Chindland fighters took over residence of NLD vice prez Henry Vanthio

SAC Awmna Henry Van Thio In Chu Chinland Pasaltha 

Ten An Laksak, Hakha City Ah Ui Vulh Phal Ani Tawh Lo

July 30, 2024: Chinland ram Chin State Thantlang Township military council SAC sipai awmna hmun NLD Vice President hlui Henry Van Thio in chu tukin ah Chinland Pasaltha tangrual ten an va kapa an va laksak bakah ralthuam tha hnem tak an laksak theih thu mawhphurhna neitu lam chuan Zofa Journal ah hriattirna nei.

Tun hnaiah Thantlang Township a SAC sipai camp laksak a ni zela SAC lam chu an hlauthawng tawh hle a, mipui sipai lam chuan an ralthuam nen CDM turin hriattirna nei. CDF-Thantlang GS Salai Khamh Pek Lian chuan Thantlang Township kan lak fel hma lo chu Chinland Council hnuaia Defences lam nen tangrualin hma kan nawr zel dawn a ni tiin a sawi.

CDF- Hakha chuan Hakha City ah Ui vulh an phal tawh lo thu vawiin July 30 ah an puang, Hakha City chu Chinland Council lam chuan operation a la kalpui chhun zawm zela, Hakha Towship ah Ui a tam em avangin mipui sipai an hmuh apiang an " Bauh " vak vak thin a military council SAC sipai ten silai leh laipui chu thawm awmna apiangah an kah thin avangin mipui sipai lam chuan harsatna an tawh phah thin thu a hmun ram neitu CDF-Hakha lam chuan an sawi.

Hakha City ah Ui an awm chhung chu Ui avangin operation tih thuan awp theih a nih avangin ralrel thil thu ah a buai thlak hlea , mipui ten mahni Ui vulh te zawrh emaw, talh emaw, hmun danga enkawl in emaw ching fel turin an ngen, Hakha City khawpui lakfel a nih hma chu Ui vulh hrih lo turin an chah a ni. CDF-Hakha chuan Hakha Towship leh mipui zalen vat vat se an ti a, August 1st thleng hun an pe a ni, August 1st hnu ah Hakha City a Ui vulh an la awm chuan an Ui vulh nunna chungah van duai na a thleng a nih pawhin operation kalpui tu mipui sipai lam in mawh an phur thei lo tur thu CDF-Hakha chuan thu chhuah an siam a ni.

~ Zofa Journal 

Share: