ZYA in kipakthu gen

ZYA leh ZMA in Cyclone Remal victims, Mizoram ading panpihna pia in Mipi te kiang ah kipahthu gen uh.

Apaisa date 28/05/2024 ni a Cyclone REMAL ziak a Unau Mizoram te'n vangsiatna namen lou tuak ua, Inn leh lou tampi asiat ban ah Mihing 33 in sina atuak uh panpih nading a  Online donation ban ah date 4/6/2024 ni a Charity mobile Roadshow tung tawn a mipi te thawkhawm panpihna te tuni 5/6/2024 in Central Young Mizo Association (CYMA) khut a tung ding in  Group YMA te office, Hmuia Veng, Lamka mun ah piak khiat na va kibawl hi. Hih panpihna sum piak khiat thei na pen mipi te i pankhawm na uh ahih man in Online tung tawn a sum hong thaw te leh Charity Roadshow a panpi  na hong pe tute tung a kipak thu i gen uh ahi. Mipi'n  panpihna apiak thei na ding ua Online tungtawn a pan ana la kha te leh Charity Mobile Roadshow ni a, Unau Mizoram a te khual na ziak a gim leh tawl khawksa lou a pan hong lak pih lasasiam Artistes *Lelte Awardees &Team Lyzon* te, *ZMA Lingsiphai leh S. Munnuam Unit te* ban ah mimal a hong pang kha teng tung ah kipak thu ka hong gen uh hi.
Tutung a panpih na i piak khiat theih uh ahi leh
*Rs. 3,04,321/- (Three lakhs, four thousand, three hundred and twenty one)* ahi. Hihpanpihna piak khiat theih na ding a sum-leh-pai, neih-leh-lam,  tha-leh-zung a pan la kha te teng teng i biak Pasian in a le tampi in hong gualzawl chiat ta hen.

*Ei Unau Zosuan,sisan khat te sung ah ki it na hong pung sem sem ta hen!*

Sd/-

Lianzalal
Gen. Secretary,
ZYA, GHQs. 

Share: