Kuki Reformation Forum: Condemnation & Condolence

5th May 2024: Kuki Reformation Forum (KReF) in Gl. Thangminlal @ Tamin, KReF member luikhatkithana chungah nasatah in nommo sahna ahung kiphong in ahi. Hinkho kitihi Pathen tilouvin asemthei ahilou jehin mihem hinna semthei louhon hinna lah kitihi Namsunga koi hijong leuhen avel a ibollou heldiuva ikitep utoh kilhonin Tolthahho Mochanna sangpen akipen ahi.

Kukite khankho-nunkho a ‘Death Penalty’ kitihi um ngailou him him ahin, hijehchun ipi kiloikhomna hihen ipi suhkhel nei hijongleh Gihna 3 vei beh kipeh a, maban gotna hijongleh kipeh panding ahi tihi ‘Pupa Nam Khankho’ isuhmil lou diuvin ikitem un ahi. Namsunga kikhelna leh Khankho-nunkho, thutah a kivaihopna dinga kum hijat genthei kithohna ho gasotei dingin Nam mipin pan lacheh ute. Kitha-kimat, nehguh-chahguh leh kibungkhen naho ibol tahlou heldiuvin ikitem un ahi.

Ka member lui u Gl. Tamin in neidalhahnau chungah Memberhon ‘Jana ‘ sangpen pehnan TomponSaipikhup khat in kahinkhu uve, damsel in chemaitan. Pa komah lung mongtah in kichol maitan. Adalhah innsung mite Chung Pathen in Lungmonna leh Lhamonna petauhen.

Sd/-(SS BAITE), Secretary,
Sd/-(JERRY J. HAOKIP) 
Secretary Information & Publicity
Issued in Public Interest by: 
KUKI REFORMATION FORUM (KReF)

Share: