Suu Kyi leh a Bodyguard nungak "Cherry Htet" (video)

07.07.2024: Pi Suu Kyi zong upa sim pianta ahihziak le hideuh kha maithei, khalui in, taksa damtheihna toh kisai in kisoiselna neuhneuh nei ahihdan thusuak khenkhat ah muh in om a, June 19 in apianchiam (kum 79 aphakna) mel ana muta bok hi. Tu’n leng _video_ a i muh bang in, damsiang nailou, apitu ua damdawi/ tui kipia uh, mahbang hi.

Nikum September kha in leng ana damlou a, huai hun in sepaih solkar in damdawi inn ah aki-etsak ding phal’sak lou hi’n atapa *Kim Aris* in gen hi. Pi Suu Kyi ahihleh sepaih solkar in sepaih thahatna zang’a apaihkhiat nung un, kum 2021 February kha in taang a, July kha in ataanna a kipat Burmese capital Nay Pyi Taw ah _house arrest_ in om hi.

Bangteng hileh, numei hangsan tak leh tumguh tak ahihdan haih vual hilou a, a gam in suaktaakna amuhtheihna dia apan’laknate thupi mahmah hi. Hong damsiang vilvel hen aw…🙏🏻

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: