UNITED NATIONS DECLARATION ON RIGHTS OF INDIGENOUS PEOPLE: N. Lhungdim

Asun: N. Lhungdim

Thangting House

Molnom-West

4th April 2024

UN in 13 Sept 2007 a thuphondoh declaration on the Rights of Indigenous People ati a hiche thuphon Article 46 gam 144 in apha in adih e tiaa khut adop u hiche article 46 a apoimo jep anoiya ho hi ahi:

Article 1: Tolkon Nam hon achangval ham akigom ham UN Charter leh Universal Declaration of Human Right uchu Intermational Human Law hon asei leh apom mihem dihna Rights muna dinga chamlhatna anei ahi.

Article 2: Tolkon Nam hochu midang hotoh kibanga chamlhatna anei ahi adehset in Tolkon nam hon hina achanvou diu a rights diuchu suh chatvai na umloua ajahthei uh ahi.

Article 3: Tolkon Nam hon deilhenna lampi ah chamlhatna anei hiche chamlhatna mang in gam kivaipohna leh neh leh chah jalhang leh nam chondan khantouna lampi ah adeibang bang a panlahna aneithei in ahi.

Article 4: Tolkon Nam hon amaho deilhen in amaho chang polities leh neh leh chah thingga songga langah machalna jalhang leh nampi chedan leh puihoina lang ah Right anei uvin ahi.

Article 10: Tolkon Nam ho chun agam uham agamlo kah uh a kon in thaguma deldoh nodoh hilou gamneiho phalna la masalou in midangho khuta pehdoh thei ahipoi. Gamnei ho phalna a san ahilouleh compensation peh ahilou ngalleh.

Article 24: Tolkon Nam hon kichat tijat umloua neh leh chah jalhang khantouna ding in na atoh thei uh themjilna ho natohna leh suhgentheina lam ah damtheina leh jalhang kivenbit na ah Right anei uvin ahi.

Article 26(T): Tolkon Nam hon agam lolai uva agam haona alokhum ho aneipa hina anei uvin ahi. 

Article 28(T): Tolkon Nam mi hon agamlo laihou lahpeh, jahpeh, suhsetpeh ahiuva ahileh akitoh dingdom peh dingham ahibang banga semphat dingham ahitheilou leh akitoh bep a compensation amuding uh ahi.

Article 38: Govt. kivaipohna chun Tolkon Nam mite toh kihoutoh leh tongbom a hiche thuphon kibol hohi suhbulhit nadinga akhoh dungjuia skul dungjuia pan alahding uh ahi.

Hiche keo hilouvin Tolkon Nam mi te chanding Rights 30 hohi UNO in ana phondoh uh ahi. 2002 Sept. lha in UN Gen. Assembly ah chulai a PM anahi Atal Bihari Vajpayee in hitin anasei in ahi, "Punjab a kipat in India sah solama cheng miho hi UNO dan banga hiche sunghi kagam ahi atiuva ahileh leiset hin thagum ahilouleh kidou theilou ding ahi" tin anaseidoh in ahi.

Hitiho jeh a hi Kuki Nam ten lamkai pha leh dih akineia iki thuto uleh gam tamtah in meithal kaploua chamlhat amubanga Kuki tenjongKuki gam chamlhat mutheina lampi UN in kot ahinhon ahi.

Share: