ZANI zân June 6, 2024 a, Jiribam Manipur buoina leiin Jiribama eini mihai Assam ram tieng an hung zâmna thu HNU, Assam in Chief Minister, Assam kuomah an tlun angin hma a hung làk nghal leiin lawm a um takzet. Assam Chief Minister in thu a hung pêk ang dungzuiin zani zan 11 pm le 2 am inkar chen khan SP, Silchar inrawinain Jirighat le asevela hai venghimna sin an thawa lawm a um hle.
Vawisun June 7, 2024 khan Dr.Vanlallien Pulamte, President, HNU, Assam, Lalramfel Biate General Secretary, HNU Assam le Lalsiemthar Hmar, President, HSA, Barak Valley Jtrs, haiin DIG, Southern Range, Silchar le SP, Silchar hai inhmupuina an nei. Barak Valley, Hailakandi, Karimganj le Cachar sunga Police Station hai popo kuomah inralringa khau nawkzuola Hmar hai venghimna sin thaw dingin ngenna an siem angin Police station tin hai thupêk nghal an nih.DIG hin Assam Chief Minister khawma zani zan thu a hung pek thu hrilin abîkin Manipur ramri hnai Jirighat Police Station, Joypur Police Station le Lakhipur Police Station huomsung haiah nasanawkzuola venghimna sin thaw a nih a, SP, Jiribam leh khawm chanchin hrietpaw zing a ni thu a hril.
Barak Valley, Assam rama Hmar hai tukhawm chiai lo ding le ṭi lo dingin HNU, Assam le HSA, Barak Valley Jtrs ṭhuoitu hai chun inhriettirna an hung siem a. Jiribam kuom hnai Assam ram tienga Hmar khuo hai vênghimna chungthua buoina le harsatna nei hai chun HNU, Assam le HSA, BV Jtrs ṭhuoitu hai kuomah intlun nghal ding a nih.Thil ṭûl le pawimaw Jiribam/Manipur buoina thu le inzawma Barak Valley a Hmar nau hai sanhimna ding a nih phawt chun zanril khawm nih sien HNU, Assam, HSA, Barak Valley Jtrs, DIG, Southern Range le SP, Silchar ṭhangkawpa hma làk dinga inbiek a nih. Barak Valley a Hmar hai himna dingin Assam sawrkar leh ei ṭhangkawp a nih ti mipuiin ei hriet a ṭha.
Manipura tlângmi hai le phâimi hai inkara buoina hin Assam ram le Assam mipui hai iengtikawngzawng khawma a hung sukbuoi ding a ni naw thu Assam Chief Minister in DIG, Southern Range le SP Silchar kuoma a hung hril a, abîktakin Manipur le Assam ramri hnai Assam ram tienga um Hmarkhuo hai ngaiven ṭha dinga hril an nih.
Thubelchiengdawllo, tuta Jiribam le asevel buoi mêkna thu le inzawmin social media whatsapp le facebook ah hai mi tukhawma therdarlo dinga inhriettir ei nih bawk.
Vawisun June 7, 2024 khan Dr.Vanlallien Pulamte, President, HNU, Assam, Lalramfel Biate General Secretary, HNU Assam le Lalsiemthar Hmar, President, HSA, Barak Valley Jtrs, haiin DIG, Southern Range, Silchar le SP, Silchar hai inhmupuina an nei. Barak Valley, Hailakandi, Karimganj le Cachar sunga Police Station hai popo kuomah inralringa khau nawkzuola Hmar hai venghimna sin thaw dingin ngenna an siem angin Police station tin hai thupêk nghal an nih.DIG hin Assam Chief Minister khawma zani zan thu a hung pek thu hrilin abîkin Manipur ramri hnai Jirighat Police Station, Joypur Police Station le Lakhipur Police Station huomsung haiah nasanawkzuola venghimna sin thaw a nih a, SP, Jiribam leh khawm chanchin hrietpaw zing a ni thu a hril.
Barak Valley, Assam rama Hmar hai tukhawm chiai lo ding le ṭi lo dingin HNU, Assam le HSA, Barak Valley Jtrs ṭhuoitu hai chun inhriettirna an hung siem a. Jiribam kuom hnai Assam ram tienga Hmar khuo hai vênghimna chungthua buoina le harsatna nei hai chun HNU, Assam le HSA, BV Jtrs ṭhuoitu hai kuomah intlun nghal ding a nih.Thil ṭûl le pawimaw Jiribam/Manipur buoina thu le inzawma Barak Valley a Hmar nau hai sanhimna ding a nih phawt chun zanril khawm nih sien HNU, Assam, HSA, Barak Valley Jtrs, DIG, Southern Range le SP, Silchar ṭhangkawpa hma làk dinga inbiek a nih. Barak Valley a Hmar hai himna dingin Assam sawrkar leh ei ṭhangkawp a nih ti mipuiin ei hriet a ṭha.
Manipura tlângmi hai le phâimi hai inkara buoina hin Assam ram le Assam mipui hai iengtikawngzawng khawma a hung sukbuoi ding a ni naw thu Assam Chief Minister in DIG, Southern Range le SP Silchar kuoma a hung hril a, abîktakin Manipur le Assam ramri hnai Assam ram tienga um Hmarkhuo hai ngaiven ṭha dinga hril an nih.
Thubelchiengdawllo, tuta Jiribam le asevel buoi mêkna thu le inzawmin social media whatsapp le facebook ah hai mi tukhawma therdarlo dinga inhriettir ei nih bawk.
.JPG)
No comments:
Post a Comment
Comments not related to the topic will be removed immediately.