Ka lungsim honluah mahmah tuh ✍️ Esther J. Kimboi

# Meitei galpi i phutkhak ma ua kipan i phutkhak nung uleh tuni tanpha a ituah uleh I lungsim uh hon dawtkha chiat adiak a ei Kristian te lungtang nasak penpen khat tuh "BIAKINN HON SUKSIATSAK, HON HALSAK ULEH HON CHIAMNUIH BAWLSAK UH HIPEN MAW?"

(Adangte I thuak nakei chihna hilou in).

# Ka ngaihtuahna a Lian mahmah kon gelh mok ding kuamah ka demna hiam, mohsak tuam nei hilou in.

# I Pathian biakdan uh, i Pathian thu-awi dan uh, i thohlawm te uh, i sawm a khat uleh ginna thuchiam te leh Pathian min i lawhdante uh iki suut thakna ding ua Toupa'n Meiteite zang a hon halsiang ahi zaw dia aw kachi vungvung sek hi.

# Saptuam headquarters tengteng enle hang kuamah kawktuam kaneikei. Hileleng a tangpi in business bawlna a zang mah kibangta in kamu heutute tengteng leng, Pathian nasepna sang in sum nasepna uangbawl jaw I bang simta mawk uhi.

# Pathian belampute leng enlehang, khalam a piangthak taktak tamlou hial ding hi. Siamna, pilna leh theihna ziak a Pathian nasem tam mahmah maithei.

Salam thilte mah a lunglut leh aminpu Pathian nasem tamsim hin kamu hi.

# I Biakinn te uh enkimvel nawn lehang, khalam biakna sang in Salam khantouhna uangbawl jaw ibangta un kamu hi.

Eg: Saptuam dorca pawl, tuailai pawl etc. in fund raise ichi ua i biakinn te uh sumsinna in izang mahmah un kamu hi.

1. Sapok juakna.

2. Saseh juakna.

3. Irombah zuakna.

4. Saminsa zuakna etc.

Hiaite kha thildik hi in imu uhia unaute?

I kivelthak uh poimoh sa kahi. I summuh te un Biak inn i puah ua, bangbang hiam ilei ua I khangtou mahmah uh neih leh lam ah.

Hileleng Toupa lungkimlou himaithei ahi.

(Bible ah: Toupa Jesu in temple a sumsinmite, bawng leh vakhu juakte leng deihlou, Ka PA inn nou ten sumsinna a na zat ding uh hilou chi in  ana hawlkhia ahi)

# sawm a khat pia,  sawm a nih pia bang leng om hoih lotel. A tangpi in lungsim tak utna tawh pia tampitak om mahmah inteh, huaite Toupa a din namtui mahmah ding hi.

Himahleh ,

Khenkhat i sum muhna lampang Toupa deihlouhpi khong ana hihkhak ding lauhuai lotel. Sum siangthou mah akipan pia ihi hia?

Ki ngaihtuah thak thak ni aw.

# Talent ichi ua 10/50/100 in i hawm ua, aneideuh ten tamdeuh behlap leh a neijoulou deuh ten tamlou behlap in i sungkhawm uhi. Huaiding hi hetlou hi.

TALENT: Ichih Chiang in i pianpih siamna Genna ahi. Mihingte i piankhiak a kipan Toupa'n hihtheihna bang hiam nei sa a honpiang sak ahi.

Ei siam mahmah eg:Numeite: siamgat, puankhui, khauphan, pakbawl, incheina bawl(origami)etc.

PASALTE: Tutna Phan, kuangkum sui, suk leh sum bawl, sukduk, tupi, tuneu, hei, temta, siktul etc.etc.

Hiaite banghiam bek bawltheite ihi uhi hiaite kha TALENT kichi ahi.

I siamna a kipan I bawlkhiak ngeingei uh biakinn a thawhkhawm in huaite a deihdeih in I lei a, I leina sum pen biakinn a ding a poimoh lamlam a zat dia piakkhiak pen talent sukpungna ahi. 

Eite talent hihdan iki velthak tuak uh sa mahmah kahi. Bang ngaihdan inei ding uam ah.

# Pathian hing I biakdan uh Taget lah,

Lasakna lah sak heekheek omnawnlou chiltak a lasa susuih, limtak a sa ekek a khutbeng a lam leng omzou nawn mahmah lou. 

Lathu lah i byheart sa tengteng kikhek lumlet mitsing diaidiau a lasak theih lah om nawn mongmong lou.

Toupa phatna lasa lah hingal i phat uh Toupa Pathian a din a kilawphuai dia aw???? Chih khawng ngaihtuah sek kahi.

Aminpu petmah a phatna la sa khemkhem mah kibangta maw?

Gennop tuh tam law mahmah lai hileleng eile khalam a hatzou lua kihilou, mi mohsa mah kibang kha di. Veiluat ziak a kon gelh mawk ahi aw. A lompi a ivek ua kei tel in iki ngaihtuah theihkhak uleh chi a kon gelh mai ahi.

# Hiai khawng tengteng ziak a Toupa'n iki thak Patna ding uleh, iki ngaihtuah na ding ua hiai gal honpia a dia aw? Meiteite zang a hon halsiang a hi dia aw? Chih khong ana ngaihtuah kha mokmok sek kahi.

Genkhelh omleh ngaihdam aw.🙏

Share: