June 29, 2024: Chinland ram Zophai Kalay Township Pyinkhunglay Khawtlang chhiat tawhna chu kan tuarpui hle a, vawiin thleng kan hre reng ani, ram pawn lam kan unau te kal tlangin theih ang tawkin tanpuina ni phah fawmin tawrhpuina nuai 5 kan hlan leh phawt a ni.
March 19th, 2024 tlai dar 3:00 p.m atangin military council SAC sipai ten Pyinkhunglay khua an hal a, hmun 3 thena hmun 2 chu a kâng ral veka, a kâng lo awm chhun te pawh SAC ten nawr chhia in an rawk sak bawk a ni. Kan puihna te hi eng tham mah chu a ni hauh lo mahse ram chhung leh ram pawn Zofa ten kan tuarpui a ni tih min hriatpui rawh se.
Zofa hnam pumkhat unau kan nihna zawn atangin kan tawrhpui bawk hle a ni. Kan Zofa te khaw dang chhiat tawk te pawh theih ang tawka hmalakpui zel kan tum bawk. Lalpan Pyinkhunglay Khawtlang chhiat tawhna hriatpuiin thlamuanin venghim sela a let tam takin malsawmna vur rawh se.
~ Zofa Journal
.png)
.JPG)
No comments:
Post a Comment
Comments not related to the topic will be removed immediately.