CNA IN YDF 2 AN MAN CHUNGCHANG

CNA In YDF Sipai ( 2 ) An Man Chungchangah 
YDF Central Military Headquarters Chuan Chhuah Tur A Ti

09 July 2024: Chinland ram Chin State Matupi township operation na ah Chin Brotherhood thawhpui Magway Region a awm Yaw Defense Force (YDF) Pasaltha mi ( 2 ) chu July 7 tlailam khan CNA ten an mana vawiin July 9 ah chhuah zalen turin YDF Central Military Headquarters chuan thu chhuahna Statment a nei.

Thu awm dan chu tiang hi a ni, “Chin Brotherhood, Yaw Defense Force (YDF), Yaw Army ( YA) leh AA tangrual chuan Matupi operation an kalpuia June 9 atanga June 29 thleng operation an kalpui na ah SAC sipai camp lian 2 an laksak thei a, June 18 ah Chinland Pasaltha leh Chin Brotherhood in hmuh thiam lo na neiin in kahna thlenga Pasaltha chan te pawh an nei ve ve bakah Chin Brotherhood, AA, YA leh YDF tangrual chuan CNA driver an man a vawiin thleng an la chhuah duh bik lo a ni. Chinland Pasaltha ( CNA, CDFs ) chuan AA chu a rama kir tur leh an Pasaltha chhuah zalen tur in phutna an nei , chung tianga thil a awm lo avangin, a in karah in tih thiam lo na leh in huatna a nasa tual tuala CNA leh CDFs lam chuan AA chu an nawr lui ve zela AA leh a thawhpui Chin Brotherhood, YA, YDF lam chuan AA thlavang hauh ve in Matupi township boruak chu zia awm lam a pan thei lo , ” ta a ni.

July 7th ah CNA Pasaltha chuan YDF Pasaltha mi 2 an man ve a, chu chu chhuah duh bik lo in vawiin ah YDF Central Military Headquarters lam chuan chhuah turin thu chhuahna an siam ta a ni.

Note: Kan unau te in karah hian a tu ve ve mah hi kan hmai zah dawn lo a leh lam ve ve khai khin in thil thleng dan kan rawn ziak tawn zel dawn a, Normal rilru nei lo a awn lam  neisa tan chuan kan news chhiar a hre awm thin ngawt mai thei, tawngkâm over lutuk hmang chu kan block thina kan block thin tawng thei deuh deuh chu Chinland Council leh Chin Brotherhood an in lungrual hunah Unblock leh a ni ang. Chinland Council leh Chin Brotherhood support media tam tak a awm ve ve a chu tah chuan an duh duh an va sawi thei a ni, kan page hi chu mi tluang tlam dik taka thu ngai thla duh leh Normal rilru nei tan chia a ni e. Chinland Council leh Chin Brotherhood te hi inlungrual se kan duh pui renga mahse tun ah chuan thu hai lan hun a ni miau a kan tih tur kan ti mai chauh a ni.

~ Zofa Journal

Share: