HAPPY MOTHER'S DAY: Dr NC Khup (Eye Specialist)

KUM 1984 khonga tuailai, midang tampi bangmai a sepdi, bawldi leh maban di khong ngaihtuah na lungsim a le om lou in hun kana zang hi. Manipur a Medical Entrance exam bang nu te sawl hat a va piak di chih hilel. Exam pe dia ka kuan dek in, Rs 50 tawh ka nun hon sawl hi. Ki hai gitlouh in Rs 10 hon behlap in ka chi hi. Huailai a Imphal tan Bahara Rs 10 khong chauh ahi. Kei zat di ka deih beh ziak a ngen ki hilel. Ka nun ka nei kei, hichiin va kuan in hon chi. Ken lah non behlap kei leh ka kuan kei di, chi kawm in New Bazaar bus parking lam ka manoh suk hi. Ka nun hon nung delh in, Bus parking ah khe vuak toh (sleeper bulh di le nei lou) Rs 10 hong pe chen chen hi. 

Result hong suak, a 6 na pang. Hilele, ken ka nu kiangah Manipur a chu zil lou di kon chi non a. Huchiin (L) Pu Phungzathang Medical Minister kiangah va gen diin  (L) Pu Thuamzagin hon chial.sak hi. Ka va gen ua leh, Pu PZT in min Manipur a sim a ut lai ua, nang gamdang ut, na ut na penpen tel aw, hon chi hi. 

Ka Nu ka na suk tawl dan leh a hon thuak theih dan te ka ngaihtuah chian, ka mit tui a ke pahpah. Tu khong in dam hileh... chih ka ut thei mahmah. 

A kuapeuh, na Nu te un hon dampih lai te kiangah: Hampha na hi uh, na nu te uh itt un. Amau nou a dia haksat leh tawl khoksa lou a, hon itt uh ahi.

HAPPY MOTHER'S DAY!

Share: