Samson in amansua teh: Kapboi Suantak

VAIHOMTUTE teh lak a minthang pen leh amin kithei pen ahi leh Samson hiding hi. Aki theina jiak pen ahi leh bang ma dang hilou in ahatna ziak ahi. Tualeh Samson pen mihat ahi man in mi lian velvol khat ding dan in ki ngaitua kha gige hi. Ahinla Laisiangthou sung a ih mu dan in amah pen mi nautang teh chia ma pha lel hileh kilom hi.Tua ahiman in amelma teh in ahatna khoi a hung kipan ahia chi thei lou uhi, atha lian velvol, leh taksa lianpi nei hileh aw alet jiak ,atha gol jiak chi ding uhi.

Samson in anuntakna a thil tampi mansua kha  hi,tualeh hih athil mansua teh jiak in anuntakna pen hung kileh bul in ,tualeh ahun loupi in anuntakna hung bei mok hi. Tua ahiman in tuni in hih amansua thil teh ih enn khom ding uhi.Tualeh Samson in amansua thil teh a apat in  bang Jil thei ding ih nei a chi teh a ban ban in ih enn suk suk ding uhi.

Amasa pen  in Samson in a hinkhua a  ding a poimoh ma mah thil nih amansua teh ih enn masa phot ding uhi.Hih thil ni tegel ahileh Samson a ding a ahinna nak ahi.(source/fountain)

👉 NAZIRITE  THUKHUN MANSUA HI:

Samson pen apian masang apat Toupa Vantungmi in Anu leh apa teh kiang a nazirite mi hiding in ana genlok khin uhi(Vaihomtute 13:5).Tualeh hi nazirite mite in bolthei lou ding thupiak ajui ding uh bang ja hiam khat nei uhi(Numbers 6).Etsakna ding in mi shi tham lou ding,samtan lou ding,ju Don lou ding chite ahi.Ahinla Samson in hih teng khat bek jui jou lou hi.Tua ahi man a nuntakna pen a pai ding bang in hung pai non lou hi.Ih Christian nuntakna eite jong Samson ma bang in sapkhiat teh ih uhi.Tualeh ahung kisap khiat dan dungjui a ih nuntak ih jak lou Chiang un ih Christian nuntakna pen machal lou in piching theilou hi .Tua ban a ga jong ki suang jou lou hi.

👉AMI HINA (nationality) MANSUA HI:

Samson pen Iseral mi Dan phung pan ahi.Tualeh Pasian in Iseralte teh gamdai ah aom lai un mosi kiang a thukham tampi jui ding ana pia hi.Tua teh lak a khat ahi leh Cannan mite toh kiteng lou ding, atate uh jong Cannan mite ji ding a pia lou ding chi ahi (Leviticus 20:23).Ahinla Samson in hih thukham  pal san in Iseral minam hilou Cannan miteh a ji ding in lung Gul den hi.Tua ahiman in atop in hi alung gul den Cannan numeite teh jiak in anuntakna pen hung bei phut hi.

Hih atung a ih gen tegel Aman sua man in Samson nuntakna pen hung kileh bul hi.Tualeh hih thil ni amansua jiak in anauntak a omlai teng haksatna leh lungkhamna  tampi toh bei  hi.Hih atung a ami hina nazirite thukhun leh Iseral mi Hina amansua jiak a atung a thil tung huaisia josem leh chijat huai teh aban ban in ih ennsuk kit ding uhi.

💠  A PASIAN MANSUA HI (16:20)

Ami hina nazirite thukhun palsan in, Cannan numeite toh buaiden ahi man in atop in Pasian in  kokhuk a Kiasak hi. Samson in nidang a ahat ngai  bang a hat ding kisa in kihut khiat som hi, ahinla Pasian in ana paimang san hi.Tualeh Laisiangthou in Samson in Pasian in amah apai  mang sanlam jong theilou hi, chi chit chiat hi .Leitung nopsakna a kibual seng ta ahi man in Pasian nagawn in a kihep khiat San lam jong thei lou mok hi.Samson in a Pasian mansua ahi kei leh Samson  Pasian in paimang san ih chi Chiang in Samson pen bang ma  lou Chihna hita hi (From hero to zero suak suk hi)

Ih nuntakna a Pasian a pang non lou Chiang, ih nuntakna a Toupa aom non lou Chiang bangma lou kisuak ding hi.Na hatna teh, na Siam nateh , na bolthei nateh ,na nei nalam teh, na melhoihna teh na sum leh paiteh a bon in bang ma lou suak siang ding hi.

💠A HATNA MANSUA HI (16:21)

Samson minthang na pen a mel hoih man apil man hilou in a hatman hijo hi.Tualeh hi a hatna pen asam aom ahi.Tualeh hih ahatna pen amiteh hutkhiat nang leh amah ki veng nang ahi.Ahinla Samson in ahatna nak( source/fountain ) nazirite thukhun leh Iseral mi Hina teh palsan ahi man in ahun atun tak in   a ngaih ma mah Delilah khut a anuntakna beisak in om hi. Ahatna pen asam aom ahi, ahinla asam akitan sak tak man in ahatna teng bei khin jou hi.Tuachin amelma teh salmat in hung om  hi.

Tuama bang in eite in jong ih hatna pen Pasian deina bang leh amah hoih sakna lam a ih jak jing  ding poimoh ahi dan hung Jil sak hi.Ih hatna teh , ih pilna teh , ih Siam nateh ,ih hauna teh hung siampa dei dan a ih jak kei leh hihteh khempeuh abon a mangthang sak thei lai leh beimang sak thei lai Pasian ahi.

💠 A KHOMUNA  (vision) MANSUA HI (16:21)

Mihing teh a ding a khomuna bei Kan a poi Jo omlou hi. Thil leh na khempeuh ih thei thei nateh pen  ja  (100) lak a sawmkua leh nga  (95 )pen ih mu na pat a ki thei ahi. Tualeh khomu lou khat pen leitung ah a nuntak man thaman omlou toh ki bang ahi .Hih hun a Samson pen a mohna jiak in  amelma teh in akhomuna Amit tegel lak khiat  sak lai uhi.Tua ban a gim genthei na nasa Tak in thuak sak uhi. Samson in a khomuna pen Toupa deina bang a Jang lou ahi man in atop in amelma teh tung tawn in amit tegel lak khiat sak in om hi.Tua ahi man eite jong ih khomuna ih mit teh Toupa dei dan a ih jak hamtang ding pen hung siampa deina ahi.

💠 A ZALENA (freedom) MANSUA HI (16:21)

Suangkul sung a kikhum den ding chi pen leitung a damlai hima lei jong ih dam man om non lou toh ki bang ding  ahi.Samson pen amelma teh in  shick khau in henlai uhi, ni dang ah a ut dan dan a zalen Tak a om na pat in a zalena suk beisak in om hi. Samson pen adamlai in mishi toh ki bang hung hita hi.Bang hang in ih chi leh ,Pasian in Taisan mang, ahatna teng bei mang ,amit muna teng bei mang ,tualeh a zalena teng jong beimang hi.Samson in a nei khempeuh beimang sak hi,tua ahiman in  adamlai in jong a shi toh kibang ta hi.

Eite in jong hih bang teng ih tuak lou na ding un Toupa'n  hung piak ih zalena teh ajak dan ih Siam ma mah ding uh kisam hamtang  uhi.Ka hinkhua ka thu thu chi ah ki chapou sak ding leh ei mani du du dei dei nek leh noplen na ding hilou ahi .Hung siampa deina bang a ih zalena ih jak ding ahi Jo hi .Bang jiak in e ih chi leh Samson zalena a beimang sak pa in eite zalena jong beisak thei lai ahi .

💠 A HINNA MANSUA HI (16:30)

Tualeh atop in ahinna mansua hi.Pasian in paimang san, ahatna teng bei khin mang,Amit muna teng bei khin mang Tuaban ah a zalena teng jong bei khin mang hi.Tualeh atop in a hinna jong hung bei khong khong hi.Bang jiak in e ih chi leh a nuntakna ding a poimoh teng in amah paimang san jou hi.

Eite in jong hi bang teng ih tuak lou na ding un ih  nuntakna hung pia pa,hatna hung pia pa, khomuna hung pia pa,leh zalena hung pia pa pen bang chi lai peuh a athu ih jui a amah dei dan a ih nuntakna ih jak jing ding uh ahi dan hung Jil sak hi . 

****************

Share: