US Secret Service-in thu an chhuah (statement) danin US-ah dt.13.7.2025 tlai dar 6:15 a ni a, Pennsylvania state-a Butler hmuna inthlan campaign inkhawm (campaign rally) a neihnaah mi pakhat (suspected shooter)-in vantlang inkhawmna pawn hmun sang (elevated position) atangin US President thlanna a Republican Party candidate ni ngei tura ngaih Donald Trump lam hawiin vawi tam tak (multiple shots) silai a kap a, US Secret Service-te chuan rang takin an kap let (neutralised) nghal a, mi pakhat a kaptu nia rinhlelh chu Secret Service te hian an kaphlum nghal a, Donald Trump erawh a him. Vantlang inkhawm thlirtu (spectators) pahnih chu na takin an hliam a. Tunah hian thil chhui zui mek a ni.
Donald Trump chuan hetia silai puak hian a beng kawrawng chhung rawn lutin a hria a, silai mu chu a 'vi' (whizzing sound) a ni a ti. Mi pahnih hliam chu he Trump-a kaptu kah nia sawi a awm.
Mita hmutuin BBC a hrilh danin a awmna atanga feet 50 velah mi pakhat rifle keng chu hetia silai a rik hma hian vantlang inkhawmna bul in chungah a vei a vei a ni a ti. Chutiang mi an hmuh thu chu law enforcement-te pawh an hrilh (alert) niin a sawi.
Mita hmutu dang leh chuan silai a rawn rik pawp pawp (pop pop sound)-ah chuan mipui an tlanchhe nghal a ni a ti a. Tlan chhuahna lam panin mipui hnung lam amite chu an tlan nghal a, mipui chu an buai nuai nuai (chaotic) nghal a ni a ti bawk. Hetiang thil thleng hi tun laia politics boruak (political climate) atangin thil mak (surprise) a ni lo a ti.
Video-a a lan dan chuan Trump chu leiah a tlu a, a lo ding chhuak leh a, a biang (side of his face)-ah thisen a luang a ni. Law Enforcement (police)ten BBC an hrilh danin silaia kahna chu feet 200 atanga 300 vela hla a ni. Trump-a chu helai damdawi in hnai (local hospital) atangin a chhuak tawh a, a bengah kah a ni an ti.
Hemi hnu hian Trump chuan khawi lam nge a pan hriat a ni lo va, a tum dan chuan Bedminster, New Kersey-a a ram (estate)-a kal tum a ni. Chumi hnuah naktuk atanga Wisconsin state-a Milwaukee hmunah Republican Party National Concention tan tur hmang tur a ni.
US President chuan he thil thleng a hriat veleh demna thu sawiin hetiang thil tih hian America-ah hmun a nei lo a ti a. US Vice President Kamala Harris chuan he thil thleng a hriat ve leh Trump a na lo chu a lawmzia a sawi a. Ama tan, an chhungkaw tan leh he silai kah avanga hliam leh tuartute tan "Kan á¹awngá¹ai sak a ni" a ti.
Kamala Harris chuan "Kan hnamah hian tharuma inbeihna leh tharum thawhna chuan hmun a nei lo. Hetiang thil tenawm hi kan dem vek tur a ni. He thil thleng hian tharum thawhna tam zawk a thlen loh nan mi tinin kan tih theih apiang kan ti tur a ni" a ti.
Trump-a fanu Ivanka Trump chuan "Vawiina Butler-a awmze nei lo tharum thawhna avanga tuartu ka pa leh mi dangte in hmangaihna leh in tawngtaisakna avangin ka lawm em em a ni" a ti.
"Secret Service leh Law enforcement officer-te chungah an chet ranna leh an thil tih (decisive actions) avangin ka lawm em em bawk a. Kan ram tan ka á¹awngá¹ai zel dawn a, ka pa vawiinah hian ka hmangaih em em che a, ka hmangaih reng dawn che a ni" a ti.
Trump pawhin Secret Service-te leh Law enforcement-te chungah an zam that em avanga lawmthu a sawi a, Vantlang inkhawma mi pakhat thi chhungte leh hliam chhungte a tawrhpui (condolences) thu a sawi bawk. "Kan ramah hetiang thil a thleng hi a hming chhiat thlak a. Kaptu, thi tawh chu tu nge a nih tun dinhmunah la hriat a ni lo" a ti. Social media-a he thu a post-na tawpah hawrawppuiin Trump chuan "God Bless America" a ti.
Trump-a fapa Donald Trump Jr. chuan a pa a be nghal a, a zam lo nasa (he is in great spirit) a ti a. Hetiang thil thleng mi phunglungte thil tih avang hian America chhanhim tuma a beihna chu a tawpsan mai mai lo vang" a ti bawk.
_mizo_news_
.JPG)
No comments:
Post a Comment
Comments not related to the topic will be removed immediately.