CATHOLIC THUZUI KHATIN THEIH DING 7 TE
1. *Thuman thutak khuampi, bulpi*
Pasian inn in thuman thutak khuampi le bulpi ahi, a nungta Pasian pawlpi ahi hi (1 Tim 3:15). Tu hun ciangin nekzawnna in Pasian na' ki sem ahih manin Thuman thutak khuampi bulpi pen "Lai Siangtho" ahi ci-in thugen tampi om hi, Lai Siangtho hong hilhna tawh ki kelki mahmah hi. Lai Siangtho thupilo cihna hilo hi; Christu Jesu in Pawlpi hong pia in (Cf Matt 16:18); tua a phuh Pawlpi zangin Lai Siangtho hong pia ahi lam manghilh kei ni (Council of Rome 382).
2. LAI SIANGTHO KIA
Sanggamte aw, kiptakin ding unla kam tawh ahi a, laikhak tawh ahi zongin kong piak uh thuhilhnate na lenkip un (2 Thes 2:15). Pasian thu pen Lai Siangtho sungah kim lo hi, Jesu in nungzuipite kam (Oral) tawh na hilh a, nungzuipi khenkhat leh nungzuipite nungzui-te in lai in hong gelh khia uh hi pan bek hi. Tua ahih manin Lai Siangtho bek cih thei loh a, a ki gelh lo tampi om ahih lam theih huai mahmah hi (cf Jn 20:30-31, 1 Kor 11:2). Thuciam thak bang Christu Jesu hong nusiat kum 25 zawh cianga a kigelh vive hi a, AD 60-100 sunga Christu Jesu a kigelhte a ki tengkhia teng bek paa/tel ahi hi. Tampi om lai hi.
3. Hilhcianna
Na phawk ding uh a thupi mahmah khat in: Lai Siangtho sunga om thugen kholhnate, kuamah in ama pilna tawh a khiatna gen thei lo hi (1 Peter 1:20). Tu hun ciangin Lai Siangtho pen ei mimal deihna tawh kituak in let in ki gen ziauziau ta hi, a man takpi hiam? cih bang ki kan non lo hi. Paulu in Timothy kiangah "Mite in thuman a ngaih nop loh hun, amaute' deihna bek a zuihnop hun, amaute' zaknop thute bek a gen ding sia a cial thuahthuah hun hong tung ding hi. Amaute in thuman thutak ngainuam nawn loin tangthu phuahtawm peuh ngaihsutpi-in nei ding uh hi (2 Tim 4:3-4)" a cih hong tangtungta hi mai lo hiam? cih huai mahmah ta hi.
4. Maisakna/Pasian tawh kilemkikna*
Jesuh in nungzuipite kiangah, "Note in nopna ngah ta un. Pa in kei a hong sawl bangin note zong ka hong sawl hi," ci-in a vaikhak leuleu hi. Tua khit ciangin amaute lamah a hu sang a, "Kha Siangtho na sang un. Mite' mawhna na maisak uhleh amaute' mawhna a mai hi ding a, na maisak kei uhleh amaute' mawhna a mai lo hi ding hi," a ci hi (Jn 20:21-23). Tu hun ciangin Pasian thugen khen khat in Jesu in nungzuipite kianga mawhmaisak, Pasian tawh kilemkikna aana neihna pen nungzuipite si khinta ahih manin hih mawhmaisak, kilemkikna aana neihna beita hi peuh ci zanzan uh hi. Christu Jesu in a thugente leitung beidong a zat ding, zuih ding, san ding vive a agen ahi cih theihuai mahmah hi. Jesu in "Leitung beidong note kong ompih ding hi (Matt 28:20b) ci hi. Paulu in "Tu in hih thu khempeuh Pasian kiang pan hi a, amah in Zeisu Khazih tungtawnin amah le eite hong kilemkiksak pa ahi hi. Amah in tua kilemkikna nasep kote hong pia hi. Tua kilemkikna thu in hih bang ahi hi. Pasian in leitung mite thu palsatnate ciamteh loin Khazih hangin amah tawh hong kilemkiksak a, *tua kilemkikna thu kote hong pia hi. Tua ahih manin tu in kote in Khazih tangmite ka hi uh a*, Pasian in kote tungtawnin note hong thum ahi hi. Tua mah bangin kote in zong Pasian tawh kilemkik un ci in Khazih tangin kong thum uh hi (2 Kor 5:18-20) ci-in Korinth khua thuzuite na hilh hi.
5. Vantung Kumpinu
Vantung ah lim lianpi khat hong kilang a, Numei khat in ni silhin a khe tawh khapi sik a, aksi sawm le nihte tawh a kizem lukhu khat a khu hi (Mang 12:1). Hih numei in NU MARIA ahi hi (Cf Mang 12:4-5; Lk 1:31). Nu Maria suan le khakte leh Gulpi suan le khakte kido hi (Pian 3:15; Mang 12:17b). Leitung beidong NUMEI suan le khakte in GULPI suan le khakte do den ding hi.
6. Misiangthote guhte, vanzatte
A misi in Elisha' guhte a sukkhak phetin hingkik a, tua ciangin ama khe-in a ding hi (2 Kum 13:21b) ; zat mainul ahi a, Paulu' puante ahi zongin cinate kiangah a kipaipih ciangin a natnate uh damin, a sunga om dawite zong a taikhia uh hi (Sawl 19:12). Pasian hanga nuntakna piate, a guhte, a vante in vang neih mahmah ahih lam theih gige ni.
7. Lungdamkohna
Jesu in mihonpite kiangah, "A mantakin kong genin-ah, Mihing Tapa' sa na nek kei uh a, a sisan na dawn kei uhleh note sungah nuntakna om lo ding hi. Ka sa ne-in ka si a dawnte a nungta tawntung hi a, nitawp ni ciangin ka hingsak ding hi. Bang hang hiam cih leh ka sa, an taktak hi a, ka sisan, dawn ding tui taktak ahi hi. Ka sa ne-in ka si a dawnte pen kei tawh pumkhat ka hi uh hi (Jn 6:53-56). Christu Jesu taksa leh sisan ne in na dawn hiam? Etsakna peuh na ci kha hiam? Christu Jesu in etsakna maimai dingin thu hong hilh lo hi.
Na upna ah na dingkip zo takpi hiam? "A tawp donga a kipte in hotkhiatna a ngah ding uh hi" (Matt 24:13).
Khris a kineihkhemte le kamsang a kineihkhemte hong piang ding a, ahih zawh leh a (Pasian) teelsa mite nangawn a khem nadingun lim le nalamdang lianpipi hong bawl ding uh hi. A hun ma-in hong genkholkhin ka hih manin limtakin kidawm un (Matt 24:24-25).
Topa thupha maw !!!
St. Peter, Apostles' Prince Family,
July 15, 2024
1. *Thuman thutak khuampi, bulpi*
Pasian inn in thuman thutak khuampi le bulpi ahi, a nungta Pasian pawlpi ahi hi (1 Tim 3:15). Tu hun ciangin nekzawnna in Pasian na' ki sem ahih manin Thuman thutak khuampi bulpi pen "Lai Siangtho" ahi ci-in thugen tampi om hi, Lai Siangtho hong hilhna tawh ki kelki mahmah hi. Lai Siangtho thupilo cihna hilo hi; Christu Jesu in Pawlpi hong pia in (Cf Matt 16:18); tua a phuh Pawlpi zangin Lai Siangtho hong pia ahi lam manghilh kei ni (Council of Rome 382).
2. LAI SIANGTHO KIA
Sanggamte aw, kiptakin ding unla kam tawh ahi a, laikhak tawh ahi zongin kong piak uh thuhilhnate na lenkip un (2 Thes 2:15). Pasian thu pen Lai Siangtho sungah kim lo hi, Jesu in nungzuipite kam (Oral) tawh na hilh a, nungzuipi khenkhat leh nungzuipite nungzui-te in lai in hong gelh khia uh hi pan bek hi. Tua ahih manin Lai Siangtho bek cih thei loh a, a ki gelh lo tampi om ahih lam theih huai mahmah hi (cf Jn 20:30-31, 1 Kor 11:2). Thuciam thak bang Christu Jesu hong nusiat kum 25 zawh cianga a kigelh vive hi a, AD 60-100 sunga Christu Jesu a kigelhte a ki tengkhia teng bek paa/tel ahi hi. Tampi om lai hi.
3. Hilhcianna
Na phawk ding uh a thupi mahmah khat in: Lai Siangtho sunga om thugen kholhnate, kuamah in ama pilna tawh a khiatna gen thei lo hi (1 Peter 1:20). Tu hun ciangin Lai Siangtho pen ei mimal deihna tawh kituak in let in ki gen ziauziau ta hi, a man takpi hiam? cih bang ki kan non lo hi. Paulu in Timothy kiangah "Mite in thuman a ngaih nop loh hun, amaute' deihna bek a zuihnop hun, amaute' zaknop thute bek a gen ding sia a cial thuahthuah hun hong tung ding hi. Amaute in thuman thutak ngainuam nawn loin tangthu phuahtawm peuh ngaihsutpi-in nei ding uh hi (2 Tim 4:3-4)" a cih hong tangtungta hi mai lo hiam? cih huai mahmah ta hi.
4. Maisakna/Pasian tawh kilemkikna*
Jesuh in nungzuipite kiangah, "Note in nopna ngah ta un. Pa in kei a hong sawl bangin note zong ka hong sawl hi," ci-in a vaikhak leuleu hi. Tua khit ciangin amaute lamah a hu sang a, "Kha Siangtho na sang un. Mite' mawhna na maisak uhleh amaute' mawhna a mai hi ding a, na maisak kei uhleh amaute' mawhna a mai lo hi ding hi," a ci hi (Jn 20:21-23). Tu hun ciangin Pasian thugen khen khat in Jesu in nungzuipite kianga mawhmaisak, Pasian tawh kilemkikna aana neihna pen nungzuipite si khinta ahih manin hih mawhmaisak, kilemkikna aana neihna beita hi peuh ci zanzan uh hi. Christu Jesu in a thugente leitung beidong a zat ding, zuih ding, san ding vive a agen ahi cih theihuai mahmah hi. Jesu in "Leitung beidong note kong ompih ding hi (Matt 28:20b) ci hi. Paulu in "Tu in hih thu khempeuh Pasian kiang pan hi a, amah in Zeisu Khazih tungtawnin amah le eite hong kilemkiksak pa ahi hi. Amah in tua kilemkikna nasep kote hong pia hi. Tua kilemkikna thu in hih bang ahi hi. Pasian in leitung mite thu palsatnate ciamteh loin Khazih hangin amah tawh hong kilemkiksak a, *tua kilemkikna thu kote hong pia hi. Tua ahih manin tu in kote in Khazih tangmite ka hi uh a*, Pasian in kote tungtawnin note hong thum ahi hi. Tua mah bangin kote in zong Pasian tawh kilemkik un ci in Khazih tangin kong thum uh hi (2 Kor 5:18-20) ci-in Korinth khua thuzuite na hilh hi.
5. Vantung Kumpinu
Vantung ah lim lianpi khat hong kilang a, Numei khat in ni silhin a khe tawh khapi sik a, aksi sawm le nihte tawh a kizem lukhu khat a khu hi (Mang 12:1). Hih numei in NU MARIA ahi hi (Cf Mang 12:4-5; Lk 1:31). Nu Maria suan le khakte leh Gulpi suan le khakte kido hi (Pian 3:15; Mang 12:17b). Leitung beidong NUMEI suan le khakte in GULPI suan le khakte do den ding hi.
6. Misiangthote guhte, vanzatte
A misi in Elisha' guhte a sukkhak phetin hingkik a, tua ciangin ama khe-in a ding hi (2 Kum 13:21b) ; zat mainul ahi a, Paulu' puante ahi zongin cinate kiangah a kipaipih ciangin a natnate uh damin, a sunga om dawite zong a taikhia uh hi (Sawl 19:12). Pasian hanga nuntakna piate, a guhte, a vante in vang neih mahmah ahih lam theih gige ni.
7. Lungdamkohna
Jesu in mihonpite kiangah, "A mantakin kong genin-ah, Mihing Tapa' sa na nek kei uh a, a sisan na dawn kei uhleh note sungah nuntakna om lo ding hi. Ka sa ne-in ka si a dawnte a nungta tawntung hi a, nitawp ni ciangin ka hingsak ding hi. Bang hang hiam cih leh ka sa, an taktak hi a, ka sisan, dawn ding tui taktak ahi hi. Ka sa ne-in ka si a dawnte pen kei tawh pumkhat ka hi uh hi (Jn 6:53-56). Christu Jesu taksa leh sisan ne in na dawn hiam? Etsakna peuh na ci kha hiam? Christu Jesu in etsakna maimai dingin thu hong hilh lo hi.
Na upna ah na dingkip zo takpi hiam? "A tawp donga a kipte in hotkhiatna a ngah ding uh hi" (Matt 24:13).
Khris a kineihkhemte le kamsang a kineihkhemte hong piang ding a, ahih zawh leh a (Pasian) teelsa mite nangawn a khem nadingun lim le nalamdang lianpipi hong bawl ding uh hi. A hun ma-in hong genkholkhin ka hih manin limtakin kidawm un (Matt 24:24-25).
Topa thupha maw !!!
St. Peter, Apostles' Prince Family,
July 15, 2024
.jpeg)
.JPG)
No comments:
Post a Comment
Comments not related to the topic will be removed immediately.