Na heutu thei in: Pu Thanglianpau Guite, President ZRO/A

✓21st Century Zomi te simleivai makai a hihding theilawk hilou in, apu loubawl mi Awithang Guite@ Thangbuai Guite leh a pi  Chingkhoniang te tapa deihthoh Pu Khatkhanthang Guite leh Pi  Niangchiin te kikal a gil a gah goutan masa ding in 1960 kum in Lousau khua Mualnuam ah  khawvak mu masa  hi.

✓A pu Tuito Galkap a kuanlui  Awithang Guite @ Thangbuai Guite in Mualnuam khua a asihsan chiang in, India gamgi a pat gamlalou, Kangkap khua a pat galmuh theih Pangmual, api  Chingkhoniang nawlam  ah a neuchik ahihlai in pem uhi.

✓Haksatna tampi lak ah  siamsin laizil in  khota leh kholian tuamtuam ah nu leh pa deihsakna toh kisinsiam a khangkhia in Rangoon University ah MSc(Zoology) kum1987 in zou hi. Burma democracy deih a kiphin siamsin naupangte makai  hihkhak ziak in Burma sepaih vaihawmna khut a pat haksatna tampi phu mualsuah hi.

✓ Democracy deih a kiphin siamsin mite a makaihna  ziak ahi ding, deihsakna  tang in1990 General Election, Tonzang Township Constituency ah Zomi National Congress (ZNC) min toh  telching himahleh Millitary Junta in hiai kitelna result pomlou in  MP hihna luah khalou  hi.

✓Kum 1990 election a MP telching a omte a tamzaw in lubuk humbitna ding a Myanmar a pawtsan lai un aman bel Pangmual khua zuan in huai a pat mimbang pianna vangkhua, pupa laitual lenna  Mualnuam khua ah 1993 kum in tung hi. Mualnuam a pat tu in New Lamka teng hi.

✓Kum 1993 in Pu Khaizasong Guite makaih ZRO ah founder Vice-president hihna sang hi. Pu K Guite khut a pat, August 1997 Kuki gal buailai in ZRO/A President hihna sang nawn hi.

✓Pianna vangkhua a hong tunkik nung hun sawtlou  in 'Indian Citizens by birth' ngekngek ahihziak in  Pasport, AADHAR Card leh  Voter Identity card te a hiding bang tak in ngah hi.

✓Pianphung a India khua leh tui ahihna apu-apa a pat ahi hi. A pu Awithang Guite @ Thangbuai Guite, Tuito Galkap (France Labor Corps 1914-1916, WW-I) a kuante sulnung list  Mualnuam Souvenir, 2005, page 27 ah leng tuang muhtheih ding in omlai hi.

✓  A minpu in MP telching himahleh, huai dinmun luahkha ngeilou hi. A siamsinna hunte Burma ah zang mahleh a pianna gam India ahih man in India mi ahi. Kum 30 phial a mipite a ding a kolchiang toh Zogam  a makaihna ah, a tom a gen in, Manipur non-Naga te lak a SoO kaihna a vanzat poimoh leh a kai masa pen hihna tang hi.

Source: 
SATYAMEVA JAYATE
Know Your Leader Series

Share: