LIMTAK NGAIHSUN ~ David Tuang

TATE'N LIMTAK NGAIHSUN PHAKIK NI

👉 Nu leh pa in neu lai-in i zun/ek hong siaksak in, namsia mahmah tale'ng phamawhsa hetlo uh hi.

👉 Tate in nu leh pa hong teek, hong guai in kep leh khoi in hong om uh ciang a zun/ek uh i siaksak ngam mah diam?

👉 Namsia mahmah tale'ng namsia hong sa ngeilo, i nu leh pate, namsia lua teh ci-in i peelpeel kha hiam?

👉 I neu lai-in amau neek taang hong nesak i nu leh pa, tu'n tate in ei nek taang i pia ngam takpi mah hiam?

👉 I neu lai-in hong kem, hong khoi, hong vaak i nu i pa, tu'n ei a tate'n kem nuamlo, khoi nuam lo, vak nuam loin i nusia kha hiam, i hawlkhia kha hiam?

👉 I neu lai-in, lam zong hoihtak pai thei loin, i tuk pahpah hun ciangin hong hap lala loin lungduai takin i khut hong lenin lam pai hong kisinsak i nu i pa, hong hat nawnloh uh ciang, "lawmlawm zawzen hat kei si cia, puaipuai zawzen ve teh," peuh ci-in i tawng lala, i hap lala kha hiam?

👉 I khitui malkhat bekbek a luan ding nangawn hong phal lo, i nu leh pa khasiasak in a khitui uh i luangsaksak kha hiam? Limtak ngaihsun phakik ni.

"Nu leh Pa' tungah cikmah hunin i lohkik zawh ngeiloh ding itna leiba inei hi. Khasiasak kei beek ni.

Khazih sungah, ✍️David Tuang
#HappyFathersDay 

Share: