PI EL CIIN TANGTHU (Part 1)

ZO Tulpi Hang Hil tangthubu sung ah, Phaitu khua pen 1550 kum pawlin na kisat hi. Hausa a sem masa penpen, Hang Hil ta a (2)na Man Tuang hi. Ih Pu, ih Pa te khanggui ciemtena ah,numeite na kihalsah lou vuh a hiziehin, Man Tuang tanu(ManTuang hah-le-suan) Pi El Ciin pen, Khanggui kikan thei nawnlou hi. Pi Phal Ngul-le-Pi Za Ciin te zongh,Phaitu Nupi minthang masa te ahi vuh hi.Tutung lungzuan lunglen ahuai sah, Pi El Ciin tangthu tomkim in them khat sut phot vai. Pi El Ciin ki chinu pen, melhoihna,cidamna,nasep hanciemna lam ah na min thang hi. Neisa lamsa, khawi-le-vul lam ah zongh,Zo sung ah a ma,a ban numei na om nai lou hi ki chi hi. Khumhun laitahin, Zuang Ciin ki chi ngahnu khat zongh, Bum Zang khua pan na min thang hi. Neisa lamsa lam ah zongh, El Ciin tawh a kikim phielphiel in na ki gen hi. Minthang tuahtuah gel ahi ziehin, khat-le-khat na ki hudeh  simsim gel a,tambang in Pi El Ciin in la khat na hil hi.

(a) Vangla Zuang Ciin ki

      thang ee,paal hoih

      kithang,hong kuan suh aw

      gunlui ah,kinawl ni ee!

(b) Theisen sanggat teng

       law cieng ah lui veni ee!

       ih sah duang guah gel

       tansing bang te ve ni ee!

chi-in tami la a na paih hi.Chinopna ah, El Ciin in, Zuang Ciin kung ah, Thatang hat a nasepna louhaw singpuah lam ah hitaven, cidamna lam ah hi ta ven, thuthei laphua siemna lam ah hitaven,neihsa lamsa ahi sumgum vangil lam ah hita ven,innnei a khawisa vulsa siel-le-lawi lampan hitaven, melhoih min thanna lam ah hitaven,bang khat poupou ah kangging sih hi. Na ngap leh kidemvai chia,a na sialtawh mihmeh a hihi. Khumlai a Khangluite kisialpi sumgum vanmanpha ih chi te pen, Khiba a nam tuamtuam,gun tohtawl nam khat tawh a kibawl(numeite nuang kawngga) ih Zo haikeh chiechie a pha kepngeh,teipi belpi,tawm-le-zam,tutang heitang ih chite a hi vangua hi. Tambang dan tawh ih Pi El Ciin-le-Pi Zuang Ciin te pen, a meel hoihna leh a hausat dan te vuh, na kibang gel a, hinanlezongh Pi El Ciin a moutha ciengin,na hamsie kha a, na genthei ahiziehin, na min thang hi.

Tambangdan tawh Ih Pi El Ciin vuh pen a ngahnut lai-in,na minthang ma ma hi. Sim-le-mal, thaangkai gam lei lah pan in,tangval tampite in nangai-in na hel den vuh a, koihpen ka saang tadiei chi-in a ma zongh buai-in a telkah ding thei zou lou hi.  

Nikhatni-in "Haicia Khua" pan,a hau mama,Ngamante tangval mel hoih lou, Pu Thang Zam kichi pa in, va hel in a dongh hi.Hinanlezongh Pi El Ciin in na saang zoulou hi. Hai Cia khua kichi pen tuhunlai a Lam Thang  khua gei deuh mun hi ki chi hi.Tuaciengin ih Pu Thang Zamin,anu-le-apa thuzaw pou leng hingpei nava chi-in,a nu kung ah va naiphei-in "Pi aw El Ciin tawh nei kinunsah leh khiba hoih mama gui(10)ka nei lah ah,na deih penpen gui(3) kang telsah ding a kang pie ding hi chia a va nget chiengin,a nun' zongh hausat dingma a ngai hiven,phasa in, Pi El Ciin a moutha in a sawl hi. Pi El Ciin a nuam loupi hitama leh,douha tawh nute pate thu a kinang zou sih sam hi ven,nuam lou pumpum in a moutha ta hi.Haicia khua a tun chiengin,a innpinu in deihlah deih seng lou, lah nuallou bepin om a,poimaw a sa sih hi. A gangpa(innpipa) pen in,a na deih mama hi.Ama deihlou ahiban ah,a innpinu lah sitsie hangsan vapual lai,a manu lah lawm ngaisa ahina teng tawh,a muanmaw a kuang semsem hi.

Nikhatni-in, lawmluipa "Ul Thang" in Khuang Nung khua pan, Zatep a hah a mu ciengin,a lungzuan a lunglen a kuangsah semsem hi. Tuaziehin a loukuan a sing puahna ah,a lung a sielsiel den a, tambang in la khat ana hil hi.

(a) Gual namza hah, phel an

      bang ham ning, phel an

      bang hap ka luan khi tawh

      die ingh ee!

(b) Phel an bang hap,ka luan

      khi tawh die ning,ngaih

      tong san sih,sun chieng

      kaai zawl dih ning ee!

       Tambang dan tawh a lawmpa Pu Thang Zam na ngawn a lungsim kihei a, Pi El Ciin a ngaipha nawn sih hi. Lawm zongh a ngaisan a,zan cieng bang in a tung ha thei hi. Tambang a, a pasal lungsim tuam nei lam Pi El Ciin in a thei tah chiengin, a lungsiel a lungzuan, a lungkham hing ki belap semsem ta ahiziehin,a op dan kip nawnlou in om a, a innpinun' bang ding a,lungmuang thei lou a, hichi op hehu na hiei? chi-in a kalsuan khielnate, a kepi ningsawinate a kipan a maw matna ding a suisui dapta hi.

Tuaciengin Pi El Ciin in zongh, kam-le-mua tawh gengen kullou in,tami la a na hil hi.

(a) A tuipi siel bang lien ee

      nau bang kap ingh,

      phuigua maaneu na lung

      ah, cieh ngam langh ee!

(b) Selung muang heh na chi

      leh sen ni nu,muikhuazin

      a na von lailen Kham' ve

      aw!

(c) Muikhuazin a ka von lai

      len ka kham leh,tum bang

      vuai tang, theisen tanggual

      ngai nang ee!

Tambang dan teng tawh,a mate inn ah tul ngapnawnlou ding ci pen thei ahiziehin Phaitu Khua a innvuah a nuapei kia ta hi.A hivangin a nu-le-a pa ten,bang ding a tu panpan a,hing hichi gamtat na hiei?Na mun na lei zuan man lang' in,chi-in,notnot mawh vuh hitamaleh ih Pi El Ciin vuh a nuam vawt sih hi.

A nu-le-a pa pen a sanggam ten zongh awi lou vuh hi.A om suah ding ma in a gen vuh hi.Hinanlezongh a nu-le a pa in,tuhun panpan a,pasal tawh kikhen panpan ding chi pen,hoih lou hi minsiet thaangsiet kilam zou hi,minsiet vai mama hi.Tuaban ah,numeiman tampi kingen zou a,aman-le-mual teng lekia vangiet ding chi pen,hahsa mama sa vuh hi.Tambang hahsatna te ziehin a nu-le-a pa te in,a malamma-ah a notnot vuh hi.Hinanlezongh Pi El Ciin a nuam thei tuam sih hi.Bang ding a peinuam lou na hiei chi-in,apa in a tawbaal leh a elduang cieng kang tawh a sat in,a galgihna in,a ngawng ah heipitang khai hi ki chi hi.Tua chiengin,ih Pi El Ciin in zongh,a nu-le-a pa te lungsim a et na in,innnei a ih vohpi gaituan vuh,nei puah sah ding vuh leh kapei pan bep diei ih zaw chia,a gen tahciengin,a pan zongh,nang vohpi eng tuh na hileh chi-in,a vohpi vuh a gou pai vuh a,mousa teng ngaina bangin guan in,ih Pi zuang vuh a pasal kung a pei in a sawlkia ta vuh hi.

Tuachiengin Pi El Ciin zongh a beng leh a zungau kipat pai-in,a maalam Haai Cia khua zuan in a pei ta hi.Phaitu,Tonzang,Saal Zaang,Tah Zaang,Lam Thang lampi tawnin lampi lamdung ah lungzuang khuangai pumpum in Haai Cia khua a tung hi.Lamlimpi nei lou,zawpi nei lou a,a ma tang' a, pei dildal ahiziehin Lampi Lamkal ah lungneu(pangpa)ki khuatua,khita a,a op laitahin,gammanglai a,lamgei a,ansui a lei a saii vagikte akpate a phawng kha a,tuate dilen in a dip a kua sah semsem a,a zau leh a khitat zongh a kuangsah semsem hi.Tambang kawmkal ah,lentu zouzing lai a,"hum hum" chia a ham zou vapite ham a zah chieng in,a zau sengsengin,a chimul thou sah va-aia meel hi.Tuaziehin ka nu khiba deihgaw nalam a,ka hichi zau a,ka hichi genthei chin' tambang in la khat a na phua hi.

(a) Bakhi lai cing na deih man

      ka tun nun',tawicil

      zaangtual a nei hah lung

      mawl ingh ee!

(b) Ka tun ning sah ka nehin

      lung mawl singh

      ee,zangva neh mawh na

      hamin lung mawl ingh ee.

chia,a kikou cieng in,bingpi-le-vohtang kuam a  om dawihonpi ten',a ui te vuh tawh lampi ah na dawn pai-in dawilawm a neih ta hi Tua pen ih Zo ham in gualnei ki chi hi.A sahduang pen sinai sam lou hi.Hinalezongh dawite mit a mu thei dingin kilanghlou vuh hi.A ui te vuh pen,kamkei a gielpawl,humpi nelkaai cidan vive in a ki langh vuh a,dawite khawi a ui te vun,Pi El Ciin a na paah vuh ahihi.Ei mihingte mu na ah,Pi El Ciin vuh "tawn" a sol ih chi ding vuh a hi hi.Tambang dan tawh ih Pi El Ciin vuh lamkaal a tawpi (or)"tawn"(ကျားနှင့်သားရဲများ)a sol ciengin,neisoh singkung dawn khat ah a ka tou hi.Dawite in,a ui vuh kem vuh ahiziehin a ui te vuh a hi tawpi te in,ih Pi El Ciin bawlsie sah lou vuh hi.Tawpite in a sing phung zung ah,ngah den ahiziehin Pi El Ciin tual ah kum ngam lou hi.Tuaciengin ih Pi El Ciin in,a vohsa puah te lah a,a lieng,a mal,a nahphengpi cidanin a khiehkhieh suh hi,hinanlezongh a tawpi ten' sa kham thei lou vuh ahiziehin,a tawpna ah a voh lu puah a khieh suh ciengin,a voh lu ken ah a kilia suhsuh a,honkhat in,voh lu kituin a delh suhsuh vuh hi.Pawl khatin a sing phung zung ah ngah den lai vuh ahiziehin,a sakhi Lukhu a khieh kia hi.a sakhi lukhu zongh kenlai a kilia suhsuh ta leuleu hi.Tawpi ten zongh a sakhi lukhu kitu a,a delsuh kal vun,ih Pi El Ciin vuh zongh a beng nuasia in,ang taitai leh a opsatui a lai a kitua vot in,Hai Cia khua a tung lemlem hi.Inn a tun ciengin zongh,a innpinun' maipha na pielou hi.A diehdieh in hamzoulou a haisam a,a op lam pen a innpipa(a gang)in a thei chiengin,bang chi na hiei El Ciin chia a dot chiengin,ih Pi El Ciin in zongh a gentheina teng,anen anawi-in a gen hi.A genzaw lienin a innpinun',"phanabou ee na sap zah maw" koi hing sawl a nang na nute kung a,vason peita la?ei minsie sah ding a hing ki pan hiteh chia a na houkheng giap ciengin,ih pi El Ciin vuh zongh tousuh in,kateng lou in a kap hi.

(a) Tumde zuang ee,ciingin

      lamei de sang' ee! tunphe

      leh ka dip kuang',kua hei

      sang' ee!

(b) Nung leh ka maa ka gin

      aw ee,taam bang heng

      leng,sul ei khual khat,om

      lou ee!

Tambang dan in kamkei,humpiten' na sol vuh hitamanan leh,a gielpawl a hi kamkei,humpi neelkaaite

○pen a ma mittang a,khuamulah a tumde taang vasiat tawh a suante a hi hi.Khumi kamkeite,tawpite,humpi neelkaite khuahei vazoh pipen a pasal khuahei vazoh,suangan vazoh pi tawh a na suante hi.tambang a lampi lamkaal a tawpite sol in,a lungsim gielbang khing in,zauhuai mama sa nan leh,a maa te leh a nuate lam pan,koima khat behin ei hepi va-aia tahlawmlou ih zaw chia,a tapna a hihi.

Tambang a,ih Pi El Ciin vuh lungzuang a,a op lai tahin  a khua -------

   Continued to Part(2)

○      

PI EL CIIN TANGTHU

            Part(1)

Zo Tulpi Hang Hil tangthubu sung ah,Phaitukhua pen 1550 kum pawlin na kisat hi.Hausa a sem masa penpen,Hang Hil ta a(2)na Man Tuang hi.Ih Pu,ih Pa te khanggui ciemtena ah,numeite na kihalsah lou vuh a hiziehin,Man Tuang tanu(ManTuang hah-le-suan)Pi El Ciin pen, Khanggui kikan thei nawnlou hi.Pi Phal Ngul-le-Pi Za Ciin te zongh,Phaitu Nupi minthang masa te ahi vuh hi.Tutung lungzuan lunglen ahuai sah,Pi El Ciin tangthu tomkim in them khat sut phot vai.Pi El Ciin ki chinu pen, melhoihna,cidamna,nasep hanciemna lam ah na min thang hi.Neisa lamsa,khawi-le-vul lam ah zongh,Zo sung ah a ma,a ban numei na om nai lou hi ki chi hi.Khumhun laitahin,Zuang Ciin ki chi ngahnu khat zongh,Bum Zang khua pan na min thang hi.Neisa lamsa lam ah zongh,El Ciin tawh a kikim phielphiel in na ki gen hi.Minthang tuahtuah gel ahi ziehin,khat-le-khat na ki hudeh  simsim gel a,tambang in Pi El Ciin in la khat na hil hi.

(a) Vangla Zuang Ciin ki

      thang ee,paal hoih

      kithang,hong kuan suh aw

      gunlui ah,kinawl ni ee!

(b) Theisen sanggat teng

       law cieng ah lui veni ee!

       ih sah duang guah gel

       tansing bang te ve ni ee!

chi-in tami la a na paih hi.Chinopna ah,El Ciin in,Zuang Ciin kung ah,Thatang hat a nasepna louhaw singpuah lam ah hitaven,cidamna lam ah hi ta ven,thuthei laphua siemna lam ah hitaven,neihsa lamsa ahi sumgum vangil lam ah hita ven,innnei a khawisa vulsa siel-le-lawi lampan hitaven,melhoih min thanna lam ah hitaven,bang khat poupou ah kangging sih hi.Na ngap leh kidemvai chia,a na sialtawh mihmeh a hihi.Khumlai a Khangluite kisialpi sumgum vanmanpha ih chi te pen,Khiba a nam tuamtuam,gun tohtawl nam khat tawh a kibawl(numeite nuang kawngga)ih Zo haikeh chiechie a pha kepngeh,teipi belpi,tawm-le-zam,tutang heitang ih chite a hi vangua hi.Tambang dan tawh ih Pi El Ciin-le-Pi Zuang Ciin te pen,a meel hoihna leh a hausat dan te vuh,na kibang gel a,hinanlezongh Pi El Ciin a moutha ciengin,na hamsie kha a,na genthei ahiziehin,na min thang hi.

Tambangdan tawh Ih Pi El Ciin vuh pen a ngahnut lai-in,na minthang ma ma hi.Sim-le-mal,thaangkai gam lei lah pan in,tangval tampite in nangai-in na hel den vuh a,koihpen ka saang tadiei chi-in a ma zongh buai-in a telkah ding thei zou lou hi.

Nikhatni-in "Haicia Khua" pan,a hau mama,Ngamante tangval mel hoih lou,Pu Thang Zam kichi pa in,va hel in a dongh hi.Hinanlezongh Pi El Ciin in na saang zoulou hi.Hai Cia khua kichi pen tuhunlai a Lam Thang  khua gei deuh mun hi ki chi hi.Tuaciengin ih Pu Thang Zamin,anu-le-apa thuzaw pou leng hingpei nava chi-in,a nu kung ah va naiphei-in "Pi aw El Ciin tawh nei kinunsah leh khiba hoih mama gui(10)ka nei lah ah,na deih penpen gui(3)kang telsah ding a kang pie ding hi chia a va nget chiengin,a nun' zongh hausat dingma a ngai hiven,phasa in,Pi El Ciin a moutha in a sawl hi.Pi El Ciin a nuam loupi hitama leh,douha tawh nute pate thu a kinang zou sih sam hi ven,nuam lou pumpum in a moutha ta hi.Haicia khua a tun chiengin,a innpinu in deihlah deih seng lou,lah nuallou bepin om a,poimaw a sa sih hi.A gangpa(innpipa) pen in,a na deih mama hi.Ama deihlou ahiban ah,a innpinu lah sitsie hangsan vapual lai,a manu lah lawm ngaisa ahina teng tawh,a muanmaw a kuang semsem hi.

Nikhatni-in,lawmluipa"Ul Thang" in Khuang Nung khua pan,Zatep a hah a mu ciengin,a lungzuan a lunglen a kuangsah semsem hi.Tuaziehin a loukuan a sing puahna ah,a lung a sielsiel den a,tambang in la khat ana hil hi.

(a) Gual namza hah,phel an

      bang ham ning,phel an

      bang hap ka luan khi tawh

      die ingh ee!

(b) Phel an bang hap,ka luan

      khi tawh die ning,ngaih

      tong san sih,sun chieng

      kaai zawl dih ning ee!

       Tambang dan tawh a lawmpa Pu Thang Zam na ngawn a lungsim kihei a,Pi El Ciin a ngaipha nawn sih hi.Lawm zongh a ngaisan a,zan cieng bang in a tung ha thei hi.Tambang a,a pasal lungsim tuam nei lam Pi El Ciin in a thei tah chiengin,a lungsiel a lungzuan,a lungkham hing ki belap semsem ta ahiziehin,a op dan kip nawnlou in om a,a innpinun' bang ding a,lungmuang thei lou a,hichi op hehu na hiei?chi-in a kalsuan khielnate,a kepi ningsawinate a kipan a maw matna ding a suisui dapta hi.

Tuaciengin Pi El Ciin in zongh, kam-le-mua tawh gengen kullou in,tami la a na hil hi.

(a) A tuipi siel bang lien ee

      nau bang kap ingh,

      phuigua maaneu na lung

      ah,cieh ngam langh ee!

(b) Selung muang heh na chi

      leh sen ni nu,muikhuazin

      a na von lailen Kham' ve

      aw!

(c) Muikhuazin a ka von lai

      len ka kham leh,tum bang

      vuai tang,theisen tanggual

      ngai nang ee!

Tambang dan teng tawh,a mate inn ah tul ngapnawnlou ding ci pen thei ahiziehin Phaitu Khua a innvuah a nuapei kia ta hi.A hivangin a nu-le-a pa ten,bang ding a tu panpan a,hing hichi gamtat na hiei?Na mun na lei zuan man lang' in,chi-in,notnot mawh vuh hitamaleh ih Pi El Ciin vuh a nuam vawt sih hi.

A nu-le-a pa pen a sanggam ten zongh awi lou vuh hi.A om suah ding ma in a gen vuh hi.Hinanlezongh a nu-le a pa in,tuhun panpan a,pasal tawh kikhen panpan ding chi pen,hoih lou hi minsiet thaangsiet kilam zou hi,minsiet vai mama hi.Tuaban ah,numeiman tampi kingen zou a,aman-le-mual teng lekia vangiet ding chi pen,hahsa mama sa vuh hi.Tambang hahsatna te ziehin a nu-le-a pa te in,a malamma-ah a notnot vuh hi.Hinanlezongh Pi El Ciin a nuam thei tuam sih hi.Bang ding a peinuam lou na hiei chi-in,apa in a tawbaal leh a elduang cieng kang tawh a sat in,a galgihna in,a ngawng ah heipitang khai hi ki chi hi.Tua chiengin,ih Pi El Ciin in zongh,a nu-le-a pa te lungsim a et na in,innnei a ih vohpi gaituan vuh,nei puah sah ding vuh leh kapei pan bep diei ih zaw chia,a gen tahciengin,a pan zongh,nang vohpi eng tuh na hileh chi-in,a vohpi vuh a gou pai vuh a,mousa teng ngaina bangin guan in,ih Pi zuang vuh a pasal kung a pei in a sawlkia ta vuh hi.

Tuachiengin Pi El Ciin zongh a beng leh a zungau kipat pai-in,a maalam Haai Cia khua zuan in a pei ta hi.Phaitu,Tonzang,Saal Zaang,Tah Zaang,Lam Thang lampi tawnin lampi lamdung ah lungzuang khuangai pumpum in Haai Cia khua a tung hi.Lamlimpi nei lou,zawpi nei lou a,a ma tang' a, pei dildal ahiziehin Lampi Lamkal ah lungneu(pangpa)ki khuatua,khita a,a op laitahin,gammanglai a,lamgei a,ansui a lei a saii vagikte akpate a phawng kha a,tuate dilen in a dip a kua sah semsem a,a zau leh a khitat zongh a kuangsah semsem hi.Tambang kawmkal ah,lentu zouzing lai a,"hum hum" chia a ham zou vapite ham a zah chieng in,a zau sengsengin,a chimul thou sah va-aia meel hi.Tuaziehin ka nu khiba deihgaw nalam a,ka hichi zau a,ka hichi genthei chin' tambang in la khat a na phua hi.

(a) Bakhi lai cing na deih man

      ka tun nun',tawicil

      zaangtual a nei hah lung

      mawl ingh ee!

(b) Ka tun ning sah ka nehin

      lung mawl singh

      ee,zangva neh mawh na

      hamin lung mawl ingh ee.

chia,a kikou cieng in,bingpi-le-vohtang kuam a  om dawihonpi ten',a ui te vuh tawh lampi ah na dawn pai-in dawilawm a neih ta hi Tua pen ih Zo ham in gualnei ki chi hi.A sahduang pen sinai sam lou hi.Hinalezongh dawite mit a mu thei dingin kilanghlou vuh hi.A ui te vuh pen,kamkei a gielpawl,humpi nelkaai cidan vive in a ki langh vuh a,dawite khawi a ui te vun,Pi El Ciin a na paah vuh ahihi.Ei mihingte mu na ah,Pi El Ciin vuh "tawn" a sol ih chi ding vuh a hi hi.Tambang dan tawh ih Pi El Ciin vuh lamkaal a tawpi (or)"tawn"(ကျားနှင့်သားရဲများ)a sol ciengin,neisoh singkung dawn khat ah a ka tou hi.Dawite in,a ui vuh kem vuh ahiziehin a ui te vuh a hi tawpi te in,ih Pi El Ciin bawlsie sah lou vuh hi.Tawpite in a sing phung zung ah,ngah den ahiziehin Pi El Ciin tual ah kum ngam lou hi.Tuaciengin ih Pi El Ciin in,a vohsa puah te lah a,a lieng,a mal,a nahphengpi cidanin a khiehkhieh suh hi,hinanlezongh a tawpi ten' sa kham thei lou vuh ahiziehin,a tawpna ah a voh lu puah a khieh suh ciengin,a voh lu ken ah a kilia suhsuh a,honkhat in,voh lu kituin a delh suhsuh vuh hi.Pawl khatin a sing phung zung ah ngah den lai vuh ahiziehin,a sakhi Lukhu a khieh kia hi.a sakhi lukhu zongh kenlai a kilia suhsuh ta leuleu hi.Tawpi ten zongh a sakhi lukhu kitu a,a delsuh kal vun,ih Pi El Ciin vuh zongh a beng nuasia in,ang taitai leh a opsatui a lai a kitua vot in,Hai Cia khua a tung lemlem hi.Inn a tun ciengin zongh,a innpinun' maipha na pielou hi.A diehdieh in hamzoulou a haisam a,a op lam pen a innpipa(a gang)in a thei chiengin,bang chi na hiei El Ciin chia a dot chiengin,ih Pi El Ciin in zongh a gentheina teng,anen anawi-in a gen hi.A genzaw lienin a innpinun',"phanabou ee na sap zah maw" koi hing sawl a nang na nute kung a,vason peita la?ei minsie sah ding a hing ki pan hiteh chia a na houkheng giap ciengin,ih pi El Ciin vuh zongh tousuh in,kateng lou in a kap hi.

(a) Tumde zuang ee,ciingin

      lamei de sang' ee! tunphe

      leh ka dip kuang',kua hei

      sang' ee!

(b) Nung leh ka maa ka gin

      aw ee,taam bang heng

      leng,sul ei khual khat,om

      lou ee!

Tambang dan in kamkei,humpiten' na sol vuh hitamanan leh,a gielpawl a hi kamkei,humpi neelkaaite

○pen a ma mittang a,khuamulah a tumde taang vasiat tawh a suante a hi hi.Khumi kamkeite,tawpite,humpi neelkaite khuahei vazoh pipen a pasal khuahei vazoh,suangan vazoh pi tawh a na suante hi.tambang a lampi lamkaal a tawpite sol in,a lungsim gielbang khing in,zauhuai mama sa nan leh,a maa te leh a nuate lam pan,koima khat behin ei hepi va-aia tahlawmlou ih zaw chia,a tapna a hihi.

Tambang a,ih Pi El Ciin vuh lungzuang a,a op lai tahin  a khua -------

   Continued to Part(2)

Zo Tangthu/History pulah

~ Z⭕KHANGTHATE WHATSAPP MEDIA & FACEBOOK

🦅Connecting The Zo/Zou people  all around the world - Myanmar🇲🇲,  Indian 🇮🇳, USA 🇺🇸, Singapore 🇸🇬,Australia 🇦🇺, Malaysia 🇲🇾,New Zealand 🇳🇿,🦅

Share: