NGONGTAT, TUALTHAT CNA/CNF LEH A UINOTE

Zomite aw, na kahna KHITUI Topa'n ciamteh sitset hi. A lamdang mahmah tulaitak thupiangte themkhat enkawm in genkhawm ni:

Zogam ah Zomite zawhthawh thu tawh thauvui, thautang suangin Zogam leh Zomite hong nengniam, hong buaisak, gal hong taisak, inn luhkhia, inn kalhkham, Vok gu, Antang gu, Sathau gu, Zomite' inn te Biakna te utut in a zang Ngongtat CNF leh a Uinote' gamtatna Topa'n mu gige hi, mawk koih ngeilo ding hi.

Zogam leh Zomite' kahna khitui Topa'n ciamteh sitset hi. Migilote' gamtatna Topa'n thukik pelmawh ding hi. Hakha khuapi tungah Musanete a honhon in leng nainai hi. Nameih hoih hetlo hi. Zogam leh Zomite' sunga atatsiatnate uh hunkhat teitei teh athuak zawh loh zah ding dong un thuakkik hamtang ding uh hi. Zomite' kahna, khitui Topa'n mu gige in ciamteh sitset hi‼️

ISRAEL🇮🇱 te nasia takin a do' sawm, akap sawm Iran🇮🇷 kumpipa ahi hi. Pasian mi ahi, ISRAEL🇮🇱 te do ding, kapzaan ding asawm Iran kumpipa pen Israel te do man loin, atuanna Vanleng kia dildel lel in, si mawk hi. Pasian mite, Pasian thupha piak Minam asimmawhte, Topa'n thauvui, thautang kul lo in hong do'sak lel hi. Kuamah kingawh thei omlo hi. Topa'n nasem lel hi.

Tulaitak Zomite mite' simmawhna thuakin i om laitak hun hikha mah ding hi. A Nungta i Topa Pasian kiangah kiko ni, thungen ni, Topa'n Zogam leh Zomite' sungah nna Lianpi hong sem ding hi.

Laisim mimal kim tungah lungdam mahmah hi.
Topa'n Zogam leh Zomite hong cidamsak ngiat ta hen.
Amen! 🙏

_Zogam leh Zomite ITNA, VEINA takpi tawh a IT den na Sanggampa uh,_

~ Sian Khual
New Zealand🇳🇿

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭ツ

Share: