NA PA'N ZU KHAM GIGE

Lamka khopi sung a veng khat a moulopna khat ah naupang bangzah hiam program zatna kiang a gari khawlte lak ah kimawl uhi. Naupang kimawlte lak ah numei naupang khat leng va telsawm mahleh a khanvualte'n, Nang hong tel koh na pa'n zu kham gige ana chi uhi. Numei naupang leng a lawmte lak ah tel utsam mahleh kisuanglah tak in tel ngamlou hi.

Pa leh nu hoihlouhna tatete'n a lawmte uh lak ah vuallehna, khasiatna leh kingaihsiatna in zangthei gige uhi. Naupang in a neulai a kipan lawmte lak ah a nu-le-pa te ziak a tuambawlna a tuahte mangngilh nawnlou ding a, insung a thil nuam hetlou a tuah sekte un a lungsim uh naktak in buaisak zou hi. Himahleh genkhiakna ding neilou a thuak kenkun hunkhop om ding uhi.

Nupa hinkhua ah neih-le-lam a thupipen hilou a, lungsim ngaihtuahna leh omdan hoih sawm a panlak gige leh tate muh a itna latsak a thupipen ahi. Na omdan hoihlou khenkhat selguk sawm mahle chin, na tate'n nak theihlua uh a genkhe kei uh chihman thu ahi. Naupang kimawlte apan sinlai ka na lak ahihleh, tate'n ka nu huchi, ka pa huchi, keizaw ka vangselua a chih ngoihngoih khak ding uh kivelthak se hetlou ding chihte ka ngaihtuahna hong suak hi. 

~ Anonymous

_laksawn_

Share: