Kachin leh Ta'ang gam kituh

Myanmar ah Kachin Independence Army(KIA) leh Ta'ang National Liberation Army(TNLA) kikal gam kituh na om in buaina sousang mah mah a, TNLA in firing order suah khin chih thu om.

[copy-pasted]_

______________

KUPBEHNA

Hun sawtlou paita April kha tawplam apat May khakim phialtan, CNF/A leh a kaihzatam te'n Zomite luahna gamteng beihpi hong suah uhi. CNA/F te'n Junta sepaihte dou ding leh Chin state apat hawlkhiat ding chih paulap in mipi tamtak support mu ua, Zomi-te ngeingei leng khem khiakzoh tamtak om uhi. Hiai kidouna hun in nasatak in selsawm mah le uh Chin-te kihouna apat CNA/F leh a kaihzatam-te mi tamtak in sihna tuak uh chih kitheichian a, eilam inle Salpha bangzah hiam i chan uhi.

Kawlgam dinmun i etchiang in  Ethnic Area-te ah Junta sepaih om nonlou phial a, gamgi leh mun poimoh khenkhat chihlouh kikaptuahna omlouh hun bangtan hiam hita hi. Hiaibang ahihleh, *CNF/A te'n bang tupna nei a, Zomi-te luahna gam hong nawk mawk uh hiam?* chih dotna lianpi ahi. Muan huaitak apat thumuh dungzui in, CNA/F te thiltup hiaite ahi -

- Zomi-te luahna gamte thuneih khum ding; Hualngoram keklet leh puahthakna (reorganization) bawl ding

- Hiai nasep ahihzoh ahih chianga "Rihkhawdar Township" bawlkhiak ding, chihte ahi.

Hiaite apat Chin state sung buaina Junta sepaih dou nak sang in *Gam Kituhna (Turf War)* ahi chih theihtheih hi. Kawlgam sunga thautoi helpawl tamtak etkailouh a om ahihziak in gam kituhna nasatak pai lellel hi. Hiai gam kituhna Chin state sung kia hilou, Ethnic Area-te ah gen ding omvek phial hi. Thuthak i muh dungzui in tulel in Kachin leh Ta'ang te kikal sousang mahmah hi... hong ki houfel theikei ualeh bel nasa petmah ding.

Tu'n ei Manipur Zo suante sung ale Meitei gal paulap in mimal agenda suk buching sawmna, nambing policy suk buching sawmna, nomenclature imposition bawlna, political milestone bawlna leh a dangdang a zatsawm tampi om uhi. Mipite'n heutu hoih leh hoihlou, belampu dik leh diklou i khensiam ua.. i thumuh leh zakte nguntak a ngaihtuahna piak masak zel poimoh petmah hi.

~ BEHIND THE TRUTH (BTT)

🔴🟡🟢

VIDEO

Share: