Amasa pen in eite damna hung pia leh tukum 2024 naupang teh ni mel hung musak lai Pasian min ih phat masa uhi.Tualeh tuni naupang teh ni ahi toh kiton in leitung munkhempeuh aom naupang teng kiang a naupang ni chibai ih pia masa uhi, ajiak amah uteh jiak in ih innsung teh uh husa in a dim den a jong nuam ih sa uhi,tualeh amah uh teh jiak ma in ih khua ih tui teh uh ull in nuam tuam ma mah hi.Tuabek tham lou in saptuam sung na ngawn jong naupang teh jiak ma in nakpitak in nuam kisa ma mah hi. Tua jiak in tuni naupang ni toh kiton in naupang teh patawi in limtak in Kem in enkol tou ni ajiak Nu omlou na innsung a nop theilou bang in naupang omlou na innsung,khuasung leh saptuam sung pen ahom toh ki bang lel hi.
Innsung pen skul masapen nu leh pa teh skulpu masa pen ihi man un hih amanpha ma mah Pasian apat goutan ih tate pen limtak a ih thuhil ding leh ih lamkai tou den ding kisam den hi.Tua ding ma ding a Pasian in mi nu leh mi pa a hung bawl ahi lam jong phawk tawn tung ni. Nu lawching pa lawching ih chi teh sepna thupi nei gou tampi nei inn thupi nei teh hi tawn tung lou hi, nu lawching pa lawching ih chite pen a tate uh tung a amoh puakna uh ajou teh ahi jaw uhi.Mi nu mipa tampi in sum leh pai hang in a tate uh thuhil man lou uhi, mi nu mipa tampi teh in inn thupi pi leh goutampi nei in om uhi ahi hang in a gou lua ding a tate uh lamet ding khat jong om non lou chi bang tampi ih khuapi sung a jong om khinta hi .Tua ahi man in ih tate thupi bawl in limsak masa ni, bang hang in ih chi leh ih gou thupi pen pen bangma toh teh thei lou leh leithei lou leh khek theilou ding pen ih tate ahi.Tua ahi man in ih tate manphat dan theisiam ni.
Ih tate pen aneu tung uah kipat in Khalam thu hi in taksa lam thu hita leh jong a neu hua pat a ih na pattak keileh a let nung Chiang un hamsa ta ma mah hi.Tua ahi man naupang teh ahi kei leh ih tate pen aneu tung hua kipat in Khalam thu leh taksa lam thu a limtak a ih na lamkai tou den ding uh pen kisam hi.Eimi teh lak a nu leh pa tamjo teh in ih tate pen alet nung Chiang uah thu hil kisom pan hi, tua ahi man in ki zekai kha in sik asat non lou nung a sat ahi kei leh sial shi nung a sial daikai ki bang lel ta hi. Tua ahi man in hih naupang teh leh ih tate pen aneu tung hua kipat lampi dik a ih na mapui ding uh kisam den hi.Tua jiak in Paunakte 22:6 in hi bang in ana gen hi "Naupang khat a neu lai-in lampi man/dik tawnsak leh chin, a teek dong in lam pial nawn lou ding hi" chi hi.
Iseral teh in naupang kepna leh thuhilna pen nakpi tak in poimoh ngaih uhi, ajaik Pasian ma mah in jong ana phut leh ana nget ahi.Ei gingtu teh in Toupa thumna (The Lords prayer) chia Jesu in a nungjui teh thum ding dan ana hil bang in Judah teh in jong SHEMA kichi Judah teh thumna ana nei uhi, shema akhiatna in ngai un ahi kei leh ja un Chihna ahi.Tualeh hih shema pen Pasian in Iseral tate jak ding leh jui ding ah ahil ahi ,tualeh hi shema pen tuni tan in Judah teh thumna hung suak hi.Tualeh hi shemna in Judah tate Pasian thuhil ding poimoh ahi dan hibang in ana gen hi. Na tate uh tungah lim takin na hilh ding uh a, na inn sung uah na tou Chiang, lampi-ah na pai Chiang, na lup Chiang leh na thawh chiang un tua thute na gengen ding uh ahi. Na khut tung uah a lim dingin tuate na hen ding uah a, na tal tal uah tuate suang un. Na inn kongkhak khuam tung uh leh na kongpi uh tungah tuate na gelh ding uh hi.(Deuteronomy 6:7-9)
Judah teh bek hilou in Hindu teh Muslim teh leh Buddhist teh nangawn in zong a tate uh a neu tung uah pat in limtak in abiakna uh thuteh a limtak in ana chil tou den uhi.Tua ahi man in a hung piching nung Chiang un a biakna lam ua kulmut ma mah uhi.
Bible sung a mithupi tampi muthei om hi,tuate lak a a neu apat a nu leh apa teh in limtak a pasian thu ana hil den genthei ding hun khop khat om hi tuate ahi leh Enoch,Noah, Abraham,Joseph,Mosi, Samuel, David ,Paul , Timothy leh a dang tampi tak om uhi.
Tua ma bang eite in zong ih tate pen a neu uah kipat a Pasian thu lam a ih na mapui ding uh pen Toupa deina hi gige ahi.
Pasian in nu leh pa teh ih tate chiat amah dei dan lampi a pui zou ding in hatna hung pia ta hen
TATE NI JAK NOP CHIAT NI 😊
By: Kapboi Suantak
Innsung pen skul masapen nu leh pa teh skulpu masa pen ihi man un hih amanpha ma mah Pasian apat goutan ih tate pen limtak a ih thuhil ding leh ih lamkai tou den ding kisam den hi.Tua ding ma ding a Pasian in mi nu leh mi pa a hung bawl ahi lam jong phawk tawn tung ni. Nu lawching pa lawching ih chi teh sepna thupi nei gou tampi nei inn thupi nei teh hi tawn tung lou hi, nu lawching pa lawching ih chite pen a tate uh tung a amoh puakna uh ajou teh ahi jaw uhi.Mi nu mipa tampi in sum leh pai hang in a tate uh thuhil man lou uhi, mi nu mipa tampi teh in inn thupi pi leh goutampi nei in om uhi ahi hang in a gou lua ding a tate uh lamet ding khat jong om non lou chi bang tampi ih khuapi sung a jong om khinta hi .Tua ahi man in ih tate thupi bawl in limsak masa ni, bang hang in ih chi leh ih gou thupi pen pen bangma toh teh thei lou leh leithei lou leh khek theilou ding pen ih tate ahi.Tua ahi man in ih tate manphat dan theisiam ni.
Ih tate pen aneu tung uah kipat in Khalam thu hi in taksa lam thu hita leh jong a neu hua pat a ih na pattak keileh a let nung Chiang un hamsa ta ma mah hi.Tua ahi man naupang teh ahi kei leh ih tate pen aneu tung hua kipat in Khalam thu leh taksa lam thu a limtak a ih na lamkai tou den ding uh pen kisam hi.Eimi teh lak a nu leh pa tamjo teh in ih tate pen alet nung Chiang uah thu hil kisom pan hi, tua ahi man in ki zekai kha in sik asat non lou nung a sat ahi kei leh sial shi nung a sial daikai ki bang lel ta hi. Tua ahi man in hih naupang teh leh ih tate pen aneu tung hua kipat lampi dik a ih na mapui ding uh kisam den hi.Tua jiak in Paunakte 22:6 in hi bang in ana gen hi "Naupang khat a neu lai-in lampi man/dik tawnsak leh chin, a teek dong in lam pial nawn lou ding hi" chi hi.
Iseral teh in naupang kepna leh thuhilna pen nakpi tak in poimoh ngaih uhi, ajaik Pasian ma mah in jong ana phut leh ana nget ahi.Ei gingtu teh in Toupa thumna (The Lords prayer) chia Jesu in a nungjui teh thum ding dan ana hil bang in Judah teh in jong SHEMA kichi Judah teh thumna ana nei uhi, shema akhiatna in ngai un ahi kei leh ja un Chihna ahi.Tualeh hih shema pen Pasian in Iseral tate jak ding leh jui ding ah ahil ahi ,tualeh hi shema pen tuni tan in Judah teh thumna hung suak hi.Tualeh hi shemna in Judah tate Pasian thuhil ding poimoh ahi dan hibang in ana gen hi. Na tate uh tungah lim takin na hilh ding uh a, na inn sung uah na tou Chiang, lampi-ah na pai Chiang, na lup Chiang leh na thawh chiang un tua thute na gengen ding uh ahi. Na khut tung uah a lim dingin tuate na hen ding uah a, na tal tal uah tuate suang un. Na inn kongkhak khuam tung uh leh na kongpi uh tungah tuate na gelh ding uh hi.(Deuteronomy 6:7-9)
Judah teh bek hilou in Hindu teh Muslim teh leh Buddhist teh nangawn in zong a tate uh a neu tung uah pat in limtak in abiakna uh thuteh a limtak in ana chil tou den uhi.Tua ahi man in a hung piching nung Chiang un a biakna lam ua kulmut ma mah uhi.
Bible sung a mithupi tampi muthei om hi,tuate lak a a neu apat a nu leh apa teh in limtak a pasian thu ana hil den genthei ding hun khop khat om hi tuate ahi leh Enoch,Noah, Abraham,Joseph,Mosi, Samuel, David ,Paul , Timothy leh a dang tampi tak om uhi.
Tua ma bang eite in zong ih tate pen a neu uah kipat a Pasian thu lam a ih na mapui ding uh pen Toupa deina hi gige ahi.
Pasian in nu leh pa teh ih tate chiat amah dei dan lampi a pui zou ding in hatna hung pia ta hen
TATE NI JAK NOP CHIAT NI 😊
By: Kapboi Suantak
.jpeg)
.JPG)
No comments:
Post a Comment
Comments not related to the topic will be removed immediately.