Apex Body of Hmar Tribe
THUSUOK
July 29, 2024
Meitei / Manipur sawrkar le Zohnathlak hai thla sawmpali neka tam ei indo hnungin Common Political Platform nei chu makmaw nia hriet ani leiin July 3, 2024 khan chu dawkan indin beiseiin Inpui ṭhuoituhai lo in rawntlang a nih. SoO groups haiin kum sawmpanga (15yrs.) neka tam inbiekna dawkan anlo kil hnungin buoina namenlovin ami nang chil nawk ta a. Chuongkarah, politics buzawlah a bung le chang hmasawn thei derlovin ei um zing chu ngai mawin ei lamlawn le hmathlir an hem danglam pui tak duoiin tiin Common Political Platform indin chu ṭul ei ti senga. July 3 le July 6, 2024 khan Common Political Platform inngir dan ding lampui ngun taka dap a lo nih. Zohnathlak hnam sungah a tamlemin Kuki Zo Council chu Common Political Platform dingin anlo dit a. Hmar Inpui chun Common Political Platform indin chungchang le thu dang dang ngaituo ding ani leiin Unau hai thurawt chu alo keichai in, a tamlemin ditdan an nei tasa karah hun inpe dingin ei ngen tah a nih.
Hmar Inpui chun fumfe taka hi Political Platform chungchang ngaituo zui dingin July 23-24, 2024 sung khan Parbunga, Pherzawl District ah 'FIENRIEL' (Hmar Leaders' Conclave) a lo buotsai ta a nih. Ṭhuoitu dang danga inthawk ngaidan ei lawr hnungin a thei phawt chun; Hmar hming inchuon ni ve ngei sien, Zo United suk hrat nilem sien, Kuki Mizo nilem sien ti thurawt hai chu a ṭinpui in, chubakah, a tam lem ditdan ngirpui nisien ti ani bawk.
July tarik 29, 2024 ni in READS Auditorium, Rengkaia inkhawm nawk a nih. Parbung Fienriela Hmar ditdan chu Hmar Inpui chun a ngirpuia. Amiruokchu, atamlem ditdan fepui dinga thu lo um ani ang bawkin Kuki Zo Council chu Common Political Platform hming dinga a dittu tamtak a nih.
Kuki Zo Council chu NOMENCLATURE (Hnam hming) ani naw ding le Manipur puotieng hi platform hin tu hnam khawm a huomsa naw ding a nih, ti chu thuthlukna ani bawk. Hi political platform hi sawrkar le inbiekna hun dam a um chun mipui aiawa inzel lut ve thei ani tak duoiin ti beiseia indin a nih. Hi political platform hi ama khat chauin a fe tluong theinaw ding ani leiin SoO groups le MLA hai le ṭhangruola lungthu pathum anga ngir beiseia indin ani bawk. Civil society ei ti, hieng ITLF, ITAC, COTU, HTC le Inpui tamtak um hai fuonkhawma pumkhat ai-awtu ding beiseia indin ani bawk. Pawltin in an dit dan le an remchang dan dana sawrkar kuoma Memorandum an lo thelut le a binga lo inhmu a hmalak hai sukbo a pumkhat, rawl khat insuoa ngir ding beiseia indin ani bawk.
Ei buoina namenlo tak karah inthuruolna le inpumkhatna suk chingpen thei ding thil hai sukboa rawl khat insuoa 'pressure group' pakhat anga um dinga riruong chauh ani lem. Hnam hming dinga siem ani nawa, hnam hming anga hmang khawm ni bawk naw nih.
Inthuruolna le inpumkhatna hmel le rawl ei tarlangna ding le, chu rawl insuona ding hmangruo dinga siem chauh ani lem. Hi platform hin Hmar hnam lamlawn sukbuoi nawng a ta, politics buzawl ei nawrna kawngah hluotu ni bawk naw nih. Mi tukhawmin a siet zawnga thlir lo a, inthuruolna le inpumkhatna hmangruo ding ani lem ti hrepuia Hmar Inpui ngirhmun thlawp tlat dingin ei in ngen takzet a nih.
Issued by:
Department of Information & Publicity.
Hmar Inpui General Headquarters
Tuiṭhaphai.
THUSUOK
July 29, 2024
Meitei / Manipur sawrkar le Zohnathlak hai thla sawmpali neka tam ei indo hnungin Common Political Platform nei chu makmaw nia hriet ani leiin July 3, 2024 khan chu dawkan indin beiseiin Inpui ṭhuoituhai lo in rawntlang a nih. SoO groups haiin kum sawmpanga (15yrs.) neka tam inbiekna dawkan anlo kil hnungin buoina namenlovin ami nang chil nawk ta a. Chuongkarah, politics buzawlah a bung le chang hmasawn thei derlovin ei um zing chu ngai mawin ei lamlawn le hmathlir an hem danglam pui tak duoiin tiin Common Political Platform indin chu ṭul ei ti senga. July 3 le July 6, 2024 khan Common Political Platform inngir dan ding lampui ngun taka dap a lo nih. Zohnathlak hnam sungah a tamlemin Kuki Zo Council chu Common Political Platform dingin anlo dit a. Hmar Inpui chun Common Political Platform indin chungchang le thu dang dang ngaituo ding ani leiin Unau hai thurawt chu alo keichai in, a tamlemin ditdan an nei tasa karah hun inpe dingin ei ngen tah a nih.
Hmar Inpui chun fumfe taka hi Political Platform chungchang ngaituo zui dingin July 23-24, 2024 sung khan Parbunga, Pherzawl District ah 'FIENRIEL' (Hmar Leaders' Conclave) a lo buotsai ta a nih. Ṭhuoitu dang danga inthawk ngaidan ei lawr hnungin a thei phawt chun; Hmar hming inchuon ni ve ngei sien, Zo United suk hrat nilem sien, Kuki Mizo nilem sien ti thurawt hai chu a ṭinpui in, chubakah, a tam lem ditdan ngirpui nisien ti ani bawk.
July tarik 29, 2024 ni in READS Auditorium, Rengkaia inkhawm nawk a nih. Parbung Fienriela Hmar ditdan chu Hmar Inpui chun a ngirpuia. Amiruokchu, atamlem ditdan fepui dinga thu lo um ani ang bawkin Kuki Zo Council chu Common Political Platform hming dinga a dittu tamtak a nih.
Kuki Zo Council chu NOMENCLATURE (Hnam hming) ani naw ding le Manipur puotieng hi platform hin tu hnam khawm a huomsa naw ding a nih, ti chu thuthlukna ani bawk. Hi political platform hi sawrkar le inbiekna hun dam a um chun mipui aiawa inzel lut ve thei ani tak duoiin ti beiseia indin a nih. Hi political platform hi ama khat chauin a fe tluong theinaw ding ani leiin SoO groups le MLA hai le ṭhangruola lungthu pathum anga ngir beiseia indin ani bawk. Civil society ei ti, hieng ITLF, ITAC, COTU, HTC le Inpui tamtak um hai fuonkhawma pumkhat ai-awtu ding beiseia indin ani bawk. Pawltin in an dit dan le an remchang dan dana sawrkar kuoma Memorandum an lo thelut le a binga lo inhmu a hmalak hai sukbo a pumkhat, rawl khat insuoa ngir ding beiseia indin ani bawk.
Ei buoina namenlo tak karah inthuruolna le inpumkhatna suk chingpen thei ding thil hai sukboa rawl khat insuoa 'pressure group' pakhat anga um dinga riruong chauh ani lem. Hnam hming dinga siem ani nawa, hnam hming anga hmang khawm ni bawk naw nih.
Inthuruolna le inpumkhatna hmel le rawl ei tarlangna ding le, chu rawl insuona ding hmangruo dinga siem chauh ani lem. Hi platform hin Hmar hnam lamlawn sukbuoi nawng a ta, politics buzawl ei nawrna kawngah hluotu ni bawk naw nih. Mi tukhawmin a siet zawnga thlir lo a, inthuruolna le inpumkhatna hmangruo ding ani lem ti hrepuia Hmar Inpui ngirhmun thlawp tlat dingin ei in ngen takzet a nih.
Issued by:
Department of Information & Publicity.
Hmar Inpui General Headquarters
Tuiṭhaphai.
.JPG)
No comments:
Post a Comment
Comments not related to the topic will be removed immediately.