GOVERNMENT KIFORM LE GMFDI ✍ Ds Haokip

TUCHUNG GOVERNMENT KIFORM LE GMFDI A PATHEN LHAGAO THUPHON

Amasan kanasei tan vannoi thu le ipi ti henlang gamsung kivaipoh dan ipi tijong le, koijin vai hin hom ding hikit jong le keiho GMFDI mun a Pakai aw ja a tahsan ho kalung linglau pouve kanati sa ahi. Ajehchu Pakai Pathen in angailut KUKI ZO chate chunga a plan and promise aseisoh kei ahitan ahi.

Pathen lhagao thuphon masa langa chun," nagam vaipo pau thanei na jong kalah peh tai," anati. Hichu keigel a chu BJP government hi lhuding hitan te tia kana gel ahi. Hinlah Pathen chun hoiche pen asei na ham vang ti kana hechen poi. Hinlah kana ginmo khat vang chu tuchung government kiform ding chungchanga vang kikhel na khat hung umding ahi ti vang chu kana gel e.

Hichea Pathen lhagao thuphon in anasei nagamsung vaipo pa...ati na chu MANIPUR gamsung hi asei na ana hiding dan ahie. Tua ivet le imittah uvin imu tauvin ahi. BIREN Akisong tapon, amai amuol tai...!

(Hetding khat chu; Pathen lhagao thuphon hin nagamsung u ati teng; Manipur state aseina hintin, nagamsung pumpiuva , ati teng India gamsung asei na hiding ahi.)

Aban leh tu naicha 5th june nikho a Pathen lhagao thuphon in asei na ah; nagamsung pumpiuva vaipo pa jong amin mai mai ya kitung ahitan, thanei lou banga kakoi ahitai, ati hi ivet kit a ahi le imusoh keiyuvin ihesoh keiyuve:

Tuchung LOKSABHA election result chu ivet a ahile, BJP akigel nabang le akison na banga lengdoh jou lou ahi. Bjp in seat 240 amu in , solid leading ahina dinga chu 272 apat chung lam amu ngai ahin, hinlah hiche jong chu lhing jou talouvin, 240 bou amu tan ahi. Hijeh a chu government asem nadinga chu 240+32 MP ngai ahitan, hijeh a chu NDA partner a kon a party dang dang hotoh alliance ahi ngai ahitai. Tu hin Party dang dang hon atosot phat u va anah nah a BJP chu kitung doh kit ahibouve. Modi hin government po kit jong le humpi hansan atho a thu amoh sei sei nading aum tapoi....thanei lou banga hung kitung ding ahitai.

Ipi hile aban chu Hepa Pathen programe ahitan, tahsan na neitah in eisem pa Pathen thupeh nit utin chon leu hen ,Pakai Pathen in na ahitoh thou thou ding ahi. 

Share: