Kuki-woman MLA Kimneo Hangshing receives 2 National Awards

 MLA PI KIMNEO HAOKIP HANGSHING IN NATIONAL AWARD 2 ANA KISAN

28th June, 2024: Pi Kimneo Haokip Hangshing, Hon’ble MLA 46-Saikul Assembly Constituency in Friendship Forum of India tohgon nanoijin National Award 2 (i) Bharat Excellence Award, 2024 leh (ii) Jewel of North East Gold Award 2024 chu achesa 1st June, 2024 nikho chun ana kisan in ahi.

Hiche Award hi MLA Pi Kimneo Haokip Hangshing in gamsung adia thase lou hel a mipi ding gelna a pan nasatah a alah naho hetpehna leh kipapi najal a Friendship Forum of India ten ahin peh u ahi.

Friendship Forum of India ten hiche Award hohi phatseh tobang in ana homdoh jing un, Manipur State adia gah hetthei din, Former CM leh MP ana hi Late Pu Rishang Keishing in jong ana sang in, Kuki lah a Pu Onjamang Haokip Ex. Minister leh Manipur  Naga MLA Mangaibou tenin jong ana sang kha lhon in, Pu SC Jamir, Former Chief Minister of Nagaland, Pu Neiphu Rio, Nagaland CM chuleh NE state chom chom a kon midang tampin jong ana sang uve.

Friendship Forum of India te a kon Award tichu Mangmo Thilpeh Trophy 1, Gold Medal 2 leh Certificate 2 cheh chu Pi Kimneo Haokip Hangshing Hon’ble MLA in ana kisan in, Excellence Certificate achun; "For His & her outstanding achievement & distinguished services to the Nation in the field of political Excellence of highest repute" leh "For Individual Excellence in recognition of flattering merit Excellence performance & outstanding contribution for the progress of the Nation & Worldwide" tin akisun in ahi.

Hon’ble MLA Pi Kimneo Haokip Hangshing in agelphah lou lam beh a Politics abolna leh gamsung leh namsung adia thilpha tantih neilouva abolna chung a agim acholna ho hetpehna hin nei Friendship Forum of India te chung ah kipathu sangtah ana seiyin ahi.

■ KimneoForSaikul

Share: