2 drug peddlers arrested in Huakngoram

HPO/CDF-Hualngoram Leh Police Ten Heroin Leh A Khawih Tu Mi 6 An Man

June 30, 2024: Chinland ram Chin State Hualngoram chhungah ruihhlo tawlh lui an la awm zel a HPO/CDF- Hualngoram leh Police ten June 28 zan khan Mizoram a lut tur heroin hawng ( 58 ) leh a khawih tu mi 6 chu an man thu HPO lam chuan Zofa Journal ah hriattirna nei.

Ruihhlo hi Zophai Kalay Township Haikhawl khua aṭanga Chin State Hualngoram Tiau-khawmawia raltlan ( khawsa mek ) Josep Lal Siam Tluang (Kum 24) S/o Pu Lal Ruat Piang kut aṭanga man a ni. 

HPO/CDF-Hualngoram leh Police ten midang inhnamhnawih an awm leh awm loh uluk taka an chhuizui hnuin an thawhpui ṭhin Kalay Township Sekan Khua aṭanga Tiau-Khawmawi a rawn raltlan ( khawsa mek ) Pi Sui Nei Thluai (kum 42) D/o Pu No Hlei Thang hnen  atangin Heroin zawrh sum Rs 394,000/- (Rupees nuaih thum singkua leh sangli) leh Myanmar pawisa 1,490,000/- MMK (Kyats nuaih sawm pali leh singkua) chu an man chhuak leh ta a ni.

He case kaihhnawih ngei nia finfiah mi dang te chu;

1. Pu Van Thawm Mang( kum 41), drug carrier, Tiau-Khawmawi

2. Pi Lalpekmuani (kum 38) , Kalay Township Min Hlah khua, tuna Khawzawla cheng mek,

3. Emmanuel Dingngheta ( kum-26) , drug user nia inchhal, Tiau-Khawmawi a cheng mek, leh 

4. Pu Lal Nei Thang (Kum 30), Saihmun khua, Chin state aṭanga Tiau-Khawmawi a cheng mek, drug carrier nia inchhal 

te chu man nghal an nih thu Report kan dawng. 

Heng mi man te hi dan anga hremna pek an nih theih nan Hualngoram Legal Authority (HLA) chuan an chung thu a rel ang. HPO/CDF-Hualngoram Leh Police chuan Chinland Council leh Central YMA hmalakna ang zel in ruihhlo do kawngah theih tawp a chhuah zel dawna,  an hmel pawh fiah taka post chhuah thin zel an nih tur thu an sawi. 

Zofa te min nuai chimittu ruihhlo chu theihtawp chhuaha mipui te nen thawhhona tha nei chungzela ruihhlo laka ram leh hnam kan him theih na tur in HPO/CDF- Hualngoram leh Police chuan mipui hnenah ngenna leh sawmna an nei a ni.

~ Zofa Journal 

Share: