh ibolpeh hojong akipah uvin ahi. Ahinla thilpha tamtah kibol hohi atamjo ibol peh ho chun kakipah e ahin tỉn a ding uva akibol vang ahideh pon ahi.
Hina ma jong leh mikhat thilpha ibol peh leh kakipah e jong ati loubeh leh akilungnom mo jui in ahi ajehchu neo chacha a thilpha bol a mi kithopi chu sim jou jong hiponte ahinla thil lentah tah mijouse bol theilou kibol aum jui in hiti ho hi akibol peh hon helou tobang a aum leh abang bang leh thilpha bolna lam a chim tih neilou ding ti a Bible a kihil na chu ana kihai jui in ahung kichim kigo jui in ahi. Hiti ho lah ahin thilpha kibolpeh ho chun nibol peh in tia ahung sei hilou a eima cham tah a thilpha bol peh in aphai tia ana kibol hochu thukhat in kikoi taleh chuche hiloua ikom a hunga ngeh na hung neiho idonse lou ule lungnop mo nahi alen jep jui in ahi.
Kahinkho a mijousen abol theilou thilpha kabol khat thusim hin sei inge. 1990 lai chun kanaopa jinu in a inkote ho chapa khat Delhi a lncome Tax Inspector a ana toh North Eastern Region ho hin son ding in kakom ah ana sei jap in ahi. Hiche hi anu leh apa ahilou leh kanaonu ahin ka in a kakom a hung a phatah a ahung sei jong ahi deh pon ahi.
Ahinla kahinkho a kachepi khat chu kakom a thu hinlhut ho hi khohtah ti chu (serious) tah in kala in ahi thei leh ahithei lou chu thuchom ahi. English a logical conclusion tobang in aki chaina chan in pan kana la jui in ahi.
Hiti chun Delhi a um Inspector pa kom a chun ahin bol ding dan kahil in kum pha bep jou in hiche lekha chu Delhi a kon in NER lam a thunei pen Chief Commissioner Patna a ahung Ihung in chuche phat lai chun thil ahung kihei toh kha ham office a thunei pen pa chu kaloipa phatah khat ana hi kha in ama kom a chu phatah a kasei leh ahithei ding in ahung um tan ajo na in Delhi a kon in ahung kison in Guwahati ah ahung lhung tan ahi. Hiche thuhi ken jong kana ha het tapon hiche ahung kisonpa thu jong ahung seideh pon ahi.
Achung a Bible a kisei, "Aphat cha tohga ilo diu ahi kiti chu kahin geldoh kit in ahi. 2002 in kahung pension in office a na katoh lai leh kahung pension ni ija ham jou in office a natoh um nalai ho atamjo kihetpi ngen ahin, kholjin a kache leh eikhoh sah ding mi tamtah kanei jui in Guwahati a jong kache leh kalhun na ding Department Guest house ho hahsa lou beh in kamu jui in ahi.
Ahinla phat ahung kikhel kikhel in kihetpi ho jong aum gam tapon hijeh chun Guwahati khopi a kageh pa ngai behseh tapon.
Hitia ka um lai hin kaloipa Nampui kom a kasei leh mikhat hichepa chu na hetlou ham ama chu kihoupi in kahin geldoh leh Delhia kon a kahin son doh sah pa chu ahi. Ama kom a chu kasei leh 2013 chun Guwahati ah lhunna nom tah khat eina gon peh in Guwahati a kalhung in jan ni kagih in ahi.
Hiche thu a kasei nompen chu thilpha kana bol chu l1990 jou lai a thilpha kana bol chu kum20 jou lang peh in kahet phah tahlou hiding ham aga kahin lou bep in ahi. Hiche hin eihin hilchet chu Bible a thilpha bol na lam a chim tih neipou hite tia solchah Paul in Galatia mite heng a lekha thot 6:9 na chu adih tah kicheh tah in kahin mu in ahi.
Adih tah a chu thilpha bolna lam a chu chimtih neilou a bol jing ding ahi. Aga lo ding adeha kin taha aga lo ding a vang thilpha akibol leh kipana lunglhaina sang in lungnop mona tamjo ding in kamu in ahi.
_*THILPHA HỊ BOL DING AHIJEH A BOL JING DINGAHI. THANOPVANGLEHBOLNOM VANG ABOLDING JONGAHIPON AHI.*_ Thilpha bol chu mihouse chungah kibol jou hih jong leh eisang a Ihasam ho chung a chu ibol thei chan a bol ding ahi.
Thilpha bol thei dinga Pathen in hinna damna, chiha thepna chuleh nei leh nga eipeh a ahileh lhadah lou hel a bol cheh ding ahi.
Asun: Pu N. Lhungdim
Thangting House
Molnom-West
8th July 2024
Kitepna thah Bible Galatia 6:9 "Thila bolna lamah chimtih neipou hite, ilhah dah lou uleh aphatcha tohga ilo diu ahi".
Ase leh apha hctchen theina English pao a science kiti Pathen in mihemte apch cheh ahi. Hiche ase apha hekhen theilou chu mi phabep khat um nante amaho chu mihem hina a lhinglou chuleh gancha ho (animal) ahi.
Mihem hi ahung pen a kipat in anu apa tehon ahin hil in aphalou ahin bol khah leh aphalou ahi nabol louding ahi tin ahin hil in school ahung kai leh mihil oja hon apha aphalou ahin hil kit in hiti chun mihem hi ahung kipi lhing kit in ahi. Ahinla mi kimkhat hin aphalou tam tah ahin bolleh thilpha bol ding chu ahin bolnom jui tapon ahi.
Thu kajah khat in mi gilou khatchun (amin seidoh daute) ipi kibol jong leh vangam kilut lou ding thou thou ding ahin hijeh chun bol thei jouse aphalou jouse kabol ding ahi ati khat chu kajah leh kalung adong in kadapi Iheh jeng in ahi. Hiche tobang miho ding a chu Pathen in achapa Jesu Christa chu leiset a ahin sol ahi. Jesu Christa kom a chu angaidam theilou setna umlou ahi tichu phatah a hilding kium lou hinte. Tulai Pathen thusei adeh a Evangelist a vah ho hin hiche tobang mi khohse ho hi toh uleh kati bep in ahi.
Ahinla amaho hin munnom nom lang joh a khohsah joh uh kamu in Bible in asei leh amangsa khat huhdoh a umchu Pathen mitmu a loupi ahi atijoh ahi.
Keima jong thupi tah leh lentah in thilpha bol theihih jong leng thilpha bolhi katha nopna, kalung lutna khat ahi.
Ajehchu thilpha ibol leh keima lungsung ah lunglhaina leh kipana aum in chukit leh ibolpeh hojong akipah uvin ahi. Ahinla thilpha tamtah kibol hohi atamjo ibol peh ho chun kakipah e ahin tỉn a ding uva akibol vang ahideh pon ahi.
Hina ma jong leh mikhat thilpha ibol peh leh kakipah e jong ati loubeh leh akilungnom mo jui in ahi ajehchu neo chacha a thilpha bol a mi kithopi chu sim jou jong hiponte ahinla thil lentah tah mijouse bol theilou kibol aum jui in hiti ho hi akibol peh hon helou tobang a aum leh abang bang leh thilpha bolna lam a chim tih neilou ding ti a Bible a kihil na chu ana kihai jui in ahung kichim kigo jui in ahi. Hiti ho lah ahin thilpha kibolpeh ho chun nibol peh in tia ahung sei hilou a eima cham tah a thilpha bol peh in aphai tia ana kibol hochu thukhat in kikoi taleh chuche hiloua ikom a hunga ngeh na hung neiho idonse lou ule lungnop mo nahi alen jep jui in ahi.
Kahinkho a mijousen abol theilou thilpha kabol khat thusim hin sei inge. 1990 lai chun kanaopa jinu in a inkote ho chapa khat Delhi a lncome Tax Inspector a ana toh North Eastern Region ho hin son ding in kakom ah ana sei jap in ahi. Hiche hi anu leh apa ahilou leh kanaonu ahin ka in a kakom a hung a phatah a ahung sei jong ahi deh pon ahi.
Ahinla kahinkho a kachepi khat chu kakom a thu hinlhut ho hi khohtah ti chu (serious) tah in kala in ahi thei leh ahithei lou chu thuchom ahi. English a logical conclusion tobang in aki chaina chan in pan kana la jui in ahi.
Hiti chun Delhi a um Inspector pa kom a chun ahin bol ding dan kahil in kum pha bep jou in hiche lekha chu Delhi a kon in NER lam a thunei pen Chief Commissioner Patna a ahung Ihung in chuche phat lai chun thil ahung kihei toh kha ham office a thunei pen pa chu kaloipa phatah khat ana hi kha in ama kom a chu phatah a kasei leh ahithei ding in ahung um tan ajo na in Delhi a kon in ahung kison in Guwahati ah ahung lhung tan ahi. Hiche thuhi ken jong kana ha het tapon hiche ahung kisonpa thu jong ahung seideh pon ahi.
Achung a Bible a kisei, "Aphat cha tohga ilo diu ahi kiti chu kahin geldoh kit in ahi. 2002 in kahung pension in office a na katoh lai leh kahung pension ni ija ham jou in office a natoh um nalai ho atamjo kihetpi ngen ahin, kholjin a kache leh eikhoh sah ding mi tamtah kanei jui in Guwahati a jong kache leh kalhun na ding Department Guest house ho hahsa lou beh in kamu jui in ahi.
Ahinla phat ahung kikhel kikhel in kihetpi ho jong aum gam tapon hijeh chun Guwahati khopi a kageh pa ngai behseh tapon.
Hitia ka um lai hin kaloipa Nampui kom a kasei leh mikhat hichepa chu na hetlou ham ama chu kihoupi in kahin geldoh leh Delhia kon a kahin son doh sah pa chu ahi. Ama kom a chu kasei leh 2013 chun Guwahati ah lhunna nom tah khat eina gon peh in Guwahati a kalhung in jan ni kagih in ahi.
Hiche thu a kasei nompen chu thilpha kana bol chu l1990 jou lai a thilpha kana bol chu kum20 jou lang peh in kahet phah tahlou hiding ham aga kahin lou bep in ahi. Hiche hin eihin hilchet chu Bible a thilpha bol na lam a chim tih neipou hite tia solchah Paul in Galatia mite heng a lekha thot 6:9 na chu adih tah kicheh tah in kahin mu in ahi.
Adih tah a chu thilpha bolna lam a chu chimtih neilou a bol jing ding ahi. Aga lo ding adeha kin taha aga lo ding a vang thilpha akibol leh kipana lunglhaina sang in lungnop mona tamjo ding in kamu in ahi.
_*THILPHA HỊ BOL DING AHIJEH A BOL JING DINGAHI. THANOPVANGLEHBOLNOM VANG ABOLDING JONGAHIPON AHI.*_ Thilpha bol chu mihouse chungah kibol jou hih jong leh eisang a Ihasam ho chung a chu ibol thei chan a bol ding ahi.
Thilpha bol thei dinga Pathen in hinna damna, chiha thepna chuleh nei leh nga eipeh a ahileh lhadah lou hel a bol cheh ding ahi.
-----
.JPG)
No comments:
Post a Comment
Comments not related to the topic will be removed immediately.