Photo from Lalbruce

20.07.2024 (Sat): Solkar' nna _quota_ bawl' deih louh etsakna dia Bangladesh gamsung a tualsung buaina piang ah mi 104 in sihna tuak khin ua, liamna tuak 2500 val om khinta uhi. Buaina apian' ziak in Bangladesh a India mi zillai 700 val, India ah hong kik khinta ua, hiai zillai-te ahih uh leh Uttar Pradesh, Haryana, Meghalaya leh Jammu & Kashmir mite hideuh ua, a lemtaan dandan in hong kik uhi.

Buaina ahihleh kha masa a kipat kipan hita a, apaisa Thohtanni a Dhaka University a zillai-te' kikaal a buaina piang a kipat in bouruak hong sousang kik nawn a, university tengteng khaak' ahihban ah _internet service_ te leng suktawp, chih dinmun ah om hi.

Bangladesh in zalenna amuh nung in solkar' nna 100 ah 30 pen zalenna sualtu-te' a dia _reserve_ hi in, kum 1997 a solkar in hiai _quota_ pen zalenna sualtu' tate leng huamsak in, kum 2010 in zalenna sualtu' tu-te tan'in huamsak hi.

Nna _reserve_ deih louh etsakna dia kum 2018 a gam pumpi a nuakna/ kiphinna neih ahihnung in solkar in _first class_ leh _second class_ nna _reserve_ sakna lakhia hi. Hiai' kum a solkar' thusuah pen High Court in dankalh ahi, chi in kha masa Ni 5 in thupukna bawl hi. Huai ziak in, hiai a kipat in buaina hong kipan hi.

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: